Metallisk fingerballett
I Metal: Hellsinger er det hovudlaus, taktfast headbanging med fingrane til symfonisk metal som står på agendaen.
Rytmespelet er utvikla av svenske The Outsiders.
Foto: Funcom
Metal / Spel
Metal: Hellsinger
Funcom
Rytmespelet Metal: Hellsinger er utvikla av det svenske spelstudioet The Outsiders og distribuert av den Oslo-baserte utgjevaren Funcom. Her trer spelaren inn i rolla som ein revolversjonglerande, fortapt sjel djupt nede i dødsriket som har mista både minne og stemme, fortel ein hovudskalle med djup, resonnerande stemme og likskapar til Mimir, det kroppslause orakelet frå norrøne mytar, over hypnotiserande steelgitar-country-and-western-musikk.
Så brakar det laus: Du lyt springe rundt i grimme område som står i fyr og flamme, og kjempe mot hordar av demonar og djevlar ved å trykke på skyteknappane i takt med eit symfonisk metallydspor.
Metal: Hellsinger ein slags interaktiv musikkteatralsk fingerballett, og dette med stemme og identitet står sentralt i både forteljinga og spelsystemet. Musikken er delt opp i forskjellige dynamiske trinn, og det er berre når knappetrykkinga di held takta i lange nok strekk på rad, at vokalen i musikken kjem fram. Fleire av songarane som har bidratt, er kjende frå band som Lamb of God og Arch Enemy; mest kjend av alle er den libanesisk-armenisk-amerikanske songaren Serj Tankian frå System of a Down.
Den symfoniske metalstilarten som dominerer lydsporet, er ikkje noko underteikna aktivt oppsøkjer, men eg set pris på den alternative lytte- og «danse»-opplevinga spelet er tufta på. Og versjonen av Metal: Hellsinger som finst på distribusjonsplattforma Steam, har fått støtte for såkalla «mods» der ein (med ein smule mekking) kan byte ut lydsporet med annan musikk – kanskje demonskyting til svensktopp, cloud-rap eller korpsmusikk kunne gjort seg?
Rasmus Hungnes
Rasmus Hungnes er kunstnar, DJ og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Metal / Spel
Metal: Hellsinger
Funcom
Rytmespelet Metal: Hellsinger er utvikla av det svenske spelstudioet The Outsiders og distribuert av den Oslo-baserte utgjevaren Funcom. Her trer spelaren inn i rolla som ein revolversjonglerande, fortapt sjel djupt nede i dødsriket som har mista både minne og stemme, fortel ein hovudskalle med djup, resonnerande stemme og likskapar til Mimir, det kroppslause orakelet frå norrøne mytar, over hypnotiserande steelgitar-country-and-western-musikk.
Så brakar det laus: Du lyt springe rundt i grimme område som står i fyr og flamme, og kjempe mot hordar av demonar og djevlar ved å trykke på skyteknappane i takt med eit symfonisk metallydspor.
Metal: Hellsinger ein slags interaktiv musikkteatralsk fingerballett, og dette med stemme og identitet står sentralt i både forteljinga og spelsystemet. Musikken er delt opp i forskjellige dynamiske trinn, og det er berre når knappetrykkinga di held takta i lange nok strekk på rad, at vokalen i musikken kjem fram. Fleire av songarane som har bidratt, er kjende frå band som Lamb of God og Arch Enemy; mest kjend av alle er den libanesisk-armenisk-amerikanske songaren Serj Tankian frå System of a Down.
Den symfoniske metalstilarten som dominerer lydsporet, er ikkje noko underteikna aktivt oppsøkjer, men eg set pris på den alternative lytte- og «danse»-opplevinga spelet er tufta på. Og versjonen av Metal: Hellsinger som finst på distribusjonsplattforma Steam, har fått støtte for såkalla «mods» der ein (med ein smule mekking) kan byte ut lydsporet med annan musikk – kanskje demonskyting til svensktopp, cloud-rap eller korpsmusikk kunne gjort seg?
Rasmus Hungnes
Rasmus Hungnes er kunstnar, DJ og fast musikkmeldar i Dag og Tid.
Fleire artiklar
Teikning: May Linn Clement
Historieforvanskingar
Eskil Skjeldal har skrive fleire bøker, både sakprosa og romanar.
Foto: Vegard Giskehaug
Der mørkeret bur
Eskil Skjeldal er ikkje redd for å gå dit det gjer mest vondt.
Foto: Terje Pedersen / NTB
Tendensiøs statistikk om senfølger
Myndighetene må anerkjenne at senfølger eksisterer og utgjør et samfunnsproblem.
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.