Cantabile
Sjølv i dei mest heseblesande satsane er Alexis Kossenkos spel songleg.
Franske Alexis Kossenko spelar Mozart på traverso.
Pressefoto
CD
Wolfgang Amadeus Mozart:
Concertos for Flute and Orchestra
Alexis Kossenko, tverrfløyte; Veleria Kafelnikov, harpe; Gli Angeli Genéve; dir.: Stephan Macleod. Claves 2022
«Du veit kor motvillig eg blir når eg heile tida må skriva for eitt instrument (som eg attpåtil ikkje toler), så frå tid til anna komponerer eg noko anna, til dømes duettar for klaver og fiolin, og eg har òg arbeidd med messa.» Dette, som Wolfgang Amadeus Mozart (1756–1791) skreiv som ps i eit brev til foreldra på nyåret 1778, tyder på at han ikkje var særleg begeistra for tverrfløyta – i alle fall ikkje når han over lengre tid måtte arbeida med fløytestykke. (Var det elles noko den kronisk utolmodige komponisten hata, så var det mangel på avveksling. Diagnosane hadde nok stått i kø i dag.)
Særleg mykje fløytemusikk skreiv han då heller ikkje. Prosjektet 22-åringen bala med februardagane i 1778, var Konsert for tverrfløyte og orkester nr. 1 i G-dur, KV 313, som er den einaste originale fløytekonserten hans. Denne – i tillegg til fløytekonsert nr. 2, dobbelkonserten for fløyte og harpe og ein roleg einskildsats – er det franske Alexis Kossenko er solist i på plata med Gli Angeli Genéve under Stephan Macleods direksjon.
Traverso
Orkesteret Gli Angeli Genéve spelar på såkalla originalinstrument, i dette høve instrument frå slutten av 1700-talet. Men dei fleste orkestermedlemene er ikkje spesialistar, men «vanlege» musikarar som elles trakterer moderne instrumentarium. Det forklarer kanskje at spelet deira er teknisk lytefritt, men at orkesterklangen samla sett er litt for polert enn på gode, reindyrka historiske innspelingar.
Kossenko er òg ein allsidig musikar, all den tid han meistrar både moderne metalltverrfløyte og ymse historiske fløytetypar. Her nyttar han «traverso» (frå italiensk: flauto traverso), som er ein gamal tverrfløytetype av tre med berre éin klaff. Som utøvartype er han ein utprega virtuos: Han briljerer i snøgge løp og spretne, brotne akkordar. Men også i dei langsame satsane overtyder han, med vakker svell på tonen, heilt utan vibrato. Han kan kunsten å utsmykka melodiane i repetisjonane og i roleg-songlege parti, der han ornamenterer friskt. Slik gjer han musikken til sin, meir enn om han hadde spelt slavisk det som står. (I barokkmusikk er det vanleg å ornamentera. I wienerklassisk musikk, som Mozarts, høyrer me sjeldnare slikt.)
Rein og klår
Tolkinga av konsert nr. 1 er nok den finaste på plata. Stilistisk høyrer han til Mozarts galante periode, med lyst lynne og sorglaus virtuoseri. Det tragisk-heroiske, som til dømes særmerkjer dei siste klaverkonsertane, finst ikkje.
Men sjølv om musikken struttar av fyrige melodiske figurasjonar, er det noko særeige songleg ved Mozarts snøgge satsar. Ei så klår og naturleg lineføring, som i skapnad ligg operaarien nær, fekk korkje Joseph Haydn eller andre samtidige like godt til i instrumentalmusikken. Italienarane kallar det cantabile, og denne kantabiliteten er Kossenkos adelsmerke som musikar.
Sjur Haga Bringeland
Sjur Haga Bringeland er musikar, musikkvitar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
CD
Wolfgang Amadeus Mozart:
Concertos for Flute and Orchestra
Alexis Kossenko, tverrfløyte; Veleria Kafelnikov, harpe; Gli Angeli Genéve; dir.: Stephan Macleod. Claves 2022
«Du veit kor motvillig eg blir når eg heile tida må skriva for eitt instrument (som eg attpåtil ikkje toler), så frå tid til anna komponerer eg noko anna, til dømes duettar for klaver og fiolin, og eg har òg arbeidd med messa.» Dette, som Wolfgang Amadeus Mozart (1756–1791) skreiv som ps i eit brev til foreldra på nyåret 1778, tyder på at han ikkje var særleg begeistra for tverrfløyta – i alle fall ikkje når han over lengre tid måtte arbeida med fløytestykke. (Var det elles noko den kronisk utolmodige komponisten hata, så var det mangel på avveksling. Diagnosane hadde nok stått i kø i dag.)
