Film
Sakn og sinne
Hlynur Pálmason er i øvste sjiktet av framifrå filmskaparar frå Island.
Ingvar Sigurdsson spelar hovudrolla i filmen som er Islands kandidat til Oscar for beste internasjonale film i 2020.
Foto: Mer Filmdistribusjon
En hvit, hvit dag byrjar med ein biltur i tåke, før vi ser ei mengd tablå av eit hus gjennom årstider. Der spikrar Ingimundur (Sigurdsson), ein sørgjande politimann i permisjon etter at kona er død. Han har heldigvis ofte kjekt selskap i barnebarnet Salka (Hlynsdóttir), men med mistanke om at kona var utru, spinn sinnet mot hemntankar.
Kraft i kamera
Det glisne staden er vêrhard og vakker, men kameraet lèt lett ein betongvegg fylle lerretet med tung stemning medan nokon nemner utsikten. Poetiske tablå av ting og tang speglar mannens minne. Bruk av skjermar og bilvindauge kan sjå til Abbas Kiarostami, men det grunnleggande, menneskelege dramaet slektar meir på Asghar Farhadi, med innbiten islandsk intensitet. Ofte kjem vi tett på andletet til Ingvar Sigurdsson i hovudrolla. Han er eksepsjonelt ekspressiv med få fakter. Unge Ída Mekkín Hlynsdóttir er òg heilstøypt. Dei har frisk dynamikk.
Crescendo
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
