Tur til Polen 4
Olav H. Haugedagbøkene: «Fekk oss middag, god mat til liten pris, etter norsk rekning. Har ein dollar, er det lett å veksla på ulovleg vis.»
Teikning: May Linn Clement
28. april: Ut i byen til ymse kontor på jakt etter visumet. Fåfengt. Guiden vår leita og spurde etter òg, men nei. So no fær me venta til måndag, eg lyt få eit nytt.
Me gjekk og såg det historiske museum i Stare Miasto. Etterpå flytte me til nytt hotell, til det me fyrst budde på. Fekk oss middag. Etterpå gjekk me yver brui til Praga, der er det ein zoologisk hage. Mange digre tre. I morgon til Lodz.
29. april: Til Lodz. Toget, 2. kl. Og fullt. Ikkje råd å få sitjeplass, det var å stå. I Lodz såg me eit tekstilmuseum. Eit velskipa, godt ordna museum, som viste alt um spinning og vevnad frå gamal tid til i dag, gogner og maskinor. Der var òg ei stor samling biletvev.
Fekk oss middag, god mat til liten pris, etter norsk rekning. Har ein dollar, er det lett å veksla på ulovleg vis. Med same me kom, var det ein mann som var på meg : «Change money?» spurde han. Eg svara nei. Men på den måten fær ein 120 zloti for 1 $. Kelnarar driv mykje med slik veksling.
Piotr gav meg 1200 z for 10 $. Lovleg veksling er 30 z for 1 $. Vekslar ein ulovleg, kan ein leva billeg her. Norske kronor er lette å veksla.
30. april: Dei har fyrebutt seg på 1. mai sidan fredag, i dag er det måndag, då kom flagg upp på alle bygningar i byen. Og i dag stend høgtalarane på. Ein og annan har alt teke til å høgtida dagen, dei ragar ikkje so lite alt.
Soldatar ser ein meir av no, og militære køyrety samlar seg til den store paraden i morgon. På plassen utanfor Kulturpalasset har dei sett upp store tribunor.
Dagen gjekk til trakk og tøv. Me var på eit kontor fordi eg hadde mist ein setel som var eit vedlegg til passet. Dama lo, passet var fullgodt, eg kunde reisa som eg vilde, den setelen gjorde ikkje frå eller til.
Men eg fylte ut ein ny, som ho stempla. Me var elles til topps i Kulturpalasset, 30 høgder upp, der er vidt utsyn yver byen. Det er elles sjeldan heilt klårt, det ligg lett dis eller moe i synsrandi rundt.
I kveld var me inne i ein kjellar i Stare Miasto, drakk mjød, den er god, søt og sterk.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
28. april: Ut i byen til ymse kontor på jakt etter visumet. Fåfengt. Guiden vår leita og spurde etter òg, men nei. So no fær me venta til måndag, eg lyt få eit nytt.
Me gjekk og såg det historiske museum i Stare Miasto. Etterpå flytte me til nytt hotell, til det me fyrst budde på. Fekk oss middag. Etterpå gjekk me yver brui til Praga, der er det ein zoologisk hage. Mange digre tre. I morgon til Lodz.
29. april: Til Lodz. Toget, 2. kl. Og fullt. Ikkje råd å få sitjeplass, det var å stå. I Lodz såg me eit tekstilmuseum. Eit velskipa, godt ordna museum, som viste alt um spinning og vevnad frå gamal tid til i dag, gogner og maskinor. Der var òg ei stor samling biletvev.
Fekk oss middag, god mat til liten pris, etter norsk rekning. Har ein dollar, er det lett å veksla på ulovleg vis. Med same me kom, var det ein mann som var på meg : «Change money?» spurde han. Eg svara nei. Men på den måten fær ein 120 zloti for 1 $. Kelnarar driv mykje med slik veksling.
Piotr gav meg 1200 z for 10 $. Lovleg veksling er 30 z for 1 $. Vekslar ein ulovleg, kan ein leva billeg her. Norske kronor er lette å veksla.
30. april: Dei har fyrebutt seg på 1. mai sidan fredag, i dag er det måndag, då kom flagg upp på alle bygningar i byen. Og i dag stend høgtalarane på. Ein og annan har alt teke til å høgtida dagen, dei ragar ikkje so lite alt.
Soldatar ser ein meir av no, og militære køyrety samlar seg til den store paraden i morgon. På plassen utanfor Kulturpalasset har dei sett upp store tribunor.
Dagen gjekk til trakk og tøv. Me var på eit kontor fordi eg hadde mist ein setel som var eit vedlegg til passet. Dama lo, passet var fullgodt, eg kunde reisa som eg vilde, den setelen gjorde ikkje frå eller til.
Men eg fylte ut ein ny, som ho stempla. Me var elles til topps i Kulturpalasset, 30 høgder upp, der er vidt utsyn yver byen. Det er elles sjeldan heilt klårt, det ligg lett dis eller moe i synsrandi rundt.
I kveld var me inne i ein kjellar i Stare Miasto, drakk mjød, den er god, søt og sterk.
Fleire artiklar
Raudfota skogskjelpadde er ein av dei tre artane av skjelpadde som er godkjende til bruk som familiedyr i Noreg.
Foto via Wikimedia Commons
Skjelpadder
Etter at menneska klatra ned frå trea og oppover på næringskjeda, har nok mange skjelpadder blitt fanga og hamna i gryta.
Biletet syner Blixtunnelen på Follobanen rett før opninga i desember 2022. Nokre dagar etter vart tunnelen stengd på grunn av varmgang i kablane. Opprettinga skal vare til desember i år.
Foto: Terje Pedersen / NTB
Politiske signalfeil
Det er mange grunnar til at toget ikkje går når det skal i Noreg. Her er nokre av dei.
Ikkje berre krig og kriser kan føre til legemiddelmangel. Heile leveringskjeda er sårbar.
Foto: Gorm Kallestad / NTB
Det veikaste leddet i legemiddelkjeda
Europeiske land bør samarbeide for å sikre forsyninga av legemiddel, seier professor Marianne Jahre.
Mohammed Naseem fotografert av Anders Hammer i 2009. Naseem ville då gå til sak og krevje erstatning frå Noreg. Han blei drepen under uklåre omstende året etter.
Foto: Anders Hammer
Lygekorset med sverd og eikelauv?
Eirik Kristoffersen fekk Krigskorset med sverd for leiinga av spesialoperasjonar i Afghanistan. I den viktigaste skulle ein sentral Taliban-leiar ha blitt arrestert. Så begynte historia å smuldre opp.
Vel bevarte restar av trojansk daglegliv, handel, gudsdyrking og smart byutvikling.
Foto: Ida Lødemel Tvedt
Grushaughoroskopet
TROJA: I ruinane av den halvmytologiske trojanarkrigen kan ein, om ein tolererer litt pompøsitet og fiasko, freiste lese si eiga krigerske tid i lys av ei gammal.