Ein skulptur vert til
Utsnitt av skulpturen som Ola Stavseng lagar.
Foto: Frank Furseth
Ved fjorden i Geiranger skal det reisast ei skulpturgruppe over menneska som gjennom fleire hundre år vann levebrødet sitt ut av dei bratte fjellskrentane. Sterke, høgreiste skal dei stå i snø og is gjennom vinteren og omgjevne av turistar i dei hektiske, korte sommarmånadene.
Gruppa vert i desse dagar arbeidd fram i eit digert nedlagt fabrikklokale i Stordal på Sunnmøre. Kunstnaren er stordalingen Ola Stavseng. Det er mektig å få vere vitne til den lange og særs kompliserte prosessen fram til verket står klart i bronse. På veggane heng svære teikningar som viser korleis skulpturane er planlagde, teikna frå mange vinklar.
På borda, mellom meislar og spatlar ligg gipsfragment, ei kvinnehand, delar av eit barneansikt, skisser og fotografi. På eit podium står eit slankt reisverk i metall. Dei kraftige metallstengene er bøygde i form, snart skal dei dekkast med leire, formast til ein slåttekar med langorv, så høg at kunstnaren må stå på ein krakk for å kome til. Når leirfiguren er ferdig, må han haldast fuktig før han vert overført til gips. Dette er ein kompleks prosess der leirfiguren vert øydelagd og ein står att med ein original i gips.
Inne i atelieret i Stordal står også ei skulpturgruppe med kvinne og barn. Figurane er alt støypte i gips. Kunstnaren arbeider vidare i gipsen og klargjer arbeidet for ein ny transformasjon, til bronse. Støypeprosessane vert utførte på ein verkstad i Oslo, så figurane må pakkast godt for transport.
Her vert gipsfigurane skorne i delar og støypte kvar for seg gjennom ein kompleks prosess. Til slutt vert delane sveisa saman og overflata reinsa.
Endeleg står skulpturen føre oss i dette materialet som er hardført mot vêr og vind, og han står like vakkert gjennom fleire hundre år.
Eva Furseth
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Ved fjorden i Geiranger skal det reisast ei skulpturgruppe over menneska som gjennom fleire hundre år vann levebrødet sitt ut av dei bratte fjellskrentane. Sterke, høgreiste skal dei stå i snø og is gjennom vinteren og omgjevne av turistar i dei hektiske, korte sommarmånadene.
Gruppa vert i desse dagar arbeidd fram i eit digert nedlagt fabrikklokale i Stordal på Sunnmøre. Kunstnaren er stordalingen Ola Stavseng. Det er mektig å få vere vitne til den lange og særs kompliserte prosessen fram til verket står klart i bronse. På veggane heng svære teikningar som viser korleis skulpturane er planlagde, teikna frå mange vinklar.
På borda, mellom meislar og spatlar ligg gipsfragment, ei kvinnehand, delar av eit barneansikt, skisser og fotografi. På eit podium står eit slankt reisverk i metall. Dei kraftige metallstengene er bøygde i form, snart skal dei dekkast med leire, formast til ein slåttekar med langorv, så høg at kunstnaren må stå på ein krakk for å kome til. Når leirfiguren er ferdig, må han haldast fuktig før han vert overført til gips. Dette er ein kompleks prosess der leirfiguren vert øydelagd og ein står att med ein original i gips.
Inne i atelieret i Stordal står også ei skulpturgruppe med kvinne og barn. Figurane er alt støypte i gips. Kunstnaren arbeider vidare i gipsen og klargjer arbeidet for ein ny transformasjon, til bronse. Støypeprosessane vert utførte på ein verkstad i Oslo, så figurane må pakkast godt for transport.
Her vert gipsfigurane skorne i delar og støypte kvar for seg gjennom ein kompleks prosess. Til slutt vert delane sveisa saman og overflata reinsa.
Endeleg står skulpturen føre oss i dette materialet som er hardført mot vêr og vind, og han står like vakkert gjennom fleire hundre år.
Eva Furseth
Fleire artiklar
Jeffrey Wright spelar rolla som forfattaren Thelonious «Monk» Ellison.
Foto: Prime Video
Moro for middelklassen
Den er ikkje tung på labben, American Fiction, som gjer det veldig lett å le.
Gjengkrim – ein varsla katastrofe
Det går knapt ein dag utan grove valdshendingar i Oslo. Bak står gjengar og mektige kriminelle nettverk som har vakse fram dei siste ti åra.
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
For Balázs Orbán, som er politisk rådgjevar for statsministeren, er jobben å halda fast ved dei langsiktige måla til regjeringa mellom alle dei mindre og større oppgåvene i kvardagen.
Foto frå heimesida til Orbán Balázs i regjeringa
Verda ifølgje Orbán
BUDAPEST: I ei ny bok fortel ideologen til Viktor Orbán korleis Ungarn vil utfordra den liberale verdsordninga. Weekendavisen har møtt han.
29 år gamle Jordan Bardella leier det franske høgrepopulistiske partiet Rassemblement National – som omsett til norsk vert Nasjonal samling. Det ligg an til å verte det største partiet i Frankrike ved EU-valet om ein månad. Biletet er frå eit valkampmøte i Perpignan, sør i Frankrike, 1. mai.
Foto: Manon Cruz / Reuters
Eit Europa i mørkare blått
Partia ytst til høgre ligg an til å styrkje stillinga si i Europaparlamentet ved valet om ein månad. Men dei kjem ikkje til å få stor politisk makt, ifølgje diplomat og forskar Sverre Jervell.