Film
Fine, glade, forelska gutemenn
Ja takk til oppløftande filmar om skeive ungdomar som ikkje får bank på grunn av hjartebank.
Marius De Saeger og Lou Goossens spelar hovudrollene som høvesvis Alexander og Elias.
Foto: Another World Entertainment
Då fjortis Elias (Goossens) får ein ny nabo, Alexander (de Saeger) får han nye, forvirrande kjensler. Elias har jentekjæraste, men den forelskinga han høyrer så mykje om, passar dårleg med det han føler for henne.
Korleis vil den sjølvopptekne smørsongarfaren (Van Rampelberg) og den trauste bondebestefaren og resten av familien og venene reagera viss han torer å innrømma kva han kjenner for Alexander?
Frå dagboka
Eg hugsar ikkje heilt kva tid eg forelska meg for fyrste gong, men eg veit i alle fall at eg var forelska då eg var sju. Fyrste gong eg visste eg ville klina med nokon, var eg tretten. Fyrste gong eg fekk meg kjæraste på ekte, var eg fjorten. Aldri lurte eg på kva folk måtte meina om valet av kjæraste. Og kvifor skulle eg det – eg likte gutar.
Filmar, bøker og songar var fulle av skildringar om gut + jente = sant. Då veninna mi fortalde at ho likte jenter, var ho sytten–atten år. Det er nesten heile ungdomstida utan å få vera «normal».
Det beste med Young Hearts er korleis filmen viser uproblematisk homofil, ung kjærleik. Det problematiske er at mange framleis ikkje fortel om legninga si før dei er nettopp sytten–atten. Dermed kjennest filmen nesten litt i overkant feelgood. Men eg tek gjerne ein optimistisk vri, sidan slike bli-vaksen-filmar tenderer mot det brutale motstykket.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
