Messer en masse
På 1700-talet var hoffet i Dresden ei katolsk øy i eit hav av protestantar.
«Dresden i måneskinn», måla av bergensaren Johan Christian Dahl (1788–1857).
Standardinnspelinga
Schütz, Heinichen, Zelenka, Bach, Ristori, Hasse,
Homilius, Paër:
Meister der Dresdner Kirchenmusik
Ymse kor, solistar, orkester og dirigentar. Carus 2018.
Dresden som kulturby står i særstilling i Tyskland på grunn av den unike kunstsamlinga og barokkarkitekturen. Like imponerande må musikklivet ha arta seg i barokken. Men musikken som beinveges klingande kunstform, må jo – ulikt den bildande kunsten og bygningane – «gjenopplivast» for å opplevast.
Det var dette ei rekkje ensemble og dirigentar gjorde på plateselskapet Carus for fem år sidan, då dei med mammutalbumet Meister der Dresdner Kirchenmusik reiste eit musikalsk monument over den gamle saksiske residensbyen. Boksen med ti CD-ar gjev oss musikk frå tre hundreår. Mange av verka blir sjeldan blir framførte.
Italienskprega
Mesteparten av den innspelte kyrkjemusikken er katolsk og komponert i italiensk stil. Historisk står også Dresdens kyrkjemusikktradisjon i særstilling i Tyskland – av konfesjonelle grunnar. På 1500-talet, i tida då Heinrich Schütz (1585–1672), den eldste komponisten på albumet, blei fødd, var Sachsen det einaste protestantiske kurfyrstedømmet i Tyskland.
Men då kurfyrst August den sterke av Sachsen i 1697 konverterte til katolisismen (for å bli polsk konge), fekk dette som gjerne blir kalla «reformasjonens moderland», brått eit katolsk statsoverhovud og katolsk hoff. Ved hoffet i Dresden styrkte ein utover på 1700-talet dei musikalske banda til Italia og tilsette italienske komponistar og tyskarar som var utdanna der. Ein markant kontrast til nabobyen Leipzig, altså, som var luthersk-ortodoks.
Virtuose blåsarar
Hoffkapellet i Dresden hadde i fyrste halvdel av 1700-talet ry på seg for å vera Tysklands beste, med eineståande homogenitet i strykarklangen og ein messingblåsarseksjon samansett av virtuosar. Hoffkapellmeister Johann David Heinichen (1683–1729) trong ikkje leggja band på seg då han komponerte sine store, teknisk krevjande messer, som albumet har tre av. Messe nr. 9 i D-dur er vel den finaste, med krevjande horn- og trompetparti som minner om G.F. Händels orkestermusikk.
Også svært italiensk, men meir kontrapunktisk prega, kling musikken til den bøhmiskfødde Jan Dismas Zelenka (1679–1745). Denne lite kjende, men særmerkte og spennande komponisten er representert med Te Deum i D-dur. Komposisjonen har store kontrastar, med kraftfulle korsatsar som «Judex crederis» og intime ariar som «Tu ad liberandum», der to fløyter utan bass akkompagner altsolisten.
Musikk av den lutherske kantoren Johann Sebastian Bach (1685–1750) er forresten også med, nærare bestemt byrjinga («Kyrie»- og «Gloria»-delen) av det som seinare blei Messe i h-moll. Med desse komposisjonane, som kunne brukast i både protestantisk og katolsk gudsteneste, søkte Bach i 1733 om ein ærestittel ved hoffet i Dresden, som han tre år seinare fekk innvilga: Compositeur bei der Hof Capelle – «Komponist ved hoffkapellet».
Sjur Haga Bringeland
Sjur Haga Bringeland er musikar, musikkvitar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Standardinnspelinga
Schütz, Heinichen, Zelenka, Bach, Ristori, Hasse,
Homilius, Paër:
Meister der Dresdner Kirchenmusik
Ymse kor, solistar, orkester og dirigentar. Carus 2018.
Dresden som kulturby står i særstilling i Tyskland på grunn av den unike kunstsamlinga og barokkarkitekturen. Like imponerande må musikklivet ha arta seg i barokken. Men musikken som beinveges klingande kunstform, må jo – ulikt den bildande kunsten og bygningane – «gjenopplivast» for å opplevast.
