Ny nynorskversjon av songskatt
Norstoga og Reistad byr på friske versjonar av Hartvig Kirans omsetjingar av nordamerikanske folkesongar.
Aasmund Nordstoga og Åsmund Reistad har spelt inn gamle viser.
Foto: Gudrun Kristine Semons
Viser
Aasmund Nordstoga og Åsmund Reistad:
Tom Duley og andre viser
Lydpressa
Americana er eit stilistisk samleomgrep som ein støyter på rett som det er for tida. Det kan tyda så mangt, alt etter kven som nyttar ordet, men fellesnemnaren er ofte eldre nordamerikanske musikkformer som country and western og bluegrass, vanlegvis framførte med akustiske instrument som banjo og gitar. Store delar av dette repertoaret kan gjerne kallast «folkeviser».
Det som er spanande med slike viser, er at dei kan dukka opp til ulike tider i så mange slags utformingar. Visene på denne plata finst i eit utal versjonar på originalspråket, men vart omsette til norsk av Hartvig Kiran (1911–1978) så tidleg som i 1962, då han gav ut boka Tom Duley og andre viser etter amerikanske folkesongar. Boka vart populær under «visebølgja» på 70-talet, og vert gjennom denne produksjonen vekt til liv på ny.
Ein sterk kvalitet ved omsetjingane til Kiran er at velkjende songar (som «I gave my love a cherry» og «Tom Dooley») framstår som heilt nye i nynorskversjon. Det hjelper dessutan at Aasmund Nordstoga er ein framifrå tekstformidlar. Og det er teksten – desse små forteljingane på rim – som er i fokus heile vegen. Plata er til og med ei av dei få som startar rett på songen utan noka form for førespel: «Oppe ved osen bur jenta mi på lag/ labbar opp til henne ein midtvekedag.»
Men når det er sagt: Dette er ein heilskap der Åsmund Reistads enkle, men smakfulle arrangement lyfter det heile opp på eit høgare nivå. Hovudinstrumentet er akustisk gitar, men det førekjem dessutan fleirstemd koring og spreidde innslag av piano, banjo og melodica. Plata er atter ei stadfesting på slitestyrken til desse gamle visene.
Sigbjørn Apeland
Sigbjørn Apeland er musikar, musikkvitar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Viser
Aasmund Nordstoga og Åsmund Reistad:
Tom Duley og andre viser
Lydpressa
Americana er eit stilistisk samleomgrep som ein støyter på rett som det er for tida. Det kan tyda så mangt, alt etter kven som nyttar ordet, men fellesnemnaren er ofte eldre nordamerikanske musikkformer som country and western og bluegrass, vanlegvis framførte med akustiske instrument som banjo og gitar. Store delar av dette repertoaret kan gjerne kallast «folkeviser».
Det som er spanande med slike viser, er at dei kan dukka opp til ulike tider i så mange slags utformingar. Visene på denne plata finst i eit utal versjonar på originalspråket, men vart omsette til norsk av Hartvig Kiran (1911–1978) så tidleg som i 1962, då han gav ut boka Tom Duley og andre viser etter amerikanske folkesongar. Boka vart populær under «visebølgja» på 70-talet, og vert gjennom denne produksjonen vekt til liv på ny.
Ein sterk kvalitet ved omsetjingane til Kiran er at velkjende songar (som «I gave my love a cherry» og «Tom Dooley») framstår som heilt nye i nynorskversjon. Det hjelper dessutan at Aasmund Nordstoga er ein framifrå tekstformidlar. Og det er teksten – desse små forteljingane på rim – som er i fokus heile vegen. Plata er til og med ei av dei få som startar rett på songen utan noka form for førespel: «Oppe ved osen bur jenta mi på lag/ labbar opp til henne ein midtvekedag.»
Men når det er sagt: Dette er ein heilskap der Åsmund Reistads enkle, men smakfulle arrangement lyfter det heile opp på eit høgare nivå. Hovudinstrumentet er akustisk gitar, men det førekjem dessutan fleirstemd koring og spreidde innslag av piano, banjo og melodica. Plata er atter ei stadfesting på slitestyrken til desse gamle visene.
Sigbjørn Apeland
Sigbjørn Apeland er musikar, musikkvitar og fast musikkmeldar i Dag og Tid.
Fleire artiklar
Christian Treutmann-orgelet frå 1737 i stiftskyrkja St. Georg i Grauhof.
Foto via Wikimedia Commons
Monumental pedal
Masaaki Suzukis frasering gjev rom for smertelege dissonansar.
Det oppstår misvisande biletet av at covid-19 forårsakar Alzheimer, meiner Preben Aavitsland ve FHI.
Foto: Erik Johansen / NTB
Meir om seinfølgjer
Den årlege rapporten FHI har publisert, syner at dødeligheita blant personar under 40 år har vore nokså stabil sidan 2015.
Gukesh kan verta den klart yngste verdsmeisteren i historia. Carlsen var nesten fem år eldre då han vann kandidatturneringa og vart verdsmeister i 2013.
Foto: Maria Jemeljanova / Fide
«Sjølv har eg heller aldri sett ein så mogen 17-åring, korkje på eller utanfor sjakkbrettet.»
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Line Eldring har leidd utvalet som tilrår at Noreg både bør vidareføre og utvide samarbeidet med EU på nye område framover. Ho la nyleg fram utgreiinga «Norge og EØS: Utviklinger og erfaringer» for utanriksminister Espen Barth Eide.
Foto: Terje Pedersen / NTB
Veksande fjernstyre
Tilknytinga vår til EU veks og veks, både gjennom EØS-avtalen og utanfor, ifølgje ei ny utgreiing. Og det er få som kjenner heilskapen.