Det magnifikke mikroskopiske
Det er i samspelet mellom dei små detaljane Deerhoof får magien til å hende.
Rock / Internettkonsert
Deerhoof:
Devil Kids
Bandcamp
Eg fekk mi første digitale konsertoppleving i dataspelet «Omikron: The Nomad Soul», eit utanomjordisk sci-fi-eventyr frå 1999 akkompagnert av original David Bowie-musikk. Bowie spelte både roller og konsertar i spelet, og musikken blei gitt ut på albumet «Hours», den første kommersielle plata distribuert over internett. Lite ante eg den gong at eit virus som blir kalla omikron, skulle flytte konsertar på vår eigen planet over på nettet.
Den amerikanske indierockkvartetten Deerhoof strøymde til dømes ein konsert frå kjellaren til ein av bandmedlemmene i desember, og like før jul blei opptaket gitt ut på Bandcamp under tittelen Devil Kids, eit livealbum som kjem med lenke til den intime konsertvideoen.
Deerhoof er eit framifrå band som speler tett og laust på same tid, og sidan framføringa av låtane inneheld improvisasjon, samantreff og spontane innfall i augeblinken, er det ekstra interessant å sjå dei spele i levande live. Energien og spelegleda er enorm, trommestikker knekker i hytt og vêr, og det er forunderleg å sjå korleis bandet koordinerer den organiske og frie timinga si.
Bandet si leikne tilnærming til samvær og samspel er smittsam og forfriskande. I tillegg til framføringane av nye og gamle låtar frå mellom 1997 og 2021 får vi sjå bakomklipp frå øving og matlaging. Vi får ta del i undringa over den store verknaden eit «mikrontjukt lag av tomatskinn» har på pastasaussmaken, og slik har det seg med Deerhoofs musikk òg: Magien oppstår i dei knøttsmå rytmiske og mikrotonale nyansane.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Rock / Internettkonsert
Deerhoof:
Devil Kids
Bandcamp
Eg fekk mi første digitale konsertoppleving i dataspelet «Omikron: The Nomad Soul», eit utanomjordisk sci-fi-eventyr frå 1999 akkompagnert av original David Bowie-musikk. Bowie spelte både roller og konsertar i spelet, og musikken blei gitt ut på albumet «Hours», den første kommersielle plata distribuert over internett. Lite ante eg den gong at eit virus som blir kalla omikron, skulle flytte konsertar på vår eigen planet over på nettet.
Den amerikanske indierockkvartetten Deerhoof strøymde til dømes ein konsert frå kjellaren til ein av bandmedlemmene i desember, og like før jul blei opptaket gitt ut på Bandcamp under tittelen Devil Kids, eit livealbum som kjem med lenke til den intime konsertvideoen.
Deerhoof er eit framifrå band som speler tett og laust på same tid, og sidan framføringa av låtane inneheld improvisasjon, samantreff og spontane innfall i augeblinken, er det ekstra interessant å sjå dei spele i levande live. Energien og spelegleda er enorm, trommestikker knekker i hytt og vêr, og det er forunderleg å sjå korleis bandet koordinerer den organiske og frie timinga si.
Bandet si leikne tilnærming til samvær og samspel er smittsam og forfriskande. I tillegg til framføringane av nye og gamle låtar frå mellom 1997 og 2021 får vi sjå bakomklipp frå øving og matlaging. Vi får ta del i undringa over den store verknaden eit «mikrontjukt lag av tomatskinn» har på pastasaussmaken, og slik har det seg med Deerhoofs musikk òg: Magien oppstår i dei knøttsmå rytmiske og mikrotonale nyansane.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Fleire artiklar
Skodespelar Svein Tindberg flettar saman eigne barndomserfaringar med 4000 år gamle forteljingar frå Bibelen.
Foto: Marcel Leliënhof
Høgaktuelle forteljingar frå Midtausten
Trur vi Bibelen er ei utdatert bok, tek vi feil. Svein Tindberg syner korleis gamle jødisk-kristne soger talar til vår eksistens no når bombene fell mellom folkeslag.
Foto: Dag Aanderaa
Pyntesjuke og luksuslov
Christian Kvart ville styre pynten, krydderet og konfekten.
Miridae, ei bladtege med oval form.
Foto: via Wikimedia Commons
Levande innsikt om døyande insekt
Ein optimistisk tone råder i ei tettpakka faktabok om dystre utsikter for insekta.
Moss–Horten-ferja er den mest trafikkerte i landet. Skjer det noko uføresett, som då dei tilsette blei tatt ut i LO-streik i fjor, veks køane på begge sider av fjorden.
Foto: Terje Bendiksby / AP / NTB
Pengegaloppen i ferjetoppen
Det står ei Norled-ferje her og ei Torghatten-ferje der – innstilte. Ferja, ein livsnerve for mange, er eigd av folk vi ikkje aner kven er, utanfor vår kontroll.
Yrka med det høgste sjukefråværet er kvinnedominerte med relasjonelt arbeid og høge emosjonelle krav, skriv Lill Sverresdatter Larsen.
Foto: Gorm Kallestad / NTB
Langvarig overbelastning gir rekordhøyt sykefravær
«Vi har lenge drevet en dugnad for å holde skuta flytende.»
Papiravisa