Ei eventyrleg reise
Komponert og improvisert er kombinert på meisterleg vis.
Jazz
Ingebrigt Håker Flaten:
(Exit)Knarr
Eivind Lønning, trompet; Mette Rasmussen, altsaksofon; Atle Nymo, tenorsaksofon og klarinettar; Oddrun Lilja Jonsdottir, gitar og vokal; Oscar Grönberg, tangentinstrument; Ingebrigt Håker Flaten, bass; Veslemøy Narvesen og Olaf Olsen, trommer og perkusjon. Odin
Ingenting har prega verda meir det siste halvtanna året enn koronapandemien, og for Ingebrigt Håker Flaten må nedstenginga 12. mars ha kome som eit sjokk. I lang tid hadde han førebudd tingingsverket til Vossa Jazz som skulle urframførast 4. april 2020. Brått var alt uvisst. Til all lukke fekk han samla bandet i Studio Paradiso i Oslo 23. mars, og for ein gongs skuld kom plata før premieren på tingingskonserten.
Olsen og Flaten klappar det heile i gang med ei hylling til Austin, «Miles Avenue», før bassostinatet blir introdusert eit par minuttar ut i den oppjaga innleiinga. Både denne og hyllinga til Trondheim, «Brinken», med viktige klarinettmeldingar frå Nymo, har eit rastlaust rytmisk fundamentet under dei dvelande, ettertenksame temaa.
Låten til Oppdal, «Håkkåran», vekslar også i tempo og set innleiingsvis rampeljoset på Lønning og Jonsdottir, før Flaten og Grönberg vekslar om kora i ein sekvens som minner litt om uttrykket til den amerikanske kvartetten til Keith Jarrett. Det er ikkje tvil om at det er Chicago som får si entusiastiske lovprising i «A La Lala Love You».
Samarbeidet mellom dei to trommeslagarane fungerer supert heile vegen, men når eit toppunkt på denne låten. Elles er låten prega av eit forunderleg synthkor av Grönberg. Rasmussen vrengjer sjela i ei hylling til Mexico by, «Chaos Pad», før plata endar kollektivt krautrockande med lovsongen til Amsterdam, «Museumsplein». Avslutninga er ein fanfare til ein musikar som aldri har vore redd for å ta sjansar og satsa på det han trur på.
Lars Mossefinn
Lars Mossefinn er frilans journalist og fast jazzmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz
Ingebrigt Håker Flaten:
(Exit)Knarr
Eivind Lønning, trompet; Mette Rasmussen, altsaksofon; Atle Nymo, tenorsaksofon og klarinettar; Oddrun Lilja Jonsdottir, gitar og vokal; Oscar Grönberg, tangentinstrument; Ingebrigt Håker Flaten, bass; Veslemøy Narvesen og Olaf Olsen, trommer og perkusjon. Odin
Ingenting har prega verda meir det siste halvtanna året enn koronapandemien, og for Ingebrigt Håker Flaten må nedstenginga 12. mars ha kome som eit sjokk. I lang tid hadde han førebudd tingingsverket til Vossa Jazz som skulle urframførast 4. april 2020. Brått var alt uvisst. Til all lukke fekk han samla bandet i Studio Paradiso i Oslo 23. mars, og for ein gongs skuld kom plata før premieren på tingingskonserten.
Olsen og Flaten klappar det heile i gang med ei hylling til Austin, «Miles Avenue», før bassostinatet blir introdusert eit par minuttar ut i den oppjaga innleiinga. Både denne og hyllinga til Trondheim, «Brinken», med viktige klarinettmeldingar frå Nymo, har eit rastlaust rytmisk fundamentet under dei dvelande, ettertenksame temaa.
Låten til Oppdal, «Håkkåran», vekslar også i tempo og set innleiingsvis rampeljoset på Lønning og Jonsdottir, før Flaten og Grönberg vekslar om kora i ein sekvens som minner litt om uttrykket til den amerikanske kvartetten til Keith Jarrett. Det er ikkje tvil om at det er Chicago som får si entusiastiske lovprising i «A La Lala Love You».
Samarbeidet mellom dei to trommeslagarane fungerer supert heile vegen, men når eit toppunkt på denne låten. Elles er låten prega av eit forunderleg synthkor av Grönberg. Rasmussen vrengjer sjela i ei hylling til Mexico by, «Chaos Pad», før plata endar kollektivt krautrockande med lovsongen til Amsterdam, «Museumsplein». Avslutninga er ein fanfare til ein musikar som aldri har vore redd for å ta sjansar og satsa på det han trur på.
Lars Mossefinn
Lars Mossefinn er frilans journalist og fast jazzmeldar i Dag og Tid.
Fleire artiklar
Skodespelar Svein Tindberg flettar saman eigne barndomserfaringar med 4000 år gamle forteljingar frå Bibelen.
Foto: Marcel Leliënhof
Høgaktuelle forteljingar frå Midtausten
Trur vi Bibelen er ei utdatert bok, tek vi feil. Svein Tindberg syner korleis gamle jødisk-kristne soger talar til vår eksistens no når bombene fell mellom folkeslag.
Foto: Dag Aanderaa
Pyntesjuke og luksuslov
Christian Kvart ville styre pynten, krydderet og konfekten.
Miridae, ei bladtege med oval form.
Foto: via Wikimedia Commons
Levande innsikt om døyande insekt
Ein optimistisk tone råder i ei tettpakka faktabok om dystre utsikter for insekta.
Moss–Horten-ferja er den mest trafikkerte i landet. Skjer det noko uføresett, som då dei tilsette blei tatt ut i LO-streik i fjor, veks køane på begge sider av fjorden.
Foto: Terje Bendiksby / AP / NTB
Pengegaloppen i ferjetoppen
Det står ei Norled-ferje her og ei Torghatten-ferje der – innstilte. Ferja, ein livsnerve for mange, er eigd av folk vi ikkje aner kven er, utanfor vår kontroll.
Yrka med det høgste sjukefråværet er kvinnedominerte med relasjonelt arbeid og høge emosjonelle krav, skriv Lill Sverresdatter Larsen.
Foto: Gorm Kallestad / NTB
Langvarig overbelastning gir rekordhøyt sykefravær
«Vi har lenge drevet en dugnad for å holde skuta flytende.»
Papiravisa