Ambivalens på mange plan
Sympathetic Magic er eit nytt viktig verk frå Kim Myhr.
Jazz / Samtidsmusikk
Kim Myhr:
Sympathetic Magic
Kim Myhr, gitarar, orgel, synthesizer, bass, trommemaskin og vokal; Hans Hulbækmo og Michaela Antalová, trommer og perkusjon; Ingar Zach, perkusjon; Adrian Myhr, bass og gitarar; Anja Lauvdal, orgel og synthesizer; Håvard Volden og David Stackenäs, gitarar. Hubro
Kim Myhr har verkeleg sett spor etter seg som komponist dei seinare åra. Sympathetic Magic kan sjåast på som ei vidareføring av You me (Hubro, 2017) som blei nominert til Nordisk råds musikkpris. Medan You me bada lydaren i klangar, er denne utgjevinga prega av skiftande melodiske snuttar, og ho står fram som ein sjudelt suite der delane i varierande grad har songkarakter.
Arbeidet med verket tok til under pandemien, og i førekant av komponeringa hadde Myhr kjøpt eit gamalt Yamaha-orgel (YC45d). Dette instrumentet har også på sitt vis vore med på å prega det endelege resultatet. Myhr har med seg sju eineståande musikarar som alle klart lar seg identifisera. Her er det ikkje rom for individuelle eskapadar, men bandet gjev samla sett ei framdrift og ein nerve til musikken som ville vore vanskeleg å få til om Myhr hadde gjort det heile heime på guterommet.
Musikken på Sympathetic Magic er på mange vis prega av ambivalens. Dette gjeld ikkje berre klangleg, harmonisk og rytmisk. Myhr ynskjer å få fram kjensla av sosialt fellesskap slik ein kjende det i tida før pandemien. Han lukkast i å få fram lengten, men får også fram det fleirsidige ved sosialt fellesskap. For å seia det med Tor Jonsson: «Nærast er du når du er borte.»
Lars Mossefinn
Lars Mossefinn er frilans journalist og fast jazzmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz / Samtidsmusikk
Kim Myhr:
Sympathetic Magic
Kim Myhr, gitarar, orgel, synthesizer, bass, trommemaskin og vokal; Hans Hulbækmo og Michaela Antalová, trommer og perkusjon; Ingar Zach, perkusjon; Adrian Myhr, bass og gitarar; Anja Lauvdal, orgel og synthesizer; Håvard Volden og David Stackenäs, gitarar. Hubro
Kim Myhr har verkeleg sett spor etter seg som komponist dei seinare åra. Sympathetic Magic kan sjåast på som ei vidareføring av You me (Hubro, 2017) som blei nominert til Nordisk råds musikkpris. Medan You me bada lydaren i klangar, er denne utgjevinga prega av skiftande melodiske snuttar, og ho står fram som ein sjudelt suite der delane i varierande grad har songkarakter.
Arbeidet med verket tok til under pandemien, og i førekant av komponeringa hadde Myhr kjøpt eit gamalt Yamaha-orgel (YC45d). Dette instrumentet har også på sitt vis vore med på å prega det endelege resultatet. Myhr har med seg sju eineståande musikarar som alle klart lar seg identifisera. Her er det ikkje rom for individuelle eskapadar, men bandet gjev samla sett ei framdrift og ein nerve til musikken som ville vore vanskeleg å få til om Myhr hadde gjort det heile heime på guterommet.
Musikken på Sympathetic Magic er på mange vis prega av ambivalens. Dette gjeld ikkje berre klangleg, harmonisk og rytmisk. Myhr ynskjer å få fram kjensla av sosialt fellesskap slik ein kjende det i tida før pandemien. Han lukkast i å få fram lengten, men får også fram det fleirsidige ved sosialt fellesskap. For å seia det med Tor Jonsson: «Nærast er du når du er borte.»
Lars Mossefinn
Lars Mossefinn er frilans journalist og fast jazzmeldar i Dag og Tid.
Fleire artiklar
Skodespelar Svein Tindberg flettar saman eigne barndomserfaringar med 4000 år gamle forteljingar frå Bibelen.
Foto: Marcel Leliënhof
Høgaktuelle forteljingar frå Midtausten
Trur vi Bibelen er ei utdatert bok, tek vi feil. Svein Tindberg syner korleis gamle jødisk-kristne soger talar til vår eksistens no når bombene fell mellom folkeslag.
Foto: Dag Aanderaa
Pyntesjuke og luksuslov
Christian Kvart ville styre pynten, krydderet og konfekten.
Miridae, ei bladtege med oval form.
Foto: via Wikimedia Commons
Levande innsikt om døyande insekt
Ein optimistisk tone råder i ei tettpakka faktabok om dystre utsikter for insekta.
Moss–Horten-ferja er den mest trafikkerte i landet. Skjer det noko uføresett, som då dei tilsette blei tatt ut i LO-streik i fjor, veks køane på begge sider av fjorden.
Foto: Terje Bendiksby / AP / NTB
Pengegaloppen i ferjetoppen
Det står ei Norled-ferje her og ei Torghatten-ferje der – innstilte. Ferja, ein livsnerve for mange, er eigd av folk vi ikkje aner kven er, utanfor vår kontroll.
Yrka med det høgste sjukefråværet er kvinnedominerte med relasjonelt arbeid og høge emosjonelle krav, skriv Lill Sverresdatter Larsen.
Foto: Gorm Kallestad / NTB
Langvarig overbelastning gir rekordhøyt sykefravær
«Vi har lenge drevet en dugnad for å holde skuta flytende.»
Papiravisa