Medelsvenssonsk magi
Roy Andersson er seg sjølv lik. Det er fantastisk.
Filmen har eit klassisk Roy Andersson-uttrykk.
Foto: SF Studios
DRAMA
Regi: Roy Andersson
Om det uendelige
Med: Tatiana Delaunay, Martin Serner
Kinofilm
Med En due satt på en gren og funderte på tilværelsen runda Roy Andersson av ein trilogi i 2014. Då skrytte eg av at han heldt stø kurs med dei absurde tablåa med mutte menneske, utan å ty til nye triks. No har han laga ein film som nokre seier er reine samlinga av høgdepunkt frå trilogien. Altså lite nytt under svenske skyer. Det er kjekt.
Alt blir bra
Kvar gong nokon slår fast at «det är inte roligt», ler eg godt. Vanlege menneske er karikerte i kjend anderssonsk stil.
Høgdepunktet er ein kar som i ein grå bar utbasunerer at alt er fantastisk. Spake sjeler snur seg skeptisk. Stemninga er som om nokon skulle ha freista overtyde omgjevnadene om at alt blir bra når alt heilt klart raknar. «Jo, jo», svarar dei, som for ikkje å øydeleggje illusjonen.
Fornøyeleg nitrist
Bileta er reinskorne og stiliserte. Alt er traust og trist. Alle fargane er grenselaust gråe, blast brune og kaldt blåe. Alle er bleike og tafatte. Dei statiske bileta held seg med tålmod. Små daglegdagse lydar bryt stilla. Klirring i eit glas, knirking i ein stol, eit sukk. Ein prest som har mista trua, har mareritt om Via dolorosa.
Vitjing hjå ein gretten tannlækjar blir klipt til absurd trøyst i alkohol for Hitler i bunkersen. Døden, kjærleiken, kvardagen, krigen og andre uendelege sider ved livet er samla i ein vakker, vissen bukett i smått og stort. Tidlause Roy Andersson står for noko heilt anna enn det som fyller flater og lerret om dagen. Det er godt at han finst.
Håkon Tveit
Håkon Tveit er lektor i latinamerikansk kultur og historie ved Universitetet i Bergen og fast filmmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
DRAMA
Regi: Roy Andersson
Om det uendelige
Med: Tatiana Delaunay, Martin Serner
Kinofilm
Med En due satt på en gren og funderte på tilværelsen runda Roy Andersson av ein trilogi i 2014. Då skrytte eg av at han heldt stø kurs med dei absurde tablåa med mutte menneske, utan å ty til nye triks. No har han laga ein film som nokre seier er reine samlinga av høgdepunkt frå trilogien. Altså lite nytt under svenske skyer. Det er kjekt.
Alt blir bra
Kvar gong nokon slår fast at «det är inte roligt», ler eg godt. Vanlege menneske er karikerte i kjend anderssonsk stil.
Høgdepunktet er ein kar som i ein grå bar utbasunerer at alt er fantastisk. Spake sjeler snur seg skeptisk. Stemninga er som om nokon skulle ha freista overtyde omgjevnadene om at alt blir bra når alt heilt klart raknar. «Jo, jo», svarar dei, som for ikkje å øydeleggje illusjonen.
Fornøyeleg nitrist
Bileta er reinskorne og stiliserte. Alt er traust og trist. Alle fargane er grenselaust gråe, blast brune og kaldt blåe. Alle er bleike og tafatte. Dei statiske bileta held seg med tålmod. Små daglegdagse lydar bryt stilla. Klirring i eit glas, knirking i ein stol, eit sukk. Ein prest som har mista trua, har mareritt om Via dolorosa.
Vitjing hjå ein gretten tannlækjar blir klipt til absurd trøyst i alkohol for Hitler i bunkersen. Døden, kjærleiken, kvardagen, krigen og andre uendelege sider ved livet er samla i ein vakker, vissen bukett i smått og stort. Tidlause Roy Andersson står for noko heilt anna enn det som fyller flater og lerret om dagen. Det er godt at han finst.
Håkon Tveit
Håkon Tveit er lektor i latinamerikansk kultur og historie ved Universitetet i Bergen og fast filmmeldar i Dag og Tid.
Fleire artiklar
Nana rise-Lynum er redaktør i Norsk Barneblad.
Foto: Per Anders Todal
Å gi barn det dei ikkje veit at dei vil ha
Norsk Barneblad vart skipa i 1887 og har kome ut kvart år sidan. Sist helg fekk Nana Rise-Lynum Målprisen frå Noregs Mållag for innsatsen som redaktør.
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Er overvaking prisen vi må betale for eit trygt samfunn?
Foto: The Right Frame Media / Shutterstock
E-tenesta ser deg
Kor langt kan E-tenesta gå i å overvake den elektroniske kommunikasjonen vår? Det får vi kanskje svar på denne våren.
Frå markeringa av den internasjonale kvinnedagen i Oslo sentrum.
Foto: Håkon Mosvold Larsen / NTB
Bollestad sprer myter og faktafeil
Vi må skille mellom hva som skal løses av abortloven, og hva som skal løses andre steder.
Den såkalla hysjpengesaka mot Donald Trump er inne i andre veke i retten i New York.
Illustrasjon: Jane Rosenberg / Reuters
Høgt spel i New York
Straffesaka som no går føre seg mot Trump, er den han har størst sjanse til å verte frikjend i. Og vert han det, kan saka òg gje han fleire veljarar, seier kommentator Jan Arild Snoen.
Papiravisa