Kaninholheismuzak
Yetsuby lagar lukksalig psykotisk eventyrmusikk.
Elektronisk
musikk
Yetsuby:
b_b
all my thoughts
Sørkoreanske Yetsuby er kjend frå duoen Salamanda. På b_b går ho solo, og «Who Swallowed The Chimes At The Random Place» er første spor. Det seier pling og plong lik ein mystifistisk heis, eit vanvitig lydapparat set gradvis plutseleg i sving, og så ber det strake vegen ned i kaninheissjaktholet. Spretten og lett perkusjon og tungeklikk av ukjende slag knitrar om kapp med fragmenterte virtuelle vokalistar og syntetisk korsong, og kva for fuglar som kvitrar, må fuglane vite, men fredfulle fløyter, silkemjuk synthesizerstøy, bablande kvalar og boblande bakgrunnslydar, søt uroklang og delfinane som plaskar lukksalig kringom på alle – med fleire – kantar på ein spretten base av hypnotiserande analogsynt-arpeggiato, kiler iherdig i veg på sentralnervesystemet og gir ikkje høve til å tenkje over at her går det unna, du gitt.
Virvaret av kontrasterande perspektiv smeltar saman til ein underleg mangefasettert heilskap, klatrar opp og ned på langs og tvers av kvarandre lik ein musikalsk sirkustrupp, og distraherer frå det tilsynelatande ulogiske i kakofonisymfonien med ei overtydande eventyrleg vrangførestilling der dramaet konstant tar endelause uventa vendingar og brettar seg ut i uante retningar.
Lyttaren blir forført av romantiske saksofonetterlikningar, medan ein tullete allmektig dansepartnar slenger oss hjelpelaust omkring i ein umogeleg svingom til lyden av liksom-kontrabass, og – bums i bakken! – på «Poly Juice» dukkar arpeggiatosynthesizeren opp att, denne gongen med ein polyfonisk hypnosearmé på slep. Eit stykke bak i paraden følgjer eit Aphex Twin- og drill’n’bass-aktig drillkorps. Subbassen ville skremt den modigaste meitemarken opp på landjorda. Ihuga synt-trommer blir med på laget, og så er det heile, som ved eit trylleslag, heilt spinnvilt. b_b er eit ufatteleg festmusikkstykke som passar like godt til burdags- som ubursdagsfeiring. Tre tomlar opp b_b_b!
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Elektronisk
musikk
Yetsuby:
b_b
all my thoughts
Sørkoreanske Yetsuby er kjend frå duoen Salamanda. På b_b går ho solo, og «Who Swallowed The Chimes At The Random Place» er første spor. Det seier pling og plong lik ein mystifistisk heis, eit vanvitig lydapparat set gradvis plutseleg i sving, og så ber det strake vegen ned i kaninheissjaktholet. Spretten og lett perkusjon og tungeklikk av ukjende slag knitrar om kapp med fragmenterte virtuelle vokalistar og syntetisk korsong, og kva for fuglar som kvitrar, må fuglane vite, men fredfulle fløyter, silkemjuk synthesizerstøy, bablande kvalar og boblande bakgrunnslydar, søt uroklang og delfinane som plaskar lukksalig kringom på alle – med fleire – kantar på ein spretten base av hypnotiserande analogsynt-arpeggiato, kiler iherdig i veg på sentralnervesystemet og gir ikkje høve til å tenkje over at her går det unna, du gitt.
Virvaret av kontrasterande perspektiv smeltar saman til ein underleg mangefasettert heilskap, klatrar opp og ned på langs og tvers av kvarandre lik ein musikalsk sirkustrupp, og distraherer frå det tilsynelatande ulogiske i kakofonisymfonien med ei overtydande eventyrleg vrangførestilling der dramaet konstant tar endelause uventa vendingar og brettar seg ut i uante retningar.
Lyttaren blir forført av romantiske saksofonetterlikningar, medan ein tullete allmektig dansepartnar slenger oss hjelpelaust omkring i ein umogeleg svingom til lyden av liksom-kontrabass, og – bums i bakken! – på «Poly Juice» dukkar arpeggiatosynthesizeren opp att, denne gongen med ein polyfonisk hypnosearmé på slep. Eit stykke bak i paraden følgjer eit Aphex Twin- og drill’n’bass-aktig drillkorps. Subbassen ville skremt den modigaste meitemarken opp på landjorda. Ihuga synt-trommer blir med på laget, og så er det heile, som ved eit trylleslag, heilt spinnvilt. b_b er eit ufatteleg festmusikkstykke som passar like godt til burdags- som ubursdagsfeiring. Tre tomlar opp b_b_b!
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Fleire artiklar
Nicolai Heiberg-Evenstad og Markus Lund er yngre enn fedrane sine, men likevel gode.
Foto: Norsk bridgeforbund
«Bridge er så vanedannande og tidkrevjande at det kan gå på kostnad av både studium, arbeid, kjærleiksliv, eigne born, barneborn og liknande.»
Reisande på Gardermoen i juni i år. Oslo lufthamn er i særklasse den mest lønsame flyplassen Avinor driv. Dei aller fleste norske flyplassane går med underskot.
Foto: Javad Parsa / NTB
Avinor-krisa tok ikkje slutt da pandemitiltaka gjorde det. Kan det vere styringsmodellen det er noko gale med?
Cissy Houston
Wikimedia Commons
Arkivet: Emily «Cissy» Houston (1933–2024)
Berlin: Med bandet kring seg står Bob Dylan ved flygelet og spelar munnspel.
Foto: Håvard Rem
Som å lesa ei bok
Dylan (83) vert eldre, men skriv og syng betre.
Teikning: May Linn Clement