I italiensk smak
Justin Taylor syner oss Bachs sydlandske førebilete.
Den fransk-amerikanske cembalisten Justin Taylor.
Foto: Justin Taylor
CD
A. Scarlatti, B. Marcello, A. Vivaldi, J.S. Bach:
Bach & l’Italie
Justin Taylor, cembalo.
Alpha 2023
Sidan slutten av renessansen gjekk Italia for å vera «musikkens heimland», som gav impulsar til musikkutviklinga i heile Europa. På albumet Bach & l’Italie syner cembalisten Justin Taylor døme på påverknaden, med Johann Sebastian Bach (1685–1750) som «saksstudie». Sjølv om Bach aldri drog på studiereise til Italia, slik den jamaldrande landsmannen Händel gjorde, sette han seg grundig inn i den virtuose italienske stilen med sine enkle og songlege melodiar.
Bachs sjølvstudium gjekk føre seg gjennom å omarbeida orkesterverk av kjende meistrar til klaverinstrumenta cembalo og orgel. I tillegg komponerte han eigen musikk i «konserterande stil», den italienske komposisjonsforma i tre satsar (snøgg–sakte–snøgg) som har klåre vekslingar mellom tutti-parti, der heile orkesteret spelar med, og solo-parti, der solisten trer fram og orkesteret held seg attende. Desse vekslingane medfører ei karakteristisk dynamisk veksling mellom forte (sterkt) og piano (svakt).
Italiensk konsert
Bachs største sjølvstendige klaververk i slik konserterande stil er «Italiensk konsert», BWV 571, som ber originaltittelen Concerto nach Italiaenischen Gusto, altså «konsert etter italiensk smak». Vekslinga mellom tutti og solo kjem særleg godt fram på cembalo, som har «terrassedynamikk», med to tangentsett, der det eine kling sterkt og det andre svakt. Imitasjonen av den klangsvake solisten, som lyt kjempa mot resten av orkesteret, blir slik tydeleg – Bach presiserer dette eksplisitt i notane, der avsnitta er merkte med høvesvis piano eller forte.
«Italiensk konsert» er sjølvsagt med på Justin Taylors album, der han trakterer eit originalt cembalo frå kring 1730. (Dette er uvanleg, dei aller fleste innspelingane er nemleg med kopiar av gamle instrument.) Spelet hans er drivande rytmisk, særleg i sistesatsen «Presto», der straumen av åttandedelsnotar er som ein perpetuum mobile, men ikkje utan den ørvesle rytmiske fleksibiliteten som gjev musikken liv.
Eigne ornament
Men det mest interessante på plata er transkripsjonane av italiensk originalmusikk, for dei høyrer me langt sjeldnare. Antonio Vivaldis (1678–1741) frodige Fiolinkonsert i D-dur, op. 3 nr. 9 (hjå Bach BWV 972), er ein fest å lytta til. Dei fikse orkestereffektane i originalen får i klaverversjonen eit mest komisk skjer, særleg i byrjinga av sistesatsen «Allegro». Alessandro Marcellos (1673–1747) Obokonsert i d-moll, op. 1 (hjå Bach BWV 974), er også verd å nemna, for i den lyriske andresatsen «Adagio» har Bach prydd melodien med eigne ornament.
Justin Taylor har elles late seg inspirera av Bachs framgangsmåte. Han har sjølv transkribert den vakre «Largo»-satsen frå Vivaldis kjende Blokkfløytekonsert i C-dur, RV 443, til instrumentet sitt – på vellukka vis.
Sjur Haga Bringeland
Sjur Haga Bringeland er musikar, musikkvitar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
CD
A. Scarlatti, B. Marcello, A. Vivaldi, J.S. Bach:
Bach & l’Italie
Justin Taylor, cembalo.
Alpha 2023
Sidan slutten av renessansen gjekk Italia for å vera «musikkens heimland», som gav impulsar til musikkutviklinga i heile Europa. På albumet Bach & l’Italie syner cembalisten Justin Taylor døme på påverknaden, med Johann Sebastian Bach (1685–1750) som «saksstudie». Sjølv om Bach aldri drog på studiereise til Italia, slik den jamaldrande landsmannen Händel gjorde, sette han seg grundig inn i den virtuose italienske stilen med sine enkle og songlege melodiar.
