Lyden av 20-talstechno
Det skotske plateselskapet Mála Ádh si nye overraskingssamling opnar opp for noko godt.
Valerie Ace bidreg med «Dream Harder», ei inspirerande radbrekking av Justin Timberlakes klassiske hit frå 2006, skriv Rasmus Hungnes.
Foto: Soundcloud.com
Elektronisk musikk
Ymse artistar:
LUCKYBAG002
Mála Ádh
Mála ádh er gælisk for lykkepose. Eg var flaksen nok til å slumpe til å få tilgang til den nye samlinga til det skotske plateselskapet tidlig, og kan melde at LUCKYBAG002 er fylt med saliggjerande musikk som får bein, føter, hovud – kort sagt alle kropps- og sinnsdelar – til å humpe og sprette i takt.
LUCKYBAG002 kom på CD førre veke og kjem straks òg i ikkje-fysisk format. I likskap med forgjengaren er alle bidraga framifrå døme på det som har dominert technomusikken dette tiåret så langt: Dette er dansemusikk av det høveleg harde slaget, techno blanda med eit islett industrial, hypnotiske tranceelement og flust med snurrige krumspring.
Valerie Ace bidreg med «Dream Harder», ei inspirerande radbrekking av Justin Timberlakes klassiske hit frå 2006, «Sexy Back». Greske MarcelDune har markert seg som ein svert interessant produsent dei siste par åra, og hennar tornande spor «You Could Never» skuffar slett ikkje. DJ Pacifier – pacifier tyder smokk – sitt bidrag, «Adventure», er nærast rolig i forhold, og minner meg på underleg vis om ein gamal barne-TV-snutt med ei mus som er ute på eventyr og svingar seg mellom kjøkkenhyllene.
Terrorythmus skapar sving med ein leiken synthmelodi og polyrytmiske skifte på «ULTIMATE».
Etter suksessen til Machine Girl og Duma å døme – begge laga nyleg stor stemning då dei vitja Blå i Oslo – er det stor hunger etter den primale kjensla som berre musikk dominert av djupe basstrommer og vilter perkusjon kan mane fram – «entrainment», som det å bli riven med eller sogen inn av rytmar i fellesskap blir kalla i musikknevrologifaget. Det er nesten så fellesskapskjensla snik seg innpå her eg sit, mutters åleine, og høyrer på LUCKYBAG002.
Rasmus Hungnes
Rasmus Hungnes er kunstnar, musikar, DJ og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Elektronisk musikk
Ymse artistar:
LUCKYBAG002
Mála Ádh
Mála ádh er gælisk for lykkepose. Eg var flaksen nok til å slumpe til å få tilgang til den nye samlinga til det skotske plateselskapet tidlig, og kan melde at LUCKYBAG002 er fylt med saliggjerande musikk som får bein, føter, hovud – kort sagt alle kropps- og sinnsdelar – til å humpe og sprette i takt.
LUCKYBAG002 kom på CD førre veke og kjem straks òg i ikkje-fysisk format. I likskap med forgjengaren er alle bidraga framifrå døme på det som har dominert technomusikken dette tiåret så langt: Dette er dansemusikk av det høveleg harde slaget, techno blanda med eit islett industrial, hypnotiske tranceelement og flust med snurrige krumspring.
Valerie Ace bidreg med «Dream Harder», ei inspirerande radbrekking av Justin Timberlakes klassiske hit frå 2006, «Sexy Back». Greske MarcelDune har markert seg som ein svert interessant produsent dei siste par åra, og hennar tornande spor «You Could Never» skuffar slett ikkje. DJ Pacifier – pacifier tyder smokk – sitt bidrag, «Adventure», er nærast rolig i forhold, og minner meg på underleg vis om ein gamal barne-TV-snutt med ei mus som er ute på eventyr og svingar seg mellom kjøkkenhyllene.
Terrorythmus skapar sving med ein leiken synthmelodi og polyrytmiske skifte på «ULTIMATE».
Etter suksessen til Machine Girl og Duma å døme – begge laga nyleg stor stemning då dei vitja Blå i Oslo – er det stor hunger etter den primale kjensla som berre musikk dominert av djupe basstrommer og vilter perkusjon kan mane fram – «entrainment», som det å bli riven med eller sogen inn av rytmar i fellesskap blir kalla i musikknevrologifaget. Det er nesten så fellesskapskjensla snik seg innpå her eg sit, mutters åleine, og høyrer på LUCKYBAG002.
Rasmus Hungnes
Rasmus Hungnes er kunstnar, musikar, DJ og fast musikkmeldar i Dag og Tid.
Fleire artiklar
Foto: Seth Wenig / AP / NTB
Eit teikn på frustrasjon
Korkje Trump eller Biden har i røynda full kontroll på auke og fall i inflasjon eller kriminalitet.
Else Hagen: «Familie» (1950), olje på lerret. Rolf E. Stenersens samling / Munchmuseet.
Etterlysing og turné
Else Hagen er i dag eit ukjent namn for mange, men det er i endring.
Anders Folkestad og Torbjørn Ryssevik meiner det er nødvendig å styrke den vidaregåande skulen si studieførebuande rolle.
Gorm Kallestad / NTB
Studieopptak og skulifisering
Statsråden gjer rett i å avvise opptaksprøver som hovudveg til høgare utdanning.
Stig Amdam og Ragnhild Gudbrandsen spelar hovudrollene i stykket av August Strindberg.
Foto: Magnus Skrede / Den Nationale Scene
Krigen mellom kjønna
Dødsdansen er eit ekteskapsdrama der komikken får for stor plass, men spelestilane utfordrar kvarandre på interessant vis.
Nana rise-Lynum er redaktør i Norsk Barneblad.
Foto: Per Anders Todal
Å gi barn det dei ikkje veit at dei vil ha
Norsk Barneblad vart skipa i 1887 og har kome ut kvart år sidan. Sist helg fekk Nana Rise-Lynum Målprisen frå Noregs Mållag for innsatsen som redaktør.