Tina Mareen Buddeberg. Minneutstilling

Kunstbank Hamar

20. august­–9. oktober

Skulptur, teikning, video og kunstbøker av Tina Mareen Buddeberg (1958–2020). Kunstnaren vaks opp i München og flytta til Noreg som vaksen. Ho er særleg kjend for Drømmedalen Kunstgård, som ho etablerte i fjellbygda Sollia søraust for Rondane.

Gruppeutstilling

Galleri Kulviksvingen, Selbu

1.–17. september

Gruppeutstilling med trondheimskunstnarane Torhild Aukan, Per Formo, Barbro Tiller og Nirmal Dhunsi. Alle fire har vore med i Lademoen Kunstnerverksteder frå etableringa i 1993. Det vert utstilt akrylmåleri på lerret og plate, foto og grafiske trykk laga i teknikkane silketrykk, digitaltrykk og cyanotypi.

Paul P. Early Skirmishes

Hordaland Kunstsenter, Bergen

27. august–9. oktober

Den kanadiske målaren Paul P. utforskar tema som venleik, identitet og kjønn gjennom kunsten sin. Her møter vi stemningsfulle tusjteikningar prega av underliggande symbolikk, mellom anna vert flaggermusa ein allegori over homoseksuelle haldningar. Her er også ein serie portrettmåleri som viser til Stonewall-opprøret i 1969, som markerte starten på den moderne LHBT-kampen.

Girl Meets Girl

Vestfossen Kunstlaboratorium

7. mai–25. september

Gruppeutstilling med 25 kvinnelege kunstnarar frå inn- og utland. Utstillinga kastar kritisk lys over at menn framleis vert favoriserte på kunstscena.

Made of Stone

Bodø kunstforening

3. september–16. oktober

Made of Stone er eit samarbeidsprosjekt mellom Skade Henriksen og Annelen Røe. Begge har laga verk som problematiserer gruvedrifta i nord. Røe synleggjer dei langvarige ringverknadene den tidlegare gruvedrifta ved Sulitjelma har pa° både miljø og menneske. Henriksen fokuserer pa° ei gruve i Senja som framleis er i full drift og har planlagt uttak hele 60 år fram i tid.