Både vitalt og solid
Spesielt balladetolkingane varmar på albumet til Georg Reiss kvartett.
Georg Reiss i spranget.
Foto: L-P Lorentzen
Jazz
Georg Reiss kvartett:
You Must Believe in Spring
Georg Reiss, klarinett og altsaksofon (8); David Skinner, piano; Stig Hvalryg, bass; Marcus Lewin, trommer.
MJB
Georg Reiss (66) er ikkje den som slamrar hardast med dørene, men er du over gjennomsnittet interessert i eldre jazz, klezmer og tilgrensande, har du heilt sikkert både høyrt og høyrt om Reiss.
Samarbeidet med Morten Gunnar Larsen i Ophelia Ragtime Orchestra, Magnolia Jazzband, Ytre Suløens Jassensemble og hans eigne band Streif og Georg Reiss kvartett har i periodar gjort han til ein travel frilansmusikar, men kvartetten er ikkje mykje dokumentert, og You Must Believe in Spring er den første utgjevinga med denne besetninga.
Repertoaret er sett saman av sju standardlåtar der tittellåten og Ellingtons «In A Sentimental Mood» er dei mest velbrukte. Skinner har levert den tradisjonelle og raske «Scarier Than Chili», men absolutt best læt bandet i balladen «At Home». Ikkje berre er låten nydeleg, men både Skinner, Reiss og Hvalryg spelar interessante og velformulerte kor. Det er gjennomgåande kor mykje fint dei gjer i balladetempo. Også den einaste Reiss-originalen, «Balans», er ein ballade.
Kvartetten musiserer trygt innanfor ei sving-/mainstream-ramme, men det blir aldri keisamt. Det dukkar stadig vekk opp idear som blir testa ut, og den musikalske samtalen flyt utvunge.
Kvartetten er så til dei grader på heimebane. Reiss, Skinner og Hvalryg deler på solistrolla plata igjennom, men på den raske «Little Girl» får Lewin vist at han ikkje berre er ein utsøkt akkompagnatør. Her er fire musikarar som har det kjekt i lag. Det smittar.
Lars Mossefinn
Lars Mossefinn er frilans journalist og fast jazzmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz
Georg Reiss kvartett:
You Must Believe in Spring
Georg Reiss, klarinett og altsaksofon (8); David Skinner, piano; Stig Hvalryg, bass; Marcus Lewin, trommer.
MJB
Georg Reiss (66) er ikkje den som slamrar hardast med dørene, men er du over gjennomsnittet interessert i eldre jazz, klezmer og tilgrensande, har du heilt sikkert både høyrt og høyrt om Reiss.
Samarbeidet med Morten Gunnar Larsen i Ophelia Ragtime Orchestra, Magnolia Jazzband, Ytre Suløens Jassensemble og hans eigne band Streif og Georg Reiss kvartett har i periodar gjort han til ein travel frilansmusikar, men kvartetten er ikkje mykje dokumentert, og You Must Believe in Spring er den første utgjevinga med denne besetninga.
Repertoaret er sett saman av sju standardlåtar der tittellåten og Ellingtons «In A Sentimental Mood» er dei mest velbrukte. Skinner har levert den tradisjonelle og raske «Scarier Than Chili», men absolutt best læt bandet i balladen «At Home». Ikkje berre er låten nydeleg, men både Skinner, Reiss og Hvalryg spelar interessante og velformulerte kor. Det er gjennomgåande kor mykje fint dei gjer i balladetempo. Også den einaste Reiss-originalen, «Balans», er ein ballade.
Kvartetten musiserer trygt innanfor ei sving-/mainstream-ramme, men det blir aldri keisamt. Det dukkar stadig vekk opp idear som blir testa ut, og den musikalske samtalen flyt utvunge.
Kvartetten er så til dei grader på heimebane. Reiss, Skinner og Hvalryg deler på solistrolla plata igjennom, men på den raske «Little Girl» får Lewin vist at han ikkje berre er ein utsøkt akkompagnatør. Her er fire musikarar som har det kjekt i lag. Det smittar.
Lars Mossefinn
Lars Mossefinn er frilans journalist og fast jazzmeldar i Dag og Tid.
Fleire artiklar
Skodespelar Svein Tindberg flettar saman eigne barndomserfaringar med 4000 år gamle forteljingar frå Bibelen.
Foto: Marcel Leliënhof
Høgaktuelle forteljingar frå Midtausten
Trur vi Bibelen er ei utdatert bok, tek vi feil. Svein Tindberg syner korleis gamle jødisk-kristne soger talar til vår eksistens no når bombene fell mellom folkeslag.
Foto: Dag Aanderaa
Pyntesjuke og luksuslov
Christian Kvart ville styre pynten, krydderet og konfekten.
Miridae, ei bladtege med oval form.
Foto: via Wikimedia Commons
Levande innsikt om døyande insekt
Ein optimistisk tone råder i ei tettpakka faktabok om dystre utsikter for insekta.
Moss–Horten-ferja er den mest trafikkerte i landet. Skjer det noko uføresett, som då dei tilsette blei tatt ut i LO-streik i fjor, veks køane på begge sider av fjorden.
Foto: Terje Bendiksby / AP / NTB
Pengegaloppen i ferjetoppen
Det står ei Norled-ferje her og ei Torghatten-ferje der – innstilte. Ferja, ein livsnerve for mange, er eigd av folk vi ikkje aner kven er, utanfor vår kontroll.
Yrka med det høgste sjukefråværet er kvinnedominerte med relasjonelt arbeid og høge emosjonelle krav, skriv Lill Sverresdatter Larsen.
Foto: Gorm Kallestad / NTB
Langvarig overbelastning gir rekordhøyt sykefravær
«Vi har lenge drevet en dugnad for å holde skuta flytende.»
Papiravisa