Røyndomsnær
animasjon
Tårnet grip for vidt, men har varme og håp.
I flyktningleiren må dei bygge oppover.
Animasjon
Regi: Mats Grorud
Tårnet
Produsent: Frode Søbstad
Animasjon smeltar saman med både røyndom og fiksjon i Tårnet, ei forteljing frå den palestinske flyktningleiren Burj el Barajneh i Libanon. Nordmannen Mats Grorud budde eitt år i leiren og har basert filmen på intervju med palestinske flyktningar og Dina Matars intervjubok What It Means to be Palestinian. Filmtittelen speler på den særeigne tårnliknande arkitekturen i leiren. På grunn av plassmangel må kvar generasjon byggje i høgda. Slik ser ein neste generasjon bokstaveleg talt vekse opp(over).
Katastrofen
Tårnet har blitt ei litt for ufokusert krønike om liva – og historiene – i ein av generasjonsbustadene. Hovudpersonen i filmen er elleve år gamle Wardi, som i starten er uvitande om lagnaden til Palestina. Men éin dag er det store demonstasjonar i leiren, og eit par gutar blir sende til sjukehus: Det er 15. mai, dagen som på arabisk blir kalla al-Nakba – katastrofen. Den døyande oldefaren Sidi begynner å fortelje 11-åringen om dagen han og familien vart tvinga ut av Galilea i samband med opprettinga av staten Israel. Her startar forteljinga å veksle mellom notid og fortid, eit grep Grorud har løyst på finurleg vis: Notida er i dokkeanimasjon, fortida har teikna animasjon.
Draumen
Tårnet har blitt samanlikninga med Vals med Bashir, den sterke dokumentaraktige animasjonsskildringa om dei gløymde minna til ein soldat frå Libanon-krigen i 1982. Grorud har òg eit tilbakeblikk til 1982 i ei hjarteskjerande scene, men ønsket om å fortelje i lange liner, gjer også at Grorud gaper over mykje. Paradoksalt nok gjer det at han ikkje grip djupt nok inn i materien. Der Vals med Bashir er konkret og spesifikk, er Tårnet vag og uklar: Grorud vil både skilje livsvilkåra til eksilpalestinarane her og no – og fortelje om fortida. Det gjer at (hovud)plottet går på tomgang i periodar.
Grorud reddar seg likevel inn med ei varm og øm skildring av relasjonen mellom Wardi og Sidi, den emosjonelle kjernen – og klimakset – i filmen. Trass i at Tårnet manglar den forteljartekniske bravuren til Vals med Bashir, er dette ein kjenslevar og humanistisk film for både store og små, som ber i seg ein kime av håp: draumen om ein dag å få vende heim.
Sondre Åkervik
Sondre Åkervik er frilans kulturjournalist og fast filmmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Animasjon
Regi: Mats Grorud
Tårnet
Produsent: Frode Søbstad
Animasjon smeltar saman med både røyndom og fiksjon i Tårnet, ei forteljing frå den palestinske flyktningleiren Burj el Barajneh i Libanon. Nordmannen Mats Grorud budde eitt år i leiren og har basert filmen på intervju med palestinske flyktningar og Dina Matars intervjubok What It Means to be Palestinian. Filmtittelen speler på den særeigne tårnliknande arkitekturen i leiren. På grunn av plassmangel må kvar generasjon byggje i høgda. Slik ser ein neste generasjon bokstaveleg talt vekse opp(over).
Katastrofen
Tårnet har blitt ei litt for ufokusert krønike om liva – og historiene – i ein av generasjonsbustadene. Hovudpersonen i filmen er elleve år gamle Wardi, som i starten er uvitande om lagnaden til Palestina. Men éin dag er det store demonstasjonar i leiren, og eit par gutar blir sende til sjukehus: Det er 15. mai, dagen som på arabisk blir kalla al-Nakba – katastrofen. Den døyande oldefaren Sidi begynner å fortelje 11-åringen om dagen han og familien vart tvinga ut av Galilea i samband med opprettinga av staten Israel. Her startar forteljinga å veksle mellom notid og fortid, eit grep Grorud har løyst på finurleg vis: Notida er i dokkeanimasjon, fortida har teikna animasjon.
Draumen
Tårnet har blitt samanlikninga med Vals med Bashir, den sterke dokumentaraktige animasjonsskildringa om dei gløymde minna til ein soldat frå Libanon-krigen i 1982. Grorud har òg eit tilbakeblikk til 1982 i ei hjarteskjerande scene, men ønsket om å fortelje i lange liner, gjer også at Grorud gaper over mykje. Paradoksalt nok gjer det at han ikkje grip djupt nok inn i materien. Der Vals med Bashir er konkret og spesifikk, er Tårnet vag og uklar: Grorud vil både skilje livsvilkåra til eksilpalestinarane her og no – og fortelje om fortida. Det gjer at (hovud)plottet går på tomgang i periodar.
Grorud reddar seg likevel inn med ei varm og øm skildring av relasjonen mellom Wardi og Sidi, den emosjonelle kjernen – og klimakset – i filmen. Trass i at Tårnet manglar den forteljartekniske bravuren til Vals med Bashir, er dette ein kjenslevar og humanistisk film for både store og små, som ber i seg ein kime av håp: draumen om ein dag å få vende heim.
Sondre Åkervik
Sondre Åkervik er frilans kulturjournalist og fast filmmeldar i Dag og Tid.
Der Vals med Bashir er konkret og spesifikk, er Tårnet for vag og uklar.
Sondre Åkervik
Fleire artiklar
Foto: Terje Pedersen / NTB
Tendensiøs statistikk om senfølger
Myndighetene må anerkjenne at senfølger eksisterer og utgjør et samfunnsproblem.
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.