Sterkare kost(yme)
Forteljinga om Emily Brontë er ikkje heilt etter oppskrifta, og smakar kanskje difor endå betre.
Emily (Emma Mackey) forelskar seg i den nye kappellanen William, spelt av Oliver Jackson-Cohen.
Foto: Ymer Media
Drama
Regi: Frances
O’Connor
Emily
Med: Emma Mackey, Oliver Jackson-Cohen, Fionn
Whitehead
Kinofilm
Yorkshire, kring 1840: Unge Emily (Mackey) bur saman med systrene og faren på prestegarden då den nye kapellanen William (Jackson-Cohen) kjem og talar om regn og Gud. I staden for å reisa til lærarstudium i storbyen blir den sky, introverte Emily verande på landsbygda og finn snart ut at William kan meir enn berre å preika.
Jane og Emma
Alt frå starten skjønar ein at Emily ikkje er nok eit kostymedrama laga for å tekkast eit underleg altetande publikum, og det mest i øyrefallande er musikken. Strykarane får selskap av underleg, kul korsong som ikkje bryt med det grøne Yorkshire-landskapet med åsar, men understrekar at her er det fleire dimensjonar i vente.
Den vakre, unge kvinna med det mørke håret glir ikkje berre formålslaust gjennom det bølgande graset som ei typisk heltinne av denne sorten. Men så er det likevel akkurat det ho er, berre hakket meir kompromisslaus, og det gjer at filmen nok vil appellera til den store Jane Austen-foreininga.
Ingenting gale med det! Me snakkar trass alt om forfattarane av ein av dei aller største litterære suksessane som ikkje var ført i pennen av Jane Austen. Noka sannferdig historie om det korte livet til den vidkjende forfattaren har ikkje regissør Frances O’Connor påstått at ho har laga, men basert på Stormfulle høgder kan ein kanskje gå ut frå at det til tider storma, i alle fall i det indre livet til Emily Brontë.
Uhistorisk
Ein biografisk film vil alltid lena seg tungt på hovudrolleinnehavaren. Bra er det då at det er Emma Mackey som tolkar Emily. Ho maktar å gje djupn, register og kompleksitet som er forfriskande å sjå i ein slik type film. Dette er regidebuten til skodespelaren Frances O’Connor, så at rolletolking sit langt framme, er neppe tilfeldig. At ho er god på manus, kan vel også ha samanheng med erfaring framfor kamera.
Uansett vil eg seia at kombinasjonen av sterkt manus, knall skodespel, spenstig kameraføring og endå meir spenstig lydspor gjer at Emily klarar kunststykket å heva seg frå eit av mange periodedrama til eit av få verkeleg underhaldande. At det er så lite historisk korrekt i sjølve forteljinga, dreg det sjølvsagt ned for min del, som ikkje er glad i at tuklinga med fakta vert gjort medvite.
Eg lèt meg trass i dette imponera og underhalda. At romansen mellom Emily og kapellanen mest sannsynleg ikkje har skjedd, treng me jo ikkje vektlegga, all den tid me veit at dei kjende kvarandre. Ingen fantasi, ingen Heathcliff, ingen Kate Bush-hit – av og til treng ein nokre dosar kjærleik i koleraens tid.
Brit Aksnes
Brit Aksnes er skribent, programskapar, kulturarbeidar og fast filmmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Drama
Regi: Frances
O’Connor
Emily
Med: Emma Mackey, Oliver Jackson-Cohen, Fionn
Whitehead
Kinofilm
Yorkshire, kring 1840: Unge Emily (Mackey) bur saman med systrene og faren på prestegarden då den nye kapellanen William (Jackson-Cohen) kjem og talar om regn og Gud. I staden for å reisa til lærarstudium i storbyen blir den sky, introverte Emily verande på landsbygda og finn snart ut at William kan meir enn berre å preika.
Jane og Emma
Alt frå starten skjønar ein at Emily ikkje er nok eit kostymedrama laga for å tekkast eit underleg altetande publikum, og det mest i øyrefallande er musikken. Strykarane får selskap av underleg, kul korsong som ikkje bryt med det grøne Yorkshire-landskapet med åsar, men understrekar at her er det fleire dimensjonar i vente.
