Funksjonell dansemusikk
Vinnarlag frå landsfestivalen byr på entusiastisk spel.
Gamaldans
Kongsberg Trekkspillklubb:
Sandsværtradisjoner i nytt driv
Aksent
Store delar av dagens musikkliv har som eit – meir eller mindre – uttala mål å skapa ei eller anna form for kunst, gjerne av det originale og nyskapande slaget. Det gjeld òg mange av dei som syslar med tradisjonell eller moderne folkemusikk.
Men så finst det musikkformer der funksjon er det overordna målet. Det gjeld til dømes store delar av dansemusikken. Nyleg vart Landsfestivalen i gammaldans arrangert i Førde i Sunnfjord. Denne festivalen har mykje til felles med Landskappleiken: Det vert arrangert tevling i ulike klassar, det er konsertar, dans og buskspel. Hovudskilnaden er at Landskappleiken legg hovudvekta på eldre folkemusikk- og danseformer, medan Landsfestivalen har sterkast vektlegging av trekkspel og runddans (vals, reinlendar og så bortetter).
Konsgsberg Trekkspillklubb delte førsteplassen (saman med tre andre lag) i klassen for «Lagspel durspel/trekkspel». Og på den nye plata frå klubben som vart skipa i 1972, får me 17 døme på kvifor nett dette laget er så høgt skatta. Alt er gamaldansslåttar utan kunstferdige tillegg som introar eller soloinnslag. Melodien vert spelt unisont med støtt komp på gitar og bass. Dette er musikk der ein går rett på sak, og saka er at det skal vera fengjande og funksjonell dansemusikk.
Men det fyldige tekstheftet, som i seg sjølv er ein god grunn til å velja fysiske versjonar av innspelt musikk, viser ei side av verksemda som har mykje til felles med det tradisjonelle folkemusikkmiljøet: Svært grundige framstillingar av musikkens historiske opphav, sentrale utøvarar og tradisjonsliner.
Sigbjørn Apeland
Sigbjørn Apeland er musikar, musikkvitar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Gamaldans
Kongsberg Trekkspillklubb:
Sandsværtradisjoner i nytt driv
Aksent
Store delar av dagens musikkliv har som eit – meir eller mindre – uttala mål å skapa ei eller anna form for kunst, gjerne av det originale og nyskapande slaget. Det gjeld òg mange av dei som syslar med tradisjonell eller moderne folkemusikk.
Men så finst det musikkformer der funksjon er det overordna målet. Det gjeld til dømes store delar av dansemusikken. Nyleg vart Landsfestivalen i gammaldans arrangert i Førde i Sunnfjord. Denne festivalen har mykje til felles med Landskappleiken: Det vert arrangert tevling i ulike klassar, det er konsertar, dans og buskspel. Hovudskilnaden er at Landskappleiken legg hovudvekta på eldre folkemusikk- og danseformer, medan Landsfestivalen har sterkast vektlegging av trekkspel og runddans (vals, reinlendar og så bortetter).
Konsgsberg Trekkspillklubb delte førsteplassen (saman med tre andre lag) i klassen for «Lagspel durspel/trekkspel». Og på den nye plata frå klubben som vart skipa i 1972, får me 17 døme på kvifor nett dette laget er så høgt skatta. Alt er gamaldansslåttar utan kunstferdige tillegg som introar eller soloinnslag. Melodien vert spelt unisont med støtt komp på gitar og bass. Dette er musikk der ein går rett på sak, og saka er at det skal vera fengjande og funksjonell dansemusikk.
Men det fyldige tekstheftet, som i seg sjølv er ein god grunn til å velja fysiske versjonar av innspelt musikk, viser ei side av verksemda som har mykje til felles med det tradisjonelle folkemusikkmiljøet: Svært grundige framstillingar av musikkens historiske opphav, sentrale utøvarar og tradisjonsliner.
Sigbjørn Apeland
Sigbjørn Apeland er musikar, musikkvitar og fast musikkmeldar i Dag og Tid.
Fleire artiklar
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.
Mannsutvalet saman med kultur- og likestillingsminister Lubna Jaffery under overrekkinga av rapporten.
Foto: Ole Berg-Rusten
Vil avlive likestillingsmytar
Forskar Mari Teigen ønskjer seg ein kjønnsdebatt bygd på kunnskap.
Den norske fiskeflåten er mangfaldig. Her er ringnotfartøy ved kai i Egersund våren 2017.
Foto: Per Anders Todal
Fiskar er fiskar verst
Striden om kvotemeldinga kan få Fiskarlaget til å rivne.