Bop à la Monk
Det er noko traust over musiseringa til Dalane-kvintetten.
Petter Dalane (i midten) med kvintetten sin. Plateomslaget er «Beethovens katt» (1979) av Oddvar Torsheim.
Foto: Sigrid Erdal
Jazz
Petter Dalane Quintet:
Petter Dalane Quintet
Øyvind Mathisen, trompet; Erlend Vangen Kongstorp, saksofon; Petter Dalane, piano; Alexander Riris, bass; Martin Mellem, trommer. Fjordgata Records
Petter Dalane Quintet spelar musikk ein mest aldri høyrer på konsertar no om dagen. Det er noko så sjeldan som ei innspeling med 1950-talsbop sterkt inspirert av pianisten og komponisten Thelonius Monk. Alle dei sju låtane er skrivne av Dalane, og her finn ein alt frå intrikate melodilinjer i raskt tempo («Dalane’s Dream») til lyriske balladar («Urtid»). Pianostilen til Dalane er også sterkt influert av Monk.
Intensjonen med innspelinga er ifølge Dalane å utforska det mystiske landskapet han kallar «monksk bebop». Det er ei krevjande oppgåve. Han har med seg fire musikantar som kjenner til og kjenner seg vel i stilen. Naturleg nok er det dei to blåsarane og Dalane sjølv som er hovudsolistar. Alle tre leverer kor det er verdt å lytta til, men innimellom kjenner eg på at denne delen av musiseringa kunne ha vore stramma inn. Likevel lèt eg meg både overraska og sjarmera av saksofonspelet til Kongtorp.
Trass i flotte låtar og mykje flott spel saknar eg fleire arrangementsmessige grep og ein del detaljar i samspelet som tyder på at kvintetten har jobba mykje med å koma skikkeleg på innsida av stoffet og tradisjonen. Petter Dalane skal ha for at han, som ein av få, freistar å halda liv i ein del av jazztradisjonen, men han kan gjerne utfordra seg sjølv og medmusikarane endå djervare neste gong.
Lars Mossefinn
Lars Mossefinn er frilans journalist og fast jazzmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz
Petter Dalane Quintet:
Petter Dalane Quintet
Øyvind Mathisen, trompet; Erlend Vangen Kongstorp, saksofon; Petter Dalane, piano; Alexander Riris, bass; Martin Mellem, trommer. Fjordgata Records
Petter Dalane Quintet spelar musikk ein mest aldri høyrer på konsertar no om dagen. Det er noko så sjeldan som ei innspeling med 1950-talsbop sterkt inspirert av pianisten og komponisten Thelonius Monk. Alle dei sju låtane er skrivne av Dalane, og her finn ein alt frå intrikate melodilinjer i raskt tempo («Dalane’s Dream») til lyriske balladar («Urtid»). Pianostilen til Dalane er også sterkt influert av Monk.
Intensjonen med innspelinga er ifølge Dalane å utforska det mystiske landskapet han kallar «monksk bebop». Det er ei krevjande oppgåve. Han har med seg fire musikantar som kjenner til og kjenner seg vel i stilen. Naturleg nok er det dei to blåsarane og Dalane sjølv som er hovudsolistar. Alle tre leverer kor det er verdt å lytta til, men innimellom kjenner eg på at denne delen av musiseringa kunne ha vore stramma inn. Likevel lèt eg meg både overraska og sjarmera av saksofonspelet til Kongtorp.
Trass i flotte låtar og mykje flott spel saknar eg fleire arrangementsmessige grep og ein del detaljar i samspelet som tyder på at kvintetten har jobba mykje med å koma skikkeleg på innsida av stoffet og tradisjonen. Petter Dalane skal ha for at han, som ein av få, freistar å halda liv i ein del av jazztradisjonen, men han kan gjerne utfordra seg sjølv og medmusikarane endå djervare neste gong.
Lars Mossefinn
Lars Mossefinn er frilans journalist og fast jazzmeldar i Dag og Tid.
Fleire artiklar
Laila Goody, Maria Ómarsdóttir Austgulen, Trond Espen Seim og John Emil Jørgenrud i nachspielet frå helvete som stykket til Edward Albee blir kalla.
Foto: Erika Hebbert
Sterkt om livsløgn og overleving
Gode skodespelarprestasjonar i intens kamp på liv og død.
Den nye statsministeren i Frankrike, Michel Barnier, blir klappa inn av den utgåande, Gabriel Attal, i ein seremoni på Hôtel Matignon i Paris 5. september.
Foto: Stephane De Sakutin / Reuters / NTB
Ny statsminister med gjeld, utan budsjett
No lyt alt skje raskt i fransk politikk for å avverje nye kriser.
Justis- og beredskapsminister Emilie Enger Mehl på veg til pressetreffet om motarbeiding av kriminalitet. Også statsminister Jonas Gahr Støre og finansminister Trygve Slagsvold Vedum deltok.
Foto: Thomas Fure / NTB
– No ser me effekten av færre politifolk
Det er mykje regjeringa kunne gjort som dei ikkje har gjort. Me er ikkje imponerte, seier Helge André Njåstad (FrP).
Den oppdaterte boka om rettens ironi er ei samling av tekstar frå Rune Slagstad gjennom førti år.
Foto: André Johansen / Pax Forlag
Jussen som styringsverktøy
Rettens ironi, no i fjerde og utvida utgåve, har for lengst blitt ein klassikar i norsk idé- og rettshistorie.
Finn Olstad har doktorgrad i historie og er tidlegare professor ved Seksjon for kultur og samfunn ved Noregs idrettshøgskule.
Foto: Edvard Thorup
Det nye klassesamfunnet
Finn Olstads nye bok er eit lettlese innspel til ei sårt tiltrengd innsikt i skilnaden mellom fakta og ideologi.
Papiravisa