Farleg feststemning
Slayyyters andre album går under huda på det overflatiske.
Pop / elektronisk
Slayyyter:
Starfucker
Fader Label
På videoen «69 Questions with Slayyyter», som ligg ute på LHBT-datingappen Grindrs YouTube-kanal, blir den amerikanske artisten spurd kva for farsott ho gjerne skulle sett kome tilbake. Svaret er: søplete sladderblad. Hennar album nummer to, Starfucker, har verkeleg eit tabloid preg og tar lyttaren med på eit djupdykk i det overflatiske. Resultatet er eit stykke dansepop prega av eleganse, ekstravaganse, dekadanse og risikabel eskapisme.
Det musikalske gildet startar med «I Love Hollywood!», ein mørk og tungt pulserande elektropopsong. På «My Body», «Erotic Electronic» og «Out of Time» er Britney Spears-inspirasjonen tydeleg i Slayyyters stemmebruk og presist slurvete artikulasjon. Den svulmande songen «Rhinestone Heart» tar tak i arven etter Abba og Lady Gagas musikalske dramatikk. Produksjonen på plata er mørk og moderne – atmosfæren grenseoverskridande, frigjord, seksualisert og metta med kolossale mengder kropp, dop og hedonisme – med nostalgisk og melankolsk tilsnitt.
«Trur du på tidlegare liv?» lyder eit av dei neste 69 spørsmåla i Grinders intervju. Ho må ha vore ein spekkhoggar, svarar Slayyyter som for å understreke at uttrykket hennar er spekka med kontrasterande kjensler og dirrande ambivalens. Ei påtakeleg – eller kan hende uhandgripeleg – kjensle av overhengande katastrofe langs knivseggen mellom eufori og dysfori blir understreka i musikkvideoen til «I Love Hollywood!» – ein kjærleik som må vere i konstant fluks. Det er vel klart som natta.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Pop / elektronisk
Slayyyter:
Starfucker
Fader Label
På videoen «69 Questions with Slayyyter», som ligg ute på LHBT-datingappen Grindrs YouTube-kanal, blir den amerikanske artisten spurd kva for farsott ho gjerne skulle sett kome tilbake. Svaret er: søplete sladderblad. Hennar album nummer to, Starfucker, har verkeleg eit tabloid preg og tar lyttaren med på eit djupdykk i det overflatiske. Resultatet er eit stykke dansepop prega av eleganse, ekstravaganse, dekadanse og risikabel eskapisme.
Det musikalske gildet startar med «I Love Hollywood!», ein mørk og tungt pulserande elektropopsong. På «My Body», «Erotic Electronic» og «Out of Time» er Britney Spears-inspirasjonen tydeleg i Slayyyters stemmebruk og presist slurvete artikulasjon. Den svulmande songen «Rhinestone Heart» tar tak i arven etter Abba og Lady Gagas musikalske dramatikk. Produksjonen på plata er mørk og moderne – atmosfæren grenseoverskridande, frigjord, seksualisert og metta med kolossale mengder kropp, dop og hedonisme – med nostalgisk og melankolsk tilsnitt.
«Trur du på tidlegare liv?» lyder eit av dei neste 69 spørsmåla i Grinders intervju. Ho må ha vore ein spekkhoggar, svarar Slayyyter som for å understreke at uttrykket hennar er spekka med kontrasterande kjensler og dirrande ambivalens. Ei påtakeleg – eller kan hende uhandgripeleg – kjensle av overhengande katastrofe langs knivseggen mellom eufori og dysfori blir understreka i musikkvideoen til «I Love Hollywood!» – ein kjærleik som må vere i konstant fluks. Det er vel klart som natta.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Fleire artiklar
Eit større forsvar treng fleire folk. Neste år vil regjeringa tilføre Forsvaret 300 nye årsverk, i overkant av 400 fleire vernepliktige i førstegongsteneste og i overkant av 600 fleire reservistar. Biletet viser unge som tok del i ei opptaksprøve til bachelorutdanning i Forsvaret på Sessvollmoen i fjor.
Foto: Amanda Pedersen Giske / NTB
Mangel på personell kan bremse Forsvaret
Forsvaret er budsjettvinnar i år, men manglar fagfolk. – Vi er på grensa til ei krise, seier forbundsleiar Torbjørn Bongo.
Firda på Sandane i Nordfjord er ein av få vidaregåande skular som tilbyr både drama-, dans- og musikkfag. Elevar frå 21 kommunar søker seg hit. Likevel heng trusselen om nedlegging av linjer over han.
Foto: Firda vgs / Vestland fylkeskommune
Slaktar skular med sparekniv
Når fylkeskommunane må kutte, går det hardt ut over den vidaregåande skulen. Fag, linjer og heile skular forsvinn.
Moses i bokhandelen ved San Antonio University der han arbeider når han ikkje studerer psykologi.
Alle foto: Håvard Rem
Sekstiåttarkryptonitten
SAN ANTONIO: Unge ikkje-vestlege vert lett konservative.
Dei kjem frå tradisjonstru kulturar som ikkje dreg på vestleg skuld.
Teikning: May Linn Clement
Kommunale kvelartak
Den romslegare økonomien til folk flest vert eten opp av dei økonomiske problema til kommunane.
Dette er dei 97 gislane tekne av palestinarar 7. oktober 2023 som framleis er sakna.
Kjelde: «Hostages and Missing Families Forum»
I hendene på Hamas
For eitt år sidan bortførte terroristane meir enn 240 menneske frå Israel. Nokre er sette fri og kan fortelje om grufulle opplevingar. Andre har døydd i tunnelane til Hamas.
Papiravisa