Den vakre, unge kvinna med det mørke håret glir ikkje berre formålslaust gjennom det bølgande graset som ei typisk heltinne av denne sorten. Men så er det likevel akkurat det ho er, berre hakket meir kompromisslaus, og det gjer at filmen nok vil appellera til den store Jane Austen-foreininga.
Ingenting gale med det! Me snakkar trass alt om forfattarane av ein av dei aller største litterære suksessane som ikkje var ført i pennen av Jane Austen. Noka sannferdig historie om det korte livet til den vidkjende forfattaren har ikkje regissør Frances O’Connor påstått at ho har laga, men basert på Stormfulle høgder kan ein kanskje gå ut frå at det til tider storma, i alle fall i det indre livet til Emily Brontë.
Uhistorisk
Ein biografisk film vil alltid lena seg tungt på hovudrolleinnehavaren. Bra er det då at det er Emma Mackey som tolkar Emily. Ho maktar å gje djupn, register og kompleksitet som er forfriskande å sjå i ein slik type film. Dette er regidebuten til skodespelaren Frances O’Connor, så at rolletolking sit langt framme, er neppe tilfeldig. At ho er god på manus, kan vel også ha samanheng med erfaring framfor kamera.
Uansett vil eg seia at kombinasjonen av sterkt manus, knall skodespel, spenstig kameraføring og endå meir spenstig lydspor gjer at Emily klarar kunststykket å heva seg frå eit av mange periodedrama til eit av få verkeleg underhaldande. At det er så lite historisk korrekt i sjølve forteljinga, dreg det sjølvsagt ned for min del, som ikkje er glad i at tuklinga med fakta vert gjort medvite.
Eg lèt meg trass i dette imponera og underhalda. At romansen mellom Emily og kapellanen mest sannsynleg ikkje har skjedd, treng me jo ikkje vektlegga, all den tid me veit at dei kjende kvarandre. Ingen fantasi, ingen Heathcliff, ingen Kate Bush-hit – av og til treng ein nokre dosar kjærleik i koleraens tid.
Brit Aksnes
Brit Aksnes er skribent, programskapar, kulturarbeidar og fast filmmeldar i Dag og Tid.
Fleire artiklar
Det oppstår misvisande biletet av at covid-19 forårsakar Alzheimer, meiner Preben Aavitsland ve FHI.
Foto: Erik Johansen / NTB
Meir om seinfølgjer
Den årlege rapporten FHI har publisert, syner at dødeligheita blant personar under 40 år har vore nokså stabil sidan 2015.
Gukesh kan verta den klart yngste verdsmeisteren i historia. Carlsen var nesten fem år eldre då han vann kandidatturneringa og vart verdsmeister i 2013.
Foto: Maria Jemeljanova / Fide
«Sjølv har eg heller aldri sett ein så mogen 17-åring, korkje på eller utanfor sjakkbrettet.»
Line Eldring har leidd utvalet som tilrår at Noreg både bør vidareføre og utvide samarbeidet med EU på nye område framover. Ho la nyleg fram utgreiinga «Norge og EØS: Utviklinger og erfaringer» for utanriksminister Espen Barth Eide.
Foto: Terje Pedersen / NTB
Veksande fjernstyre
Tilknytinga vår til EU veks og veks, både gjennom EØS-avtalen og utanfor, ifølgje ei ny utgreiing. Og det er få som kjenner heilskapen.
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Ludmila Shabelnyk syner bilete av sonen Ivan i landsbyen Kapitolivka ved Izium i Ukraina, 25. september 2022. Russiske okkupasjonsstyrkar mishandla Ivan grovt før dei drap han. Landsbyen vart seinare gjenerobra av ukrainske styrkar.
Foto: Evgeniy Maloletka / AP / NTB
Overgrep som skakar folkeretten
Okkupasjonsmakta Russland viser ingen respekt for konvensjonen som skal verne sivile i krig.