KRIMSENSASJON TIL N0REG

Den britiske krimforfattaren Ruth Ware er under utgjeving i 37 land, og neste veke kjem ho til Noreg. Ho fekk gjennombrot med I en mørk, mørk skog. No kjem Kvinnen i lugar 10. Forfattaren har vore på bestseljarlistene både i New York Times og Sunday Times. Filmrettane er selde, og Reese Witherspoon skal spele rolla som reisejournalisten som blir med på luksusreise til dei norske fjordane. Frå lugarvindauget ser ho ein person bli kasta over bord. Det blir slått alarm, men ingen finn henne.

SAKNA WHITMAN-ROMAN FUNNEN

Romanen The Life and Adventures of Jack Engle har blitt oppdaga i den Manhattan-baserte avisa Sunday Dispatch og er no publisert fritt online i Walt Whitman Quarterly Review.

Redaktør Ed Folsom seier oppdaginga vil endre alt som til no er kjent om den tidlege karrieren til forfattaren. Omfanget av Whitmans prosa har vore ukjend. Den Whitman vi ser i Jack Engle, er ikkje den poeten vi alltid har trudd at han er. Walt Whitman levde frå 1819 til 1882.

BIOGRAFI Om ANGELA CARTER

Edmund Gordons bok A Biography er ein biografi om den feministiske britiske forfattaren Angela Carter (1940–92). Ho likte å gjere inntrykk og kledde seg deretter, skriv New York Times, om forfattaren som vart fødd Angela Olive Stalker og voks opp i London med ein far som var journalist.

Den første romanen som kom i 1966, heitte Shadow Dance. Ho reiste til Japan og gav ut romanen The Sadeian Woman. Då ho vende attende til London, vart ho ven med Salman Rushdie og Ian McEwan.

roald@dagogtid.no