Fire store
Chamber Orchestra of Europe hyllar Harnoncourt med kvadrupelalbum.
Den austerrikske dirigenten Nikolaus Harnoncourt (1929–2016).
Foto: Styriarte
CD
Haydn, Mozart, Beethoven, Brahms:
Symfoniar
Chamber Orchestra of Europe; dir.: Nikolaus Harnoncourt. ICA 2021
Nikolaus Harnoncourt var ein av dei viktigaste dirigentane på 1900-talet. Som forfektar av ein slags musikalsk historisme fornya han på to måtar den klassiske kunstmusikken: I 1953 grunnla han orkesteret Concentus Musicus Wien og blei slik ein av dei fyrste som gjekk inn for å framføra barokkmusikken med instrument og tolkingsmåtar frå perioden. I 1970-åra byrja han så å dirigera moderne symfoniorkester. Den historiske tilnærminga til repertoaret frå wienerklassisismen og romantikken fornya mainstream-orkestera.
Chamber Orchestra of Europe er eit moderne orkester Harnoncourt dirigerte i over 30 år. Til orkesterets 40-årsjubileum i fjor kom eit kvadrupelalbum der dei fire store – Haydn, Mozart, Beethoven og Brahms – har fått kvar sin CD. Ein høyrer at dette er konsertopptak. Harnoncourt pressa musikarane til det ytste og tolererte enkelte småtabbar så lenge det var i den gode tolkingas teneste. Som han sa: «Stor musisering balanserer alltid på randa av katastrofe.»
Retorisk
«Musikalsk historisme» – kva tyder eigentleg det? Harnoncourt var ein utprega verktru musikar. Credoet hans var at stykka skulle tolkast ut frå intensjonane til komponisten. Omsynet til den historiske samanhengen avla ei ny tilnærming til den musikalske substansen. Han såg på den førromantiske musikken som ein retorisk disiplin. Det gjaldt å få musikken til å tala, og då var det ein føresetnad å læra seg å leva seg inn i det musikalske språket frå perioden musikken blei til i.
Chamber Orchestra of Europe spelar altså på moderne instrument (med unntak av paukane og trompetane). Strykarklangen er ikkje like lett og klår som hjå originalinstrumentensemblet, og treblåsarane læt stundom litt ufleksibelt og nasalt, særleg når dei spelar i piano. Klangen er ikkje den største føremonen ved denne utgjevinga.
Heilhuga Haydn
Men i omgangen med den musikalske substansen briljerer Harnoncourt. Framfor dirigentpulten var han ein stor forteljar, og sjølv om enkelte fraseringar og aksentar er diskutable, overtyder han meg, av di mannen verkeleg trur på det han vil seia.
Eitt døme er tolkinga av Joseph Haydns (1732–1809) «Militærsymfoni», Symfoni nr. 100 i G-dur frå 1794. Den finurlege, konsekvent gjennomførte artikulasjonen i fiolinane i den rolege innleiinga til fyrstesatsen er ekretypisk harnoncourtsk. Alt verkar gjennomtenkt, ingen ting går på autopilot.
Men han kunne også leggja det intellektuelle bort. Begeistringa hans for kontrastar var mest barnleg. Høyr berre på det rabiate utbrotet til stortromme, cymbal og triangel i andresatsen, som kling krast og trugande som lyden av tyrkisk janitsjarmusikk framføre Wiens portar. Albumet stadfestar at ingen spelar Haydn så heilhuga brutalt som Harnoncourt.
Sjur Haga Bringeland
Sjur Haga Bringeland er musikar, musikkvitar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
CD
Haydn, Mozart, Beethoven, Brahms:
Symfoniar
Chamber Orchestra of Europe; dir.: Nikolaus Harnoncourt. ICA 2021
Nikolaus Harnoncourt var ein av dei viktigaste dirigentane på 1900-talet. Som forfektar av ein slags musikalsk historisme fornya han på to måtar den klassiske kunstmusikken: I 1953 grunnla han orkesteret Concentus Musicus Wien og blei slik ein av dei fyrste som gjekk inn for å framføra barokkmusikken med instrument og tolkingsmåtar frå perioden. I 1970-åra byrja han så å dirigera moderne symfoniorkester. Den historiske tilnærminga til repertoaret frå wienerklassisismen og romantikken fornya mainstream-orkestera.
