Arkivet: Joey Ramone
Eit vegkryss på Manhattan.
Foto: Øyvind Vågnes
Det var på veg oppover den langstrakte gata Bowery, søraust på Manhattan, ein dag i sommar, at eg passerte skiltet som fortalde meg at eg no gjekk forbi Joey Ramone Place. Sjølv om destinasjonen var bokhandelen Strand, og eg ville ha så mykje tid der som råd, stoppa eg opp og såg rundt meg, mint som eg vart på at dette var Ramones-land.
Joey Ramone (1951–2001) var frontmann og vokalist i The Ramones, og å merke akkurat dette vegkrysset med eit skilt passar eigentleg godt, for turen er ikkje lang til lokala der CBGB, klubben der rockebandet herja i tidlege år, i si tid heldt til. Joey Ramone budde også i nabolaget ei stund, og omslagsfotografiet på debutalbumet Ramones (1976) vart teke i kvartalet.
Min første impuls er å tenkje at eit slikt skilt er litt snålt – å kalle opp eit område i New York etter ein musikar som så til dei grader var anti-establishment? Men så fann eg ut at det var ein 16 år gammal fan som tok initiativet, for snart tjue år sidan, og samla underskrifter i området rundt, på skikkeleg grasrotvis.
Kvifor ikkje? Midt i vrimmelen vart eg leia tilbake til The Ramones, og når kvelden kom, fekk eg på «Blitzkrieg Pop» (frå nett Ramones). Det var lenge sidan sist. Skiltet hadde tent sin funksjon.
Øyvind Vågnes
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Det var på veg oppover den langstrakte gata Bowery, søraust på Manhattan, ein dag i sommar, at eg passerte skiltet som fortalde meg at eg no gjekk forbi Joey Ramone Place. Sjølv om destinasjonen var bokhandelen Strand, og eg ville ha så mykje tid der som råd, stoppa eg opp og såg rundt meg, mint som eg vart på at dette var Ramones-land.
Joey Ramone (1951–2001) var frontmann og vokalist i The Ramones, og å merke akkurat dette vegkrysset med eit skilt passar eigentleg godt, for turen er ikkje lang til lokala der CBGB, klubben der rockebandet herja i tidlege år, i si tid heldt til. Joey Ramone budde også i nabolaget ei stund, og omslagsfotografiet på debutalbumet Ramones (1976) vart teke i kvartalet.
Min første impuls er å tenkje at eit slikt skilt er litt snålt – å kalle opp eit område i New York etter ein musikar som så til dei grader var anti-establishment? Men så fann eg ut at det var ein 16 år gammal fan som tok initiativet, for snart tjue år sidan, og samla underskrifter i området rundt, på skikkeleg grasrotvis.
Kvifor ikkje? Midt i vrimmelen vart eg leia tilbake til The Ramones, og når kvelden kom, fekk eg på «Blitzkrieg Pop» (frå nett Ramones). Det var lenge sidan sist. Skiltet hadde tent sin funksjon.
Øyvind Vågnes
Fleire artiklar
Christian Treutmann-orgelet frå 1737 i stiftskyrkja St. Georg i Grauhof.
Foto via Wikimedia Commons
Monumental pedal
Masaaki Suzukis frasering gjev rom for smertelege dissonansar.
Trålar utanfor Måløy sentrum.
Foto: Gorm Kallestad / NTB
Barents blues, også et flytende samfunn
Min tiårige til-og-fra-periode i den tøffe trålbobla har preget meg nokså sterkt.
Ludmila Shabelnyk syner bilete av sonen Ivan i landsbyen Kapitolivka ved Izium i Ukraina, 25. september 2022. Russiske okkupasjonsstyrkar mishandla Ivan grovt før dei drap han. Landsbyen vart seinare gjenerobra av ukrainske styrkar.
Foto: Evgeniy Maloletka / AP / NTB
Overgrep som skakar folkeretten
Okkupasjonsmakta Russland viser ingen respekt for konvensjonen som skal verne sivile i krig.
Det oppstår misvisande biletet av at covid-19 forårsakar Alzheimer, meiner Preben Aavitsland ve FHI.
Foto: Erik Johansen / NTB
Meir om seinfølgjer
Den årlege rapporten FHI har publisert, syner at dødeligheita blant personar under 40 år har vore nokså stabil sidan 2015.
Salman Rushdie har skrive 15 romanar. Den siste boka handlar om knivåtaket på han i 2022.
Foto: Rachel Eliza Griffiths
Ein takk til livet
Salman Rushdie nyttar språket som terapi.