Artica in residence

QSPA, Oslo

16. mars–14. mai

Stiftinga Artica Svalbard vart grunnlagd i 2016 og har etablert eit gjestekunstnarprogram der norske og internasjonale kunstnarar kan arbeide tre–ni månader på Svalbard. Utstillinga viser eit tverrsnitt av grafiske arbeid som er laga under kunstnaropphald sidan oppstarten. Utstillinga legg vekt på å synleggjere kunstnarlege prosessar, med større vekt på utforsking enn på ferdige verk.

Yaniya Mikhalina, Søsterløs

Trondheim kunstmuseum

11. mars–24. april

Museet viser fire videoverk som tek føre seg forholdet mellom psykisk uhelse og samtidige politiske hendingar så vel som konsekvensar av den postsovjetiske utdrivinga.

Stillbilde frå eit av Mikhalinas videoverk.

28% og Gába

Nordnorsk kunstmuseum, Tromsø

18. mars–12. februar 2024

Berre 28 prosent av samlinga til museet er laga av kvinner. I den historiske delen står det endå dårlegare til. Utstillinga synleggjer dette med å berre vise verk av kvinner i 28 prosent av arealet – resten står tomt. Parallelt presenterer Gába verk av 37 kvinner med røter i Sápmi. Kunstnarane nyttar daglegdagse, lokale materiale. Teknikkane har vore overleverte gjennom generasjonar, men i dag er det knapt nokon som kan dei.

Cici Wu med inviterte kunstnarar

Hordaland kunstsenter, Bergen

Fram til 7. mai

I taket heng ei bru laga av bambus og papir laga av Cici Wu. Ho vaks opp i Hongkong og har base i New York. Saman med sju kollegaer inviterer ho til ei mangfelt visning med tema som spenner frå propagandaverksemd og vald til ei romantisk tilnærming til språk.

Josefine L. Hersel. FLUX

11. mars–16. april

Bomuldsfabriken Kunsthall, Arendal

Cotton Club er visningsstaden for unge ved Bomuldsfabriken. Her har syttenåringen Josefine L. Hersel imponerande nok ei heil separatutstilling. I dei figurative måleria smeltar draumar saman med røyndom på leikent, ofte urovekkande vis.

Utstillingsplakaten FLUX