Dyrisk og eventyrleg disco
Peppa rullar og går, rundt og rundt, og sikrar plassen sin i discopanteonet med sin hittil beste song.
Pop / Barnemusikk
Peppa Pig:
Roller Disco
eOne Family UK/MNRK MG LP
Roller disco er i vinden: I sesong 4 av Stranger Things ringer mobbing på rulleskøytediskoteket inn dramaet. DJ-en er med på mobbinga og gjer maktmisbruken total. No når dansegolv og konsertscener er i ny sving, har stemnings- og kvalitetsforskjellen når positive og medmenneskelege kontra sure og negative menneske står bak miksepult og bar, blitt svært tydeleg.
Det er rørande kor mykje god lyd og godt lys som blir skrudd på på rockescener for tida (til dømes Machine Girl, Blood Incantation og LA Witch på Blå og Revolver); den vesle resten av antikvarisk antikunstnarisk klubb- og konsertstab stikk seg desto meir ut. Ein treng ikkje kaste bort tid på dårleg lyd og stemning.
På Peppa Pigs «Roller Disco» er stemninga skyhøg, friksjonslaust formidla med framifrå produksjon og miksing. Dette er faktisk ein ordentleg god discolåt. Han går rundt i sirklar, lik Peppa og venene på dansegolvet, men den barnlege fantasien veltar om på repetisjonen og gjer kvar runde unik: Hjula på bussen, dei går rundt, rundt, rundt; ein potet, to poteter, tre; kreativiteten er endelaus.
Snu hovudtelefonane, og snurren snur med. B-sida «Gardening With Grandpa», ein optimistisk slektning av «Røvernes Letevise» og Gartnerlosjens «Krise», er perfekt for tannpussmorgonrutinemeditasjon om grønare tider.
I kunstnar Lykourgos Porfyris’ fiktive mytologi er Peppa profet for motstand – mot føresette, dei som har makt, som skrur på knappane. Då eg intervjua han nyleg (Natt&Dag 10. juni), var Peppas diskografi eit tema. Men det var før «Roller Disco» kom ut: Her har Peppa overgått seg sjølv og sikra plass i panteonet med discodronningar som Diana Ross, Kakemonsteret («C Is For Cookie»), Samantha Fox, RuPaul og Kylie Minogue.
Rasmus Hungnes
Rasmus Hungnes er kunstnar, DJ, trommemaskinist og musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Pop / Barnemusikk
Peppa Pig:
Roller Disco
eOne Family UK/MNRK MG LP
Roller disco er i vinden: I sesong 4 av Stranger Things ringer mobbing på rulleskøytediskoteket inn dramaet. DJ-en er med på mobbinga og gjer maktmisbruken total. No når dansegolv og konsertscener er i ny sving, har stemnings- og kvalitetsforskjellen når positive og medmenneskelege kontra sure og negative menneske står bak miksepult og bar, blitt svært tydeleg.
Det er rørande kor mykje god lyd og godt lys som blir skrudd på på rockescener for tida (til dømes Machine Girl, Blood Incantation og LA Witch på Blå og Revolver); den vesle resten av antikvarisk antikunstnarisk klubb- og konsertstab stikk seg desto meir ut. Ein treng ikkje kaste bort tid på dårleg lyd og stemning.
På Peppa Pigs «Roller Disco» er stemninga skyhøg, friksjonslaust formidla med framifrå produksjon og miksing. Dette er faktisk ein ordentleg god discolåt. Han går rundt i sirklar, lik Peppa og venene på dansegolvet, men den barnlege fantasien veltar om på repetisjonen og gjer kvar runde unik: Hjula på bussen, dei går rundt, rundt, rundt; ein potet, to poteter, tre; kreativiteten er endelaus.
Snu hovudtelefonane, og snurren snur med. B-sida «Gardening With Grandpa», ein optimistisk slektning av «Røvernes Letevise» og Gartnerlosjens «Krise», er perfekt for tannpussmorgonrutinemeditasjon om grønare tider.
I kunstnar Lykourgos Porfyris’ fiktive mytologi er Peppa profet for motstand – mot føresette, dei som har makt, som skrur på knappane. Då eg intervjua han nyleg (Natt&Dag 10. juni), var Peppas diskografi eit tema. Men det var før «Roller Disco» kom ut: Her har Peppa overgått seg sjølv og sikra plass i panteonet med discodronningar som Diana Ross, Kakemonsteret («C Is For Cookie»), Samantha Fox, RuPaul og Kylie Minogue.
Rasmus Hungnes
Rasmus Hungnes er kunstnar, DJ, trommemaskinist og musikkmeldar i Dag og Tid.
Fleire artiklar
Teikning: May Linn Clement
Å forveksla aggressor med forsvarar
«Etter at Putin kom til makta hausten 1999, har Russland ført ei heil rad med krigar.»
Den nyfødde kalven.
Foto: Hilde Lussand Selheim
Ei ny Ameline er fødd
Vårsøg – også kalla Tripso sidan ho var så skvetten som ung, spissa øyro for ingenting og trippa med beina inn og ut av fjøset – fekk ein ny kalv natt til 13. mai.
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.