Gjennom tronge, beksvarte korridorar
Foto: Birgit Kvamme Lundheim
Vi møtte opp ved ein diskret sideinngang ved Nidarosdomen ein tidleg morgon. Vi hadde sett på vêrmeldinga og avtalt fleire datoar og avlyst, men no lukkast det. For det vi skulle sjå no, måtte sjåast i det heilt rette lyset. Det måtte vere ein tidleg vårmorgon, og det skulle vere klårvêr.
Endeleg smaug vi taust opp dei smale trappene som snor seg oppover veggane i det komplekse gotiske bygget, og pressa oss gjennom tronge passasjar mot nord i tverrskipet i den eldste delen av kyrkja. Så kom vi til døra, nøkkelen vart famla inn i låsen. Men det same vi steig inn i det vesle Mariakapellet, vart vi bada i klåre, vakre fargar frå dei langstrekte glasmåleria i aust. Kapellet er utsmykka av Oddmund Kristiansen i 1979, ein pioner innan det moderne glasmåleriet. Han fekk overtydd utsmykkingskomiteen om at det også måtte vere rom for abstrakt kunst i nasjonalheilagdomen. Og resultatet vart eit stemningsfullt verk med ein fargeprakt som ein sjeldan ser. Kristiansen var oppteken av optiske fenomen og sette saman fargefelta slik at dei bivrar mot oss som hildringar.
Snart oppdaga vi at ansikt og gjenstandar var fletta inn i dei geometriske komposisjonane, akkurat nok figurasjon til at vi kunne nøste opp soger frå norrøne Maria-legender. Såleis dannar bilda på elegant vis band mellom moderne tid og mellomalderen.
Vi vart ståande lenge, gledde oss over måten solstrålane funkla gjennom mosaikkane. Det var verdt alt strevet. Kan hende gjorde også dette eksklusive med opplevinga henne ekstra sterk? At vi venta til tilhøva var heilt optimale, før vi besøkte kunstverket?
Eva Furseth
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Vi møtte opp ved ein diskret sideinngang ved Nidarosdomen ein tidleg morgon. Vi hadde sett på vêrmeldinga og avtalt fleire datoar og avlyst, men no lukkast det. For det vi skulle sjå no, måtte sjåast i det heilt rette lyset. Det måtte vere ein tidleg vårmorgon, og det skulle vere klårvêr.
Endeleg smaug vi taust opp dei smale trappene som snor seg oppover veggane i det komplekse gotiske bygget, og pressa oss gjennom tronge passasjar mot nord i tverrskipet i den eldste delen av kyrkja. Så kom vi til døra, nøkkelen vart famla inn i låsen. Men det same vi steig inn i det vesle Mariakapellet, vart vi bada i klåre, vakre fargar frå dei langstrekte glasmåleria i aust. Kapellet er utsmykka av Oddmund Kristiansen i 1979, ein pioner innan det moderne glasmåleriet. Han fekk overtydd utsmykkingskomiteen om at det også måtte vere rom for abstrakt kunst i nasjonalheilagdomen. Og resultatet vart eit stemningsfullt verk med ein fargeprakt som ein sjeldan ser. Kristiansen var oppteken av optiske fenomen og sette saman fargefelta slik at dei bivrar mot oss som hildringar.
Snart oppdaga vi at ansikt og gjenstandar var fletta inn i dei geometriske komposisjonane, akkurat nok figurasjon til at vi kunne nøste opp soger frå norrøne Maria-legender. Såleis dannar bilda på elegant vis band mellom moderne tid og mellomalderen.
Vi vart ståande lenge, gledde oss over måten solstrålane funkla gjennom mosaikkane. Det var verdt alt strevet. Kan hende gjorde også dette eksklusive med opplevinga henne ekstra sterk? At vi venta til tilhøva var heilt optimale, før vi besøkte kunstverket?
Eva Furseth
Fleire artiklar
Jeffrey Wright spelar rolla som forfattaren Thelonious «Monk» Ellison.
Foto: Prime Video
Moro for middelklassen
Den er ikkje tung på labben, American Fiction, som gjer det veldig lett å le.
Gjengkrim – ein varsla katastrofe
Det går knapt ein dag utan grove valdshendingar i Oslo. Bak står gjengar og mektige kriminelle nettverk som har vakse fram dei siste ti åra.
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
For Balázs Orbán, som er politisk rådgjevar for statsministeren, er jobben å halda fast ved dei langsiktige måla til regjeringa mellom alle dei mindre og større oppgåvene i kvardagen.
Foto frå heimesida til Orbán Balázs i regjeringa
Verda ifølgje Orbán
BUDAPEST: I ei ny bok fortel ideologen til Viktor Orbán korleis Ungarn vil utfordra den liberale verdsordninga. Weekendavisen har møtt han.
29 år gamle Jordan Bardella leier det franske høgrepopulistiske partiet Rassemblement National – som omsett til norsk vert Nasjonal samling. Det ligg an til å verte det største partiet i Frankrike ved EU-valet om ein månad. Biletet er frå eit valkampmøte i Perpignan, sør i Frankrike, 1. mai.
Foto: Manon Cruz / Reuters
Eit Europa i mørkare blått
Partia ytst til høgre ligg an til å styrkje stillinga si i Europaparlamentet ved valet om ein månad. Men dei kjem ikkje til å få stor politisk makt, ifølgje diplomat og forskar Sverre Jervell.