Bachs sjølvstudium gjekk føre seg gjennom å omarbeida orkesterverk av kjende meistrar til klaverinstrumenta cembalo og orgel. I tillegg komponerte han eigen musikk i «konserterande stil», den italienske komposisjonsforma i tre satsar (snøgg–sakte–snøgg) som har klåre vekslingar mellom tutti-parti, der heile orkesteret spelar med, og solo-parti, der solisten trer fram og orkesteret held seg attende. Desse vekslingane medfører ei karakteristisk dynamisk veksling mellom forte (sterkt) og piano (svakt).
Italiensk konsert
Bachs største sjølvstendige klaververk i slik konserterande stil er «Italiensk konsert», BWV 571, som ber originaltittelen Concerto nach Italiaenischen Gusto, altså «konsert etter italiensk smak». Vekslinga mellom tutti og solo kjem særleg godt fram på cembalo, som har «terrassedynamikk», med to tangentsett, der det eine kling sterkt og det andre svakt. Imitasjonen av den klangsvake solisten, som lyt kjempa mot resten av orkesteret, blir slik tydeleg – Bach presiserer dette eksplisitt i notane, der avsnitta er merkte med høvesvis piano eller forte.
«Italiensk konsert» er sjølvsagt med på Justin Taylors album, der han trakterer eit originalt cembalo frå kring 1730. (Dette er uvanleg, dei aller fleste innspelingane er nemleg med kopiar av gamle instrument.) Spelet hans er drivande rytmisk, særleg i sistesatsen «Presto», der straumen av åttandedelsnotar er som ein perpetuum mobile, men ikkje utan den ørvesle rytmiske fleksibiliteten som gjev musikken liv.
Eigne ornament
Men det mest interessante på plata er transkripsjonane av italiensk originalmusikk, for dei høyrer me langt sjeldnare. Antonio Vivaldis (1678–1741) frodige Fiolinkonsert i D-dur, op. 3 nr. 9 (hjå Bach BWV 972), er ein fest å lytta til. Dei fikse orkestereffektane i originalen får i klaverversjonen eit mest komisk skjer, særleg i byrjinga av sistesatsen «Allegro». Alessandro Marcellos (1673–1747) Obokonsert i d-moll, op. 1 (hjå Bach BWV 974), er også verd å nemna, for i den lyriske andresatsen «Adagio» har Bach prydd melodien med eigne ornament.
Justin Taylor har elles late seg inspirera av Bachs framgangsmåte. Han har sjølv transkribert den vakre «Largo»-satsen frå Vivaldis kjende Blokkfløytekonsert i C-dur, RV 443, til instrumentet sitt – på vellukka vis.
Sjur Haga Bringeland
Sjur Haga Bringeland er musikar, musikkvitar og fast musikkmeldar i Dag og Tid.
Fleire artiklar
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Lite mat: Det er ikkje mykje mat å spore i 17. mai-biletarkivet til NTB, men Andrea (2) har iallfall fått is. Hurra!
Foto: Per Løchen /NTB
Mat på nasjonaldagen
Kva bør vi ete i dag om vi lèt årstida styre menyen?
Teikning: May Linn Clement
17. mai-pengar
«Mor mi viser meg telefonen og at ho har vipsa Oskar og Tomas. Det er irriterande å sjå på ein mobil som andre held i.»
Foto: Terje Pedersen / NTB
FHI svikter sitt samfunnsoppdrag
«Det er svært viktig at FHI er tydelig overfor publikum på at de ikke jobber med årsaken til long covid.»
Emilie Enger Mehl avbilda på veg til pressetreff på Grøndland for å presentere Revidert nasjonalbudsjett, 14.05.2024. I budsjettet vert det mellom anna satt av penger til å reversere domstolsreforma. Foto: Javad Parsa / NTB.
Javad Parsa
– Uforståeleg domstolsendring
Sorenskrivar Kirsti Høegh Bjørneset er kritisk til at regjeringa vil reversere domstolsreforma.