Billett til draumeland
Det utvida lydsporet til 70-talsanimasjonsfilmen Fantastic Planet er programmusikk som står støtt på eigne bein.
Rock
Alain Goraguer:
La Planète Sauvage (Expanded Original Soundtrack)
CAM Sugar
La Planète Sauvage (engelsk tittel: Fantastic Planet) er ein fransk-tsjekkoslovakisk sci-fi-animasjonsfilm frå 1973. Den sinnrike soga går føre seg på ein planet folkesett av gigantiske blå humanoide skapningar som held jordmenneske som meg og deg som kjæledyr. Vi er no nusselege små vesen, vi menneskeapar. Det får ein seie. Synd at det finst rakkarungar med dyreplageri som hobby.
Filmen er ei forvitneleg surrealistisk sak som er seg sjølv lik, og sidan dialogen er sparsam – menneskekjæledyra ser i sitt eksil ut til å ha blitt fri for talespråk – er instrumentalmusikken, signert arrangøren til Serge Gainsbourg, utprega forteljande, lik eit stykke programmusikk à la opera.
Ei rekkje – dei fleste – av spora krinsar rundt omkalfatringar av eit musikalsk følgjemotiv, spelt på fløyte, på xylofon, på Fender Rhodes-elpiano transponert til toneartar som endrar uttrykket og stemninga noko så inn i granskogen. Spora elles, sjølv dei meir utflytande, er òg svært figurative i uttrykket, det heile silkemjukt framført med funk-fusion-rock-besetning komplett med klavinett og gitar med wah-wah-pedalen tråkka langt ned i golvet; stundom kastar dramatiske strykarar seg inn i spelet.
No har jo eg sett filmen ein del gonger, noko som kan tilrådast, men sjølv om eg ser for meg scener frå filmen når eg lyttar til musikken åleine, ser eg for meg at dette er eit lydspor som kan stimulere den visuelle fantasien og lirke fram draumeaktige visjonar frå det umedvitne hos førstegongslyttaren. Så kan ein seinare sjekke om dei musikkassisterte profetiske syna har likskapar med filmen etterpå.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Rock
Alain Goraguer:
La Planète Sauvage (Expanded Original Soundtrack)
CAM Sugar
La Planète Sauvage (engelsk tittel: Fantastic Planet) er ein fransk-tsjekkoslovakisk sci-fi-animasjonsfilm frå 1973. Den sinnrike soga går føre seg på ein planet folkesett av gigantiske blå humanoide skapningar som held jordmenneske som meg og deg som kjæledyr. Vi er no nusselege små vesen, vi menneskeapar. Det får ein seie. Synd at det finst rakkarungar med dyreplageri som hobby.
Filmen er ei forvitneleg surrealistisk sak som er seg sjølv lik, og sidan dialogen er sparsam – menneskekjæledyra ser i sitt eksil ut til å ha blitt fri for talespråk – er instrumentalmusikken, signert arrangøren til Serge Gainsbourg, utprega forteljande, lik eit stykke programmusikk à la opera.
Ei rekkje – dei fleste – av spora krinsar rundt omkalfatringar av eit musikalsk følgjemotiv, spelt på fløyte, på xylofon, på Fender Rhodes-elpiano transponert til toneartar som endrar uttrykket og stemninga noko så inn i granskogen. Spora elles, sjølv dei meir utflytande, er òg svært figurative i uttrykket, det heile silkemjukt framført med funk-fusion-rock-besetning komplett med klavinett og gitar med wah-wah-pedalen tråkka langt ned i golvet; stundom kastar dramatiske strykarar seg inn i spelet.
No har jo eg sett filmen ein del gonger, noko som kan tilrådast, men sjølv om eg ser for meg scener frå filmen når eg lyttar til musikken åleine, ser eg for meg at dette er eit lydspor som kan stimulere den visuelle fantasien og lirke fram draumeaktige visjonar frå det umedvitne hos førstegongslyttaren. Så kan ein seinare sjekke om dei musikkassisterte profetiske syna har likskapar med filmen etterpå.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Fleire artiklar
Stig Amdam og Ragnhild Gudbrandsen spelar hovudrollene i stykket av August Strindberg.
Foto: Magnus Skrede / Den Nationale Scene
Krigen mellom kjønna
Dødsdansen er eit ekteskapsdrama der komikken får for stor plass, men spelestilane utfordrar kvarandre på interessant vis.
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Nana rise-Lynum er redaktør i Norsk Barneblad.
Foto: Per Anders Todal
Å gi barn det dei ikkje veit at dei vil ha
Norsk Barneblad vart skipa i 1887 og har kome ut kvart år sidan. Sist helg fekk Nana Rise-Lynum Målprisen frå Noregs Mållag for innsatsen som redaktør.
Den såkalla hysjpengesaka mot Donald Trump er inne i andre veke i retten i New York.
Illustrasjon: Jane Rosenberg / Reuters
Høgt spel i New York
Straffesaka som no går føre seg mot Trump, er den han har størst sjanse til å verte frikjend i. Og vert han det, kan saka òg gje han fleire veljarar, seier kommentator Jan Arild Snoen.
Frå markeringa av den internasjonale kvinnedagen i Oslo sentrum.
Foto: Håkon Mosvold Larsen / NTB
Bollestad sprer myter og faktafeil
Vi må skille mellom hva som skal løses av abortloven, og hva som skal løses andre steder.
Papiravisa