Musikk
Kraft og ynde
Open Secret er ei fin trioplate med utfordringar til lyttaren.
Olga Konkova har gjeve ut ny plate med den faste trioen sin.
Foto: Aronas Photo
Olga Konkova er attende på Losen Records med den faste trioen sin og eit dusin nye låtar etter liveinnspeling på tyske Dreyer Gaido i fjor. Trioen var hjå Vidar Lunden på Musikkloftet i Asker dagen etter at Noreg koronastengde.
Låtmaterialet sveiper innom ulike sjangrar, tempi og uttrykk, men Konkova har eit spesielt varmt hjarte for det mollstemte. Ho nyttar pausar effektivt i «Discovering The Truth», og det gjev låten eit sterkt meditativt preg.
Pianostilen hennar er ein kombinasjon av kraft og ynde. Det er ein sjølvtrygg klarleik i spelet, og ho blir ofte dregen mot den lægre delen av registeret, noko som stundom gjev uttrykket eit dystert preg.
Elpianoet nyttar ho i hovudsak til å fargeleggja. Det er gjort på elegant vis i den raske «Grande Capitano». Her viser også Konkova temperament i pianokoret, noko ho kunne ha varta opp med oftare på plata. Dialogen med Husband på slutten av låten er også eit høgdepunkt på plata.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
