Hardtslåande øyresnop
Fever Rays tredje soloalbum er ei ambivalent handsaming av anger, hemnfantasi, sorg og sjølv- og nestekjærleik.
Elektronisk / Pop
Fever Ray:
Radical Romantics
Rabid / Mute
Radical Romantics er det tredje albumet til svenske Fever Ray, som mange kjenner frå introduksjonssekvensen til TV-serien Vikings. Albumet er inspirert av Bell Hooks’ bok All About Love, og tanken om at verda ville vore ein lukkelegare stad dersom vi kunne einast om at love er eit verb og ikkje eit substantiv – å elske.
Songane er sjølv- og samfunnskritiske og gjennomsyra av spretten, til dels hissig og svært melodiøs melankoli. Stilen er ein slags eksperimentell elektropop med hint av industrial, triphop og new age: Legg til dømes merke til dei syntetisk-eksotiske fløyte- og perkusjonslydane på songen «Kandy».
«Carbon Dioxide» er enormt energisk og dansbar med forunderleg lyrikk, medan den beinharde balladen «Did You Hear What They Call Us» tek for seg kjensla av å ikkje ha strekt til som forelder.
«Even it Out» (med Atticus Ross og Trent Reznor frå Nine Inch Nails som medprodusentar) er tufta på artistens anger over å ikkje ha meistra å stille nok opp for barnet som blei mobba på vidaregåande, men her er det såre overskrive av kokande sinne. I musikkvideoen, inspirert av John Waters-filmen Female Trouble, speler Fever Ray rolla som den blodtørstige mammaa Demona Lisa i ein eksplisitt illustrasjon av brutal hemnfantasi.
Artisten har gjort det klart at hen sjølvsagt ikkje ville sett slikt ut i livet, men vi skjønar vel greia – resonansen mellom det visuelle materialet, musikken og lyrikken manar fram underlege ekko av ambivalensen i djupe avkrokar i det menneskelege kjensleapparatet.
Og då gjeld det å høyre godt etter. Mykje snop for øyrene får ein dertil med på kjøpet.
Rasmus Hungnes
Rasmus Hungnes er musikar, kunstnar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Elektronisk / Pop
Fever Ray:
Radical Romantics
Rabid / Mute
Radical Romantics er det tredje albumet til svenske Fever Ray, som mange kjenner frå introduksjonssekvensen til TV-serien Vikings. Albumet er inspirert av Bell Hooks’ bok All About Love, og tanken om at verda ville vore ein lukkelegare stad dersom vi kunne einast om at love er eit verb og ikkje eit substantiv – å elske.
Songane er sjølv- og samfunnskritiske og gjennomsyra av spretten, til dels hissig og svært melodiøs melankoli. Stilen er ein slags eksperimentell elektropop med hint av industrial, triphop og new age: Legg til dømes merke til dei syntetisk-eksotiske fløyte- og perkusjonslydane på songen «Kandy».
«Carbon Dioxide» er enormt energisk og dansbar med forunderleg lyrikk, medan den beinharde balladen «Did You Hear What They Call Us» tek for seg kjensla av å ikkje ha strekt til som forelder.
«Even it Out» (med Atticus Ross og Trent Reznor frå Nine Inch Nails som medprodusentar) er tufta på artistens anger over å ikkje ha meistra å stille nok opp for barnet som blei mobba på vidaregåande, men her er det såre overskrive av kokande sinne. I musikkvideoen, inspirert av John Waters-filmen Female Trouble, speler Fever Ray rolla som den blodtørstige mammaa Demona Lisa i ein eksplisitt illustrasjon av brutal hemnfantasi.
Artisten har gjort det klart at hen sjølvsagt ikkje ville sett slikt ut i livet, men vi skjønar vel greia – resonansen mellom det visuelle materialet, musikken og lyrikken manar fram underlege ekko av ambivalensen i djupe avkrokar i det menneskelege kjensleapparatet.
Og då gjeld det å høyre godt etter. Mykje snop for øyrene får ein dertil med på kjøpet.
Rasmus Hungnes
Rasmus Hungnes er musikar, kunstnar og fast musikkmeldar i Dag og Tid.
Fleire artiklar
Foto: Seth Wenig / AP / NTB
Eit teikn på frustrasjon
Korkje Trump eller Biden har i røynda full kontroll på auke og fall i inflasjon eller kriminalitet.
Else Hagen: «Familie» (1950), olje på lerret. Rolf E. Stenersens samling / Munchmuseet.
Etterlysing og turné
Else Hagen er i dag eit ukjent namn for mange, men det er i endring.
Anders Folkestad og Torbjørn Ryssevik meiner det er nødvendig å styrke den vidaregåande skulen si studieførebuande rolle.
Gorm Kallestad / NTB
Studieopptak og skulifisering
Stig Amdam og Ragnhild Gudbrandsen spelar hovudrollene i stykket av August Strindberg.
Foto: Magnus Skrede / Den Nationale Scene
Krigen mellom kjønna
Dødsdansen er eit ekteskapsdrama der komikken får for stor plass, men spelestilane utfordrar kvarandre på interessant vis.
Nana rise-Lynum er redaktør i Norsk Barneblad.
Foto: Per Anders Todal
Å gi barn det dei ikkje veit at dei vil ha
Norsk Barneblad vart skipa i 1887 og har kome ut kvart år sidan. Sist helg fekk Nana Rise-Lynum Målprisen frå Noregs Mållag for innsatsen som redaktør.