Arkivet: Joni Mitchell-feiring
Bandet som hyllar Joni Mitchell, skal turnere i vår.
Foto: Svein Erik Fylkesnes
I november fyller Joni Mitchell 80 år, eit jubileum som vert markert på ulike vis verda over framover, også her til lands. Det er ikkje få som har late seg inspirere av artisten og set henne høgt. Kva kan då passe betre enn å ta ein runde til med hyllesta som var slik ein suksess under Oslo Jazzfestival i 2018?
Med kapellmeister Anja Lauvdal i spissen skal ei rekkje artistar om nokre veker på turné, og for unge og gamle Mitchell-lyttarar bør det berre vere å skaffe seg billett, først som sist: Frida Ånnevik, Susanna Wallumrød, Marianna Sangita og Sondre Lerche skal syngje, og bandet er også heilt framifrå, med Harald Lassen på saksofon, Torstein Lavik Larsen på trompet, Christian Winther på gitar, Magnus Nergaard på bass og Hans Hulbækmo på trommer. Heile åtte stoppestader vert det, med start i Stavanger 13. og avslutning i Bodø 22. april.
I haust vart det elles kjent at Joni Mitchell, som fekk ei hjernehinnebløding i 2015, om nokre månader skal stå på scenen som hovudnamn på ein konsert for første gong på tjuetre år. Det skjer i Gorge Amphitheatre i Washington laurdag 10. juni.
Øyvind Vågnes
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
I november fyller Joni Mitchell 80 år, eit jubileum som vert markert på ulike vis verda over framover, også her til lands. Det er ikkje få som har late seg inspirere av artisten og set henne høgt. Kva kan då passe betre enn å ta ein runde til med hyllesta som var slik ein suksess under Oslo Jazzfestival i 2018?
Med kapellmeister Anja Lauvdal i spissen skal ei rekkje artistar om nokre veker på turné, og for unge og gamle Mitchell-lyttarar bør det berre vere å skaffe seg billett, først som sist: Frida Ånnevik, Susanna Wallumrød, Marianna Sangita og Sondre Lerche skal syngje, og bandet er også heilt framifrå, med Harald Lassen på saksofon, Torstein Lavik Larsen på trompet, Christian Winther på gitar, Magnus Nergaard på bass og Hans Hulbækmo på trommer. Heile åtte stoppestader vert det, med start i Stavanger 13. og avslutning i Bodø 22. april.
I haust vart det elles kjent at Joni Mitchell, som fekk ei hjernehinnebløding i 2015, om nokre månader skal stå på scenen som hovudnamn på ein konsert for første gong på tjuetre år. Det skjer i Gorge Amphitheatre i Washington laurdag 10. juni.
Øyvind Vågnes
Fleire artiklar
Else Hagen: «Familie» (1950), olje på lerret. Rolf E. Stenersens samling / Munchmuseet.
Etterlysing og turné
Else Hagen er i dag eit ukjent namn for mange, men det er i endring.
Anders Folkestad og Torbjørn Ryssevik meiner det er nødvendig å styrke den vidaregåande skulen si studieførebuande rolle.
Gorm Kallestad / NTB
Studieopptak og skulifisering
Stig Amdam og Ragnhild Gudbrandsen spelar hovudrollene i stykket av August Strindberg.
Foto: Magnus Skrede / Den Nationale Scene
Krigen mellom kjønna
Dødsdansen er eit ekteskapsdrama der komikken får for stor plass, men spelestilane utfordrar kvarandre på interessant vis.
Nana rise-Lynum er redaktør i Norsk Barneblad.
Foto: Per Anders Todal
Å gi barn det dei ikkje veit at dei vil ha
Norsk Barneblad vart skipa i 1887 og har kome ut kvart år sidan. Sist helg fekk Nana Rise-Lynum Målprisen frå Noregs Mållag for innsatsen som redaktør.
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.