Chamber Orchestra of Europe er eit moderne orkester Harnoncourt dirigerte i over 30 år. Til orkesterets 40-årsjubileum i fjor kom eit kvadrupelalbum der dei fire store – Haydn, Mozart, Beethoven og Brahms – har fått kvar sin CD. Ein høyrer at dette er konsertopptak. Harnoncourt pressa musikarane til det ytste og tolererte enkelte småtabbar så lenge det var i den gode tolkingas teneste. Som han sa: «Stor musisering balanserer alltid på randa av katastrofe.»
Retorisk
«Musikalsk historisme» – kva tyder eigentleg det? Harnoncourt var ein utprega verktru musikar. Credoet hans var at stykka skulle tolkast ut frå intensjonane til komponisten. Omsynet til den historiske samanhengen avla ei ny tilnærming til den musikalske substansen. Han såg på den førromantiske musikken som ein retorisk disiplin. Det gjaldt å få musikken til å tala, og då var det ein føresetnad å læra seg å leva seg inn i det musikalske språket frå perioden musikken blei til i.
Chamber Orchestra of Europe spelar altså på moderne instrument (med unntak av paukane og trompetane). Strykarklangen er ikkje like lett og klår som hjå originalinstrumentensemblet, og treblåsarane læt stundom litt ufleksibelt og nasalt, særleg når dei spelar i piano. Klangen er ikkje den største føremonen ved denne utgjevinga.
Heilhuga Haydn
Men i omgangen med den musikalske substansen briljerer Harnoncourt. Framfor dirigentpulten var han ein stor forteljar, og sjølv om enkelte fraseringar og aksentar er diskutable, overtyder han meg, av di mannen verkeleg trur på det han vil seia.
Eitt døme er tolkinga av Joseph Haydns (1732–1809) «Militærsymfoni», Symfoni nr. 100 i G-dur frå 1794. Den finurlege, konsekvent gjennomførte artikulasjonen i fiolinane i den rolege innleiinga til fyrstesatsen er ekretypisk harnoncourtsk. Alt verkar gjennomtenkt, ingen ting går på autopilot.
Men han kunne også leggja det intellektuelle bort. Begeistringa hans for kontrastar var mest barnleg. Høyr berre på det rabiate utbrotet til stortromme, cymbal og triangel i andresatsen, som kling krast og trugande som lyden av tyrkisk janitsjarmusikk framføre Wiens portar. Albumet stadfestar at ingen spelar Haydn så heilhuga brutalt som Harnoncourt.
Sjur Haga Bringeland
Sjur Haga Bringeland er musikar, musikkvitar og fast musikkmeldar i Dag og Tid.
Fleire artiklar
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Line Eldring har leidd utvalet som tilrår at Noreg både bør vidareføre og utvide samarbeidet med EU på nye område framover. Ho la nyleg fram utgreiinga «Norge og EØS: Utviklinger og erfaringer» for utanriksminister Espen Barth Eide.
Foto: Terje Pedersen / NTB
Veksande fjernstyre
Tilknytinga vår til EU veks og veks, både gjennom EØS-avtalen og utanfor, ifølgje ei ny utgreiing. Og det er få som kjenner heilskapen.
Ludmila Shabelnyk syner bilete av sonen Ivan i landsbyen Kapitolivka ved Izium i Ukraina, 25. september 2022. Russiske okkupasjonsstyrkar mishandla Ivan grovt før dei drap han. Landsbyen vart seinare gjenerobra av ukrainske styrkar.
Foto: Evgeniy Maloletka / AP / NTB
Overgrep som skakar folkeretten
Okkupasjonsmakta Russland viser ingen respekt for konvensjonen som skal verne sivile i krig.
Nicolas Leirtrø, Øyvind Leite og Amund Storløkken Åse utgjer trioen med namnet I Like to Sleep.
Foto: Sigrid Erdal
Spanande klangunivers
I Like to Sleep har laga ei mangfaldig plate.
Isbilar er ikkje noko nytt, men heller ikkje nokon garanti for kvalitet.
Foto via Wikimedia Commons
Isbilen spelar høgt, men taper på kvalitet.
Kor mykje vatn er det eigentleg mogleg å ha i ein iskrem og framleis få han til å likne ein fløyteis?