Medrivande tyggegummi-new-age-pop
Caroline Polacheks nye album overraskar støtt og stadig – med overdådig folk-pop, drum’n’bass og sekkepipe.
Pop
Caroline Polachek:
Desire, I Want To Turn Into You
Perpetual Novice
Desire, I Want To Turn Into You er den amerikanske artisten Caroline Polacheks fjerde album, og det startar med 2000-talstyggegummipoplåta «Welcome To My Island». «Hope you like me, you ain’t leaving», syng ho, og resten av plata er sanneleg ein spinnvill berg-og-dalbanetur inn og opp og ned i djupet av det menneskelege kjensleapparatet som det skal godt gjerast å vende øyra bort frå.
Stilen er ekstremt variert, samanflytande og fasettert. Songen «Sunset» flørtar med flamenco, «Fly To You» (med Dido og Grimes med på laget) er driven av raske, men mjuke drum’n’bass-rytmar. Her finst dembowrytmar, sekkepipe og syntetiske keltiske folkeinstrument, og arrangementa er stappfulle av uventa vendingar; legg til dømes merke til fuglekvitteret og spedbarnsbablinga i songen «Bunny Is A Rider».
Polachek er inspirert av artistar som Kate Bush og Mishio Ogawa, og med «Butterfly Net» og «Smoke» blir det svulstige og sentimentale skrudd opp til 110 prosent, overlest med nikk til Celine Dions overdådige Titanic-musikk, Enyas new-age-pop og 90-tals Disney teiknefilmballadar. Og godt er det.
Polachek handsamar store kjensler med glimt i auget og subtil humor, noko som speglar seg i musikkvideoane, der Polachek trampedansar i vinstampen og ser ut til å dra sjåaren – i form av ein slags okse – med seg gjennom labyrintiske omgjevnader spekka med små og store detaljar og notat i periferien av scenografien. På kodaen til sistesporet «Billions» er det som om heile menneskeheita syng med i kor. Det heile balanserer på ei knivsegg mellom pretensjon og parodi, og endar opp som ein overveldande og vakker emosjonell rundtur.
Rasmus Hungnes
Rasmus Hungnes er musikar, kunstnar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Pop
Caroline Polachek:
Desire, I Want To Turn Into You
Perpetual Novice
Desire, I Want To Turn Into You er den amerikanske artisten Caroline Polacheks fjerde album, og det startar med 2000-talstyggegummipoplåta «Welcome To My Island». «Hope you like me, you ain’t leaving», syng ho, og resten av plata er sanneleg ein spinnvill berg-og-dalbanetur inn og opp og ned i djupet av det menneskelege kjensleapparatet som det skal godt gjerast å vende øyra bort frå.
Stilen er ekstremt variert, samanflytande og fasettert. Songen «Sunset» flørtar med flamenco, «Fly To You» (med Dido og Grimes med på laget) er driven av raske, men mjuke drum’n’bass-rytmar. Her finst dembowrytmar, sekkepipe og syntetiske keltiske folkeinstrument, og arrangementa er stappfulle av uventa vendingar; legg til dømes merke til fuglekvitteret og spedbarnsbablinga i songen «Bunny Is A Rider».
Polachek er inspirert av artistar som Kate Bush og Mishio Ogawa, og med «Butterfly Net» og «Smoke» blir det svulstige og sentimentale skrudd opp til 110 prosent, overlest med nikk til Celine Dions overdådige Titanic-musikk, Enyas new-age-pop og 90-tals Disney teiknefilmballadar. Og godt er det.
Polachek handsamar store kjensler med glimt i auget og subtil humor, noko som speglar seg i musikkvideoane, der Polachek trampedansar i vinstampen og ser ut til å dra sjåaren – i form av ein slags okse – med seg gjennom labyrintiske omgjevnader spekka med små og store detaljar og notat i periferien av scenografien. På kodaen til sistesporet «Billions» er det som om heile menneskeheita syng med i kor. Det heile balanserer på ei knivsegg mellom pretensjon og parodi, og endar opp som ein overveldande og vakker emosjonell rundtur.
Rasmus Hungnes
Rasmus Hungnes er musikar, kunstnar og fast musikkmeldar i Dag og Tid.
Fleire artiklar
Dei siste par åra har den norske bonden fått kjenne konsekvensane av å produsere i eit system der utgiftene er styrte av marknaden, medan inntektene er styrte av politikarane, skriv Siri Helle.
Foto: Heiko Junge / NTB
Effektivisering er ikkje berginga
Korleis gje bønder rettferdig inntekt når dei framleis skal vere sjølvstendig næringsdrivande?
Judith Butler er filosof og ein frontfigur innanfor kjønnsteori.
Foto: Thomas Lohnes / NTB
Paven midt imot
Alle lèt til å misforstå kvarandre i kjønnsdebatten. Judith Butler blir både dyrka og demonisert av folk som ikkje har lese eit ord av bøkene hen skriv.
Bondelagsleiar Bjørn Gimming talar til demonstrantane utanfor Stortinget torsdag morgon. Bønder frå heile landet protesterer mot måten bondeinntekta blir rekna ut på.
Foto: Heiko Junge / NTB
Jordskjelvet
Senterpartiet ville løfte bøndene, men har skaka sitt eige grunnfjell.
Abortutvalet saman med helseminister Ingvild Kjerkol under overrekkinga av rapporten. Utvalet føreslår å flytte grensa for sjølvbestemt abort til veke 18.
Foto: Heiko Junge / NTB
Moralske kvalar
Å leggje restriksjonar på abort, er ein måte å anerkjenne menneskeverdet på, seier Morten Magelssen i abortutvalet. Han tok dissens.
Villreinbestanden i Noreg i dag er på rundt 25.000 dyr vinterstid. Sidan 2021 har villreinen vore klassifisert som nær truga på den norske raudlista.
Foto: Paul Kleiven / NTB
Villrein i eit villnis
Stortingsmeldinga om villrein er ikkje til å verte særleg klok av.