Musikk
Fargerik Pan
Eivind Aadland dirigerer Monrad Johansens verk stringent og presist.
Komponisten David Monrad Johansen (1888–1974).Komponisten David Monrad Johansen (1888–1974).
Foto: AP / NTBFoto: AP / NTB
Standardinnspelinga
Då dette albumet kom for tre år sidan, gjekk det meg hus forbi. Men betre seint enn aldri – sidan Kristiansand Symfoniorkester her gjev oss sjeldan framført repertoar av ein av Noregs viktigaste 1900-talskomponistar, og framføringa er fin, fortener plata predikatet standardinnspeling. Den allsidige Eivind Aadland fører taktstokken, og solist i tittelverket er den røynde tyske pianisten Oliver Triendl, som spesialiserer seg på «gløymd» musikk og har over hundre plateinnspelingar bak seg.
Nasjonal retning
Å kalla David Monrad Johansens musikk for «gløymd» er å overdriva. Men han spelte ei langt større rolle i samtida enn i dag. Då han i 1925 (som den yngste til dess) blei tildelt statens komponistgasje, var det venta at han skulle ta opp arven etter Edvard Grieg. I mellomkrigstida utvikla han seg då òg til hovudfiguren i den nasjonale retninga i norsk musikkliv, både gjennom komponering og skriving. Han forfatta, mellom anna, den fyrste store Grieg-biografien.
NS-medlemskapen hans, og arbeidet som kulturbyråkrat under krigen, førte til eit førebels fall – han blei dømd til fleire års tvangsarbeid i rettsoppgjeret – som han greidde å reisa seg frå. Livet hans var i det heile prega av stadig søking og utvikling, både personleg og kunstnarleg. At han som 44-årig etablert komponist drog til Leipzig for å utdanna seg i kontrapunkt, vitnar om dette. Verka hans varierer veldig i stil og skapnad, noko me høyrer på plata, som byr på stykke komponerte mellom 1939 og 1963.
Nordlandssommaren
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
