Karianne Stensland. KS/KS

Møre og Romsdal kunstsenter, Molde

20. oktober–20. november

Karianne Stensland set fokus på den tyske eksperimentelle kunstnaren Kurt Schwitters, som budde på Hjertøya utanfor Molde på 1930-talet. Her måla og selde han landskapsmåleri for å få endane til å møtast, og Stensland har intervjua folk i traktene som eig desse bilda i dag. I tillegg viser Stensland teikning og skulptur.

Gustav Heinrich Naecke, «Ganymedes med Jupiters ørn», 1805.

Foto: Dag Fosse/KODE

Det skeive blikket

Kode 4, Bergen

1. april–31. desember

Kode har henta fram 160 verk frå antikken til i dag frå samlinga si. Temaa spenner frå camp-estetikk, cruising-kultur og greske mytar til peparmøykulturen på 1800-talet.

23. september opna i tillegg ei ny avdeling med tolv inviterte samtidskunstnarar: «Det skeive blikket vol. II».

Tori Wrånes. Ældgammel Baby

Lillehammer kunstmuseum

1. november–30. desember

Med eit spektakulært femkanals videoverk inviterer samtidskunstnar Tori Wrånes – kledd i særprega kostyme og med stemma som eit kraftfullt instrument – oss inn i eit forunderleg og draumeaktig univers. Videoinstallasjonen minner om troll frå norske eventyr, men peikar samtidig på at kvart einaste menneske har behov for eit rom for eigne fantasiar, tankespinn og draumar.

Kay Arne Kirkebø

Sogn og Fjordane Kunstmuseum, Førde

21. oktober–19. februar

Med teikningar med blyant og tusj, animasjon og eksperimentell skulpturell teikning vekkjer Kay Arne Kirkebø til live ei verd der byen og urbant liv dominerer. Referansar til arkitektur som hyller betongen som materiale, automatikk og datamaskinar, blir knadde saman til eit futuristisk bylandskap.

«Den åpnede kvinnen», Firenze.

Morten Krogvold. Tidsreiser

Khåk, Ålesund

27. oktober–27. november

«Tidsreiser» omfattar mørkeromsoriginalar som er framkalla av kunstnaren sjølv, og digitale fototrykk, eldre fotografi tekne verda over i tillegg til nye portrett av kunstnarkollegar og andre kulturpersonar.