Klangen av Austerland

Belgiske Philippe Herreweghe, som i 1970 stifta Collegium Vocale Gent, er ein grand old man innan Bach-tolking, med eit utal innspelingar av kyrkjekantatane. I Noreg hugsar somme han som Stavanger Symfoniorkesters sjefdirigent for tidlegmusikk på byrjinga av 2000-talet. Konserten hans i Thomaskyrkja, Bachs arbeidsstad gjennom 27 år, var ei oppleving utanom det vanlege.

Dei fire yndlingskantatane hans frå Bachs fyrste kantateårgang inkluderte òg ein av mine favorittar: Sie werden alle aus Saba kommen (Dei kjem alle frå Saba), BWV 65, eit rikt instrumentert verk som – i tillegg til songsolistar, blandakor og strykarar – krev to horn, to blokkfløyter og to oboar da caccia. Den sistnemnde instrumenttypen (ordrett: «jaktobo») blei oppfunnen i Leipzig i 1720-åra og var ofte brukt av Bach. Den mørke, fyldige obotonen, toppa av skimrande blokkfløyter og staselege støyt frå horna – dette gjev kantaten ein særeigen eksotisk klang. Bach ville her openbert ha noko som høvde til soga han tonesette, nemleg den om «vismennene frå Austerland» som hylla Jesusbarnet.

Er du abonnent? Logg på for å lese vidare

Digital tilgang – heilt utan binding

Prøv ein månad for kr 49.
Deretter kr 199 per månad. Stopp når du vil.

E-postadressa di

Eg godtek vilkåra

Eller kjøp eit anna abonnement

Er du abonnent? Logg på for å lese vidare