Livstreet
Ei einaste eik er til glede for store og små i røynda og på kino.
Dyreliv ved eiketreet.
Foto: Storytelling
Dokumentar / familiefilm / naturfilm
Regi: Michel Seydoux og Laurent Charbonnier
Eiketreet og dyrene som bor der (Orig.tit.: La chêne et ses habitants)
Med: nøttesnutebiller, ekorn, nøtteskriker
Kinofilm
I og rundt ei eik frå 1810 bur ei mengd vesen. Eiketreet og dyrene som bor der følgjer livet rundt det majestetiske treet i eit år, utan eit ord. Det byr på moro, spenning og eit vell av vakre og fasinerande nærbilete av livet i naturen.
Snutebilleboogie
Stjernene i det rike rollegalleriet er nøttesnutebiller, ekorn, småskogmus, nøtteskriker og villsvin. Mange av artane er kjende for eit norsk publikum, men vi er ikkje vane med å sjå dei slik på kino.
Det kryr av kjekke scener. Villsvin som klør seg på treet. Redde små mus i ein stor klump med øyra på stilk. Eg ler og smiler støtt. Farlege grevlingar, snokar og hønsehaukar skaper frykt, men i den harmlause familiefilmen bikkar jakta konsekvent i favør byttedyret.
Stilen er tilgjengeleg. Musikken spreier vekselvis lett tone og spenning. Innimellom tar ein song meir plass. Når Dean Martin syng «Sway» til bileta av nøttesnutebiller som parar seg, blir eg flau.
Alle må sjå
Stilen i filming og spenningskurve er kjend frå naturseriane til BBC, men den store styrken til filmen er det klare fokuset. Den strenge avgrensinga gjev eit større bilete, nett fordi ein får sjå kor mykje som skjer, og kor mange som er avhengige av dette eine treet.
Nokon bør binda fast Statens vegvesen i kinosetet og tvinga dei til å sjå kva tap av habitat betyr. Fråværet av forklaringar gjer at ein får vekt viljen til å læra og fordjupe seg i kven alle dei små og store krabatane er. Har vi ikkje slike her? Ein får lyst til å gå ut i naturen og å lesa om artsmangfald i kjende trakter. Utan tale eller tekst er dette eit ekte lågterskeltilbod. Eiketreet passar for alle frå fødestova til dødsleiet. Eg vonar denne filmen får eit langt liv på kino, i klasserom og på aldersheimar.
Håkon Tveit
Håkon Tveit er lektor i latinamerikansk kultur og historie ved Universitetet i Bergen og fast filmmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Dokumentar / familiefilm / naturfilm
Regi: Michel Seydoux og Laurent Charbonnier
Eiketreet og dyrene som bor der (Orig.tit.: La chêne et ses habitants)
Med: nøttesnutebiller, ekorn, nøtteskriker
Kinofilm
I og rundt ei eik frå 1810 bur ei mengd vesen. Eiketreet og dyrene som bor der følgjer livet rundt det majestetiske treet i eit år, utan eit ord. Det byr på moro, spenning og eit vell av vakre og fasinerande nærbilete av livet i naturen.
Snutebilleboogie
Stjernene i det rike rollegalleriet er nøttesnutebiller, ekorn, småskogmus, nøtteskriker og villsvin. Mange av artane er kjende for eit norsk publikum, men vi er ikkje vane med å sjå dei slik på kino.
Det kryr av kjekke scener. Villsvin som klør seg på treet. Redde små mus i ein stor klump med øyra på stilk. Eg ler og smiler støtt. Farlege grevlingar, snokar og hønsehaukar skaper frykt, men i den harmlause familiefilmen bikkar jakta konsekvent i favør byttedyret.
Stilen er tilgjengeleg. Musikken spreier vekselvis lett tone og spenning. Innimellom tar ein song meir plass. Når Dean Martin syng «Sway» til bileta av nøttesnutebiller som parar seg, blir eg flau.
Alle må sjå
Stilen i filming og spenningskurve er kjend frå naturseriane til BBC, men den store styrken til filmen er det klare fokuset. Den strenge avgrensinga gjev eit større bilete, nett fordi ein får sjå kor mykje som skjer, og kor mange som er avhengige av dette eine treet.
Nokon bør binda fast Statens vegvesen i kinosetet og tvinga dei til å sjå kva tap av habitat betyr. Fråværet av forklaringar gjer at ein får vekt viljen til å læra og fordjupe seg i kven alle dei små og store krabatane er. Har vi ikkje slike her? Ein får lyst til å gå ut i naturen og å lesa om artsmangfald i kjende trakter. Utan tale eller tekst er dette eit ekte lågterskeltilbod. Eiketreet passar for alle frå fødestova til dødsleiet. Eg vonar denne filmen får eit langt liv på kino, i klasserom og på aldersheimar.
Håkon Tveit
Håkon Tveit er lektor i latinamerikansk kultur og historie ved Universitetet i Bergen og fast filmmeldar i Dag og Tid.
Fleire artiklar
Foto via Wikimedia Commons
«Hulda Garborg er ein av dei store, gløymde forfattarskapane i Noreg.»
Fuktmålaren syner at veggen er knuskturr. Er det truverdig?
Foto: Per Thorvaldsen
«Frykta er ein god læremeister. Eg sit no og les Byggforsk-artiklar om fukt for harde livet.»
Wako er Kjetil Mulelid, Simon Olderskog Albertsen, Bárdur Reinert Poulsen og Martin Myhre Olsen.
Foto: Eirik Havnes
Sprudlande samspel
Wako serverer ei heilakustisk jazzplate.
Sitrusmarinert kamskjel med estragon, lime og olivenolje.
Alle foto: Dagfinn Nordbø
«Måltidet skreid fram under både lågmælte og høglydte sukk og stønn.»
Stillinga i VM-kampen mellom Ding Liren og Gukesh var 4–4 etter 8 av 14 parti.
Foto: Eng