Å høyre æva i 45 sekund
Wind Recorded with a Camera er eit mikroutsnitt av eit nabolag og ein ordlaus William Blake-parafrase.
Pop
Kino:
Wind Recorded with a Camera
45-Byo Mijikakute Amai
Internettlabelen 45-Byo Mijikakute Amai er basert i Ohio i USA og spesialiserer seg i musikkutgjevingar på 45 sekund (eller mindre). Den 46. utgjevinga blei lansert 12. mai: Verket til artisten Kino, Wind Recorded with a Camera, er – truleg – nett det tittelen seier, og ein kan sanneleg høyre vinden blåse på kameramikrofonen. Men dei 45 sekunda byd på mykje meir enn det kan høyrast ut som.
Den duse duren av ein eller fleire vegar, eit nabolag, hender og føter i aktivitet, fuglekvitter, raslande lauv – mellom anna. Wind Recorded with a Camera er eit portrett av ein augneblunk, lik ein destillert, ordlaus lydbokvariant av James Joyces Ulysses, som beskriv ein kvardag i detalj.
45-sekundsformatet set detaljar i makrofokus, og variasjonen i labelkatalogen er enorm. Nr. 44 er eit fredsælt vaporwave-stykke med svært lang tittel av larsht_; Fakenumberland Presents: Gathering of the Microcosmic Ambassadors er ei samleplate med spor av åtte artistar og i seg sjølv prega av enorm variasjon; 45 Microtracks..., også av larsht_, leverer like godt 45 komposisjonar, nokre på både to og tre sekund, enkelte på null. Titlane dannar eit snodig dikt.
Det er knapt tid til å keie seg med desse utgjevingane, og tidsavgrensinga blir til meir enn gimmick. Nietzsche omtala korleis dei klassiske diktarane brukte rigid versstruktur til å transcendere det individuelle uttrykket («dans i lenker»). Dette hender òg i katalogen til 45-Byo Mijikakute Amai, som i skrivande stund varer om lag ein halvtime fordelt på 46 utgjevingar. Dei er å finne på Bandcamp.com – gratis. Det vil seie: Du kan donere dersom du vil, slik det burde vere kultur for med kultur.
Rasmus Hungnes
Rasmus Hungnes er kunstnar, musikar, DJ og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Pop
Kino:
Wind Recorded with a Camera
45-Byo Mijikakute Amai
Internettlabelen 45-Byo Mijikakute Amai er basert i Ohio i USA og spesialiserer seg i musikkutgjevingar på 45 sekund (eller mindre). Den 46. utgjevinga blei lansert 12. mai: Verket til artisten Kino, Wind Recorded with a Camera, er – truleg – nett det tittelen seier, og ein kan sanneleg høyre vinden blåse på kameramikrofonen. Men dei 45 sekunda byd på mykje meir enn det kan høyrast ut som.
Den duse duren av ein eller fleire vegar, eit nabolag, hender og føter i aktivitet, fuglekvitter, raslande lauv – mellom anna. Wind Recorded with a Camera er eit portrett av ein augneblunk, lik ein destillert, ordlaus lydbokvariant av James Joyces Ulysses, som beskriv ein kvardag i detalj.
45-sekundsformatet set detaljar i makrofokus, og variasjonen i labelkatalogen er enorm. Nr. 44 er eit fredsælt vaporwave-stykke med svært lang tittel av larsht_; Fakenumberland Presents: Gathering of the Microcosmic Ambassadors er ei samleplate med spor av åtte artistar og i seg sjølv prega av enorm variasjon; 45 Microtracks..., også av larsht_, leverer like godt 45 komposisjonar, nokre på både to og tre sekund, enkelte på null. Titlane dannar eit snodig dikt.
Det er knapt tid til å keie seg med desse utgjevingane, og tidsavgrensinga blir til meir enn gimmick. Nietzsche omtala korleis dei klassiske diktarane brukte rigid versstruktur til å transcendere det individuelle uttrykket («dans i lenker»). Dette hender òg i katalogen til 45-Byo Mijikakute Amai, som i skrivande stund varer om lag ein halvtime fordelt på 46 utgjevingar. Dei er å finne på Bandcamp.com – gratis. Det vil seie: Du kan donere dersom du vil, slik det burde vere kultur for med kultur.
Rasmus Hungnes
Rasmus Hungnes er kunstnar, musikar, DJ og fast musikkmeldar i Dag og Tid.
Fleire artiklar
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Den norske fiskeflåten er mangfaldig. Her er ringnotfartøy ved kai i Egersund våren 2017.
Foto: Per Anders Todal
Fiskar er fiskar verst
Striden om kvotemeldinga kan få Fiskarlaget til å rivne.
Mannsutvalet saman med kultur- og likestillingsminister Lubna Jaffery under overrekkinga av rapporten.
Foto: Ole Berg-Rusten
Vil avlive likestillingsmytar
Forskar Mari Teigen ønskjer seg ein kjønnsdebatt bygd på kunnskap.
Statsministeren i Storbritannia, Rishi Sunak, har varsla at dei fyrste flya mot Rwanda skal vere i lufta løpet av ti til tolv veker.
Foto: Toby Melville / Reuters / NTB
Vil nytte Rwanda
som asylskremsel
Den som prøver å ta seg til Storbritannia med båt over Den engelske kanalen for å søkje asyl, risikerer i framtida å verte sett på eit fly til Rwanda utan høve til å returnere.