Særleg mykje fløytemusikk skreiv han då heller ikkje. Prosjektet 22-åringen bala med februardagane i 1778, var Konsert for tverrfløyte og orkester nr. 1 i G-dur, KV 313, som er den einaste originale fløytekonserten hans. Denne – i tillegg til fløytekonsert nr. 2, dobbelkonserten for fløyte og harpe og ein roleg einskildsats – er det franske Alexis Kossenko er solist i på plata med Gli Angeli Genéve under Stephan Macleods direksjon.
Traverso
Orkesteret Gli Angeli Genéve spelar på såkalla originalinstrument, i dette høve instrument frå slutten av 1700-talet. Men dei fleste orkestermedlemene er ikkje spesialistar, men «vanlege» musikarar som elles trakterer moderne instrumentarium. Det forklarer kanskje at spelet deira er teknisk lytefritt, men at orkesterklangen samla sett er litt for polert enn på gode, reindyrka historiske innspelingar.
Kossenko er òg ein allsidig musikar, all den tid han meistrar både moderne metalltverrfløyte og ymse historiske fløytetypar. Her nyttar han «traverso» (frå italiensk: flauto traverso), som er ein gamal tverrfløytetype av tre med berre éin klaff. Som utøvartype er han ein utprega virtuos: Han briljerer i snøgge løp og spretne, brotne akkordar. Men også i dei langsame satsane overtyder han, med vakker svell på tonen, heilt utan vibrato. Han kan kunsten å utsmykka melodiane i repetisjonane og i roleg-songlege parti, der han ornamenterer friskt. Slik gjer han musikken til sin, meir enn om han hadde spelt slavisk det som står. (I barokkmusikk er det vanleg å ornamentera. I wienerklassisk musikk, som Mozarts, høyrer me sjeldnare slikt.)
Rein og klår
Tolkinga av konsert nr. 1 er nok den finaste på plata. Stilistisk høyrer han til Mozarts galante periode, med lyst lynne og sorglaus virtuoseri. Det tragisk-heroiske, som til dømes særmerkjer dei siste klaverkonsertane, finst ikkje.
Men sjølv om musikken struttar av fyrige melodiske figurasjonar, er det noko særeige songleg ved Mozarts snøgge satsar. Ei så klår og naturleg lineføring, som i skapnad ligg operaarien nær, fekk korkje Joseph Haydn eller andre samtidige like godt til i instrumentalmusikken. Italienarane kallar det cantabile, og denne kantabiliteten er Kossenkos adelsmerke som musikar.
Sjur Haga Bringeland
Sjur Haga Bringeland er musikar, musikkvitar og fast musikkmeldar i Dag og Tid.
Fleire artiklar
Det oppstår misvisande biletet av at covid-19 forårsakar Alzheimer, meiner Preben Aavitsland ve FHI.
Foto: Erik Johansen / NTB
Meir om seinfølgjer
Den årlege rapporten FHI har publisert, syner at dødeligheita blant personar under 40 år har vore nokså stabil sidan 2015.
Gukesh kan verta den klart yngste verdsmeisteren i historia. Carlsen var nesten fem år eldre då han vann kandidatturneringa og vart verdsmeister i 2013.
Foto: Maria Jemeljanova / Fide
«Sjølv har eg heller aldri sett ein så mogen 17-åring, korkje på eller utanfor sjakkbrettet.»
Line Eldring har leidd utvalet som tilrår at Noreg både bør vidareføre og utvide samarbeidet med EU på nye område framover. Ho la nyleg fram utgreiinga «Norge og EØS: Utviklinger og erfaringer» for utanriksminister Espen Barth Eide.
Foto: Terje Pedersen / NTB
Veksande fjernstyre
Tilknytinga vår til EU veks og veks, både gjennom EØS-avtalen og utanfor, ifølgje ei ny utgreiing. Og det er få som kjenner heilskapen.
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Ludmila Shabelnyk syner bilete av sonen Ivan i landsbyen Kapitolivka ved Izium i Ukraina, 25. september 2022. Russiske okkupasjonsstyrkar mishandla Ivan grovt før dei drap han. Landsbyen vart seinare gjenerobra av ukrainske styrkar.
Foto: Evgeniy Maloletka / AP / NTB
Overgrep som skakar folkeretten
Okkupasjonsmakta Russland viser ingen respekt for konvensjonen som skal verne sivile i krig.