Van Gogh har ein dårleg dag
«Solnedgang ved Montmajour», 1888, privat eige.
I 1908 kjøpte ein norsk forretningsmann og kunstsamlar måleriet «Solnedgang ved Montmajour» av van Gogh (1853–1890). Tidleg vart det sådd tvil om bildet var ekte. Typisk for bilde ein fryktar er falske, vart det liggande på eit loft. Mange tiår seinare vart det funne att og sendt til Van Gogh-museet for autentifisering. Rett nok hadde van Gogh budd og arbeidd i Arles 1888–1889. Motivet var også eit karakteristisk landskapsmåleri med attkjennelege trekk frå staden, med ein kornåker og klosterruinar i horisonten. Måleriet vart likevel vurdert som falskt.
Først i 2013 vart det heilomvending. Etter to års undersøkingar slo Van Gogh-museet fast at dette var heil ved. Denne gongen hadde spesialistane teke i bruk nye og avanserte teknikkar for å granske måling og lerret, i tillegg vart det funne eit brev der kunstnaren skildra nettopp dette motivet. Det er særs sjeldan verk av kjende kunstnarar vert funne att. «Solnedgang ved Montmajour» er det første gjenoppdaga måleriet i full storleik av van Goghs verk sidan 1928.
Kvifor vart dette måleriet vurdert som falskt? Kan hende fordi det – til van Gogh å vere – er ganske slapt. I denne perioden skapte han nokre av dei beste verka sine, medan det er noko utolmodig, nærast slurvete over det skildra landskapet. Komposisjonen er tam, penselstrøka har ikkje den same intensiteten som vi ser i til dømes «Arles med irisar», som er måla same året.
Men for kjende kunstnarar vert også måleri frå dårlege dagar høgt verdsette, og bildet har alt vore stilt ut og omtala verda over.
Eva Furseth
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
I 1908 kjøpte ein norsk forretningsmann og kunstsamlar måleriet «Solnedgang ved Montmajour» av van Gogh (1853–1890). Tidleg vart det sådd tvil om bildet var ekte. Typisk for bilde ein fryktar er falske, vart det liggande på eit loft. Mange tiår seinare vart det funne att og sendt til Van Gogh-museet for autentifisering. Rett nok hadde van Gogh budd og arbeidd i Arles 1888–1889. Motivet var også eit karakteristisk landskapsmåleri med attkjennelege trekk frå staden, med ein kornåker og klosterruinar i horisonten. Måleriet vart likevel vurdert som falskt.
Først i 2013 vart det heilomvending. Etter to års undersøkingar slo Van Gogh-museet fast at dette var heil ved. Denne gongen hadde spesialistane teke i bruk nye og avanserte teknikkar for å granske måling og lerret, i tillegg vart det funne eit brev der kunstnaren skildra nettopp dette motivet. Det er særs sjeldan verk av kjende kunstnarar vert funne att. «Solnedgang ved Montmajour» er det første gjenoppdaga måleriet i full storleik av van Goghs verk sidan 1928.
Kvifor vart dette måleriet vurdert som falskt? Kan hende fordi det – til van Gogh å vere – er ganske slapt. I denne perioden skapte han nokre av dei beste verka sine, medan det er noko utolmodig, nærast slurvete over det skildra landskapet. Komposisjonen er tam, penselstrøka har ikkje den same intensiteten som vi ser i til dømes «Arles med irisar», som er måla same året.
Men for kjende kunstnarar vert også måleri frå dårlege dagar høgt verdsette, og bildet har alt vore stilt ut og omtala verda over.
Eva Furseth
Fleire artiklar
Gjengkrim – ein varsla katastrofe
Det går knapt ein dag utan grove valdshendingar i Oslo. Bak står gjengar og mektige kriminelle nettverk som har vakse fram dei siste ti åra.
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
For Balázs Orbán, som er politisk rådgjevar for statsministeren, er jobben å halda fast ved dei langsiktige måla til regjeringa mellom alle dei mindre og større oppgåvene i kvardagen.
Foto frå heimesida til Orbán Balázs i regjeringa
Verda ifølgje Orbán
BUDAPEST: I ei ny bok fortel ideologen til Viktor Orbán korleis Ungarn vil utfordra den liberale verdsordninga. Weekendavisen har møtt han.
29 år gamle Jordan Bardella leier det franske høgrepopulistiske partiet Rassemblement National – som omsett til norsk vert Nasjonal samling. Det ligg an til å verte det største partiet i Frankrike ved EU-valet om ein månad. Biletet er frå eit valkampmøte i Perpignan, sør i Frankrike, 1. mai.
Foto: Manon Cruz / Reuters
Eit Europa i mørkare blått
Partia ytst til høgre ligg an til å styrkje stillinga si i Europaparlamentet ved valet om ein månad. Men dei kjem ikkje til å få stor politisk makt, ifølgje diplomat og forskar Sverre Jervell.
Elin Eika Bringa debuterer som romanforfattar.
Foto: Christopher Helberg / Bonnier Forlag
Utan eit eige rom
Elin Eika Bringa skriv seg inn i dei siste dagane i eit liv i romanen Snart er eg natt.