Det var dette ei rekkje ensemble og dirigentar gjorde på plateselskapet Carus for fem år sidan, då dei med mammutalbumet Meister der Dresdner Kirchenmusik reiste eit musikalsk monument over den gamle saksiske residensbyen. Boksen med ti CD-ar gjev oss musikk frå tre hundreår. Mange av verka blir sjeldan blir framførte.
Italienskprega
Mesteparten av den innspelte kyrkjemusikken er katolsk og komponert i italiensk stil. Historisk står også Dresdens kyrkjemusikktradisjon i særstilling i Tyskland – av konfesjonelle grunnar. På 1500-talet, i tida då Heinrich Schütz (1585–1672), den eldste komponisten på albumet, blei fødd, var Sachsen det einaste protestantiske kurfyrstedømmet i Tyskland.
Men då kurfyrst August den sterke av Sachsen i 1697 konverterte til katolisismen (for å bli polsk konge), fekk dette som gjerne blir kalla «reformasjonens moderland», brått eit katolsk statsoverhovud og katolsk hoff. Ved hoffet i Dresden styrkte ein utover på 1700-talet dei musikalske banda til Italia og tilsette italienske komponistar og tyskarar som var utdanna der. Ein markant kontrast til nabobyen Leipzig, altså, som var luthersk-ortodoks.
Virtuose blåsarar
Hoffkapellet i Dresden hadde i fyrste halvdel av 1700-talet ry på seg for å vera Tysklands beste, med eineståande homogenitet i strykarklangen og ein messingblåsarseksjon samansett av virtuosar. Hoffkapellmeister Johann David Heinichen (1683–1729) trong ikkje leggja band på seg då han komponerte sine store, teknisk krevjande messer, som albumet har tre av. Messe nr. 9 i D-dur er vel den finaste, med krevjande horn- og trompetparti som minner om G.F. Händels orkestermusikk.
Også svært italiensk, men meir kontrapunktisk prega, kling musikken til den bøhmiskfødde Jan Dismas Zelenka (1679–1745). Denne lite kjende, men særmerkte og spennande komponisten er representert med Te Deum i D-dur. Komposisjonen har store kontrastar, med kraftfulle korsatsar som «Judex crederis» og intime ariar som «Tu ad liberandum», der to fløyter utan bass akkompagner altsolisten.
Musikk av den lutherske kantoren Johann Sebastian Bach (1685–1750) er forresten også med, nærare bestemt byrjinga («Kyrie»- og «Gloria»-delen) av det som seinare blei Messe i h-moll. Med desse komposisjonane, som kunne brukast i både protestantisk og katolsk gudsteneste, søkte Bach i 1733 om ein ærestittel ved hoffet i Dresden, som han tre år seinare fekk innvilga: Compositeur bei der Hof Capelle – «Komponist ved hoffkapellet».
Sjur Haga Bringeland
Sjur Haga Bringeland er musikar, musikkvitar og fast musikkmeldar i Dag og Tid.
Fleire artiklar
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Den norske fiskeflåten er mangfaldig. Her er ringnotfartøy ved kai i Egersund våren 2017.
Foto: Per Anders Todal
Fiskar er fiskar verst
Striden om kvotemeldinga kan få Fiskarlaget til å rivne.
Mannsutvalet saman med kultur- og likestillingsminister Lubna Jaffery under overrekkinga av rapporten.
Foto: Ole Berg-Rusten
Vil avlive likestillingsmytar
Forskar Mari Teigen ønskjer seg ein kjønnsdebatt bygd på kunnskap.
Statsministeren i Storbritannia, Rishi Sunak, har varsla at dei fyrste flya mot Rwanda skal vere i lufta løpet av ti til tolv veker.
Foto: Toby Melville / Reuters / NTB
Vil nytte Rwanda
som asylskremsel
Den som prøver å ta seg til Storbritannia med båt over Den engelske kanalen for å søkje asyl, risikerer i framtida å verte sett på eit fly til Rwanda utan høve til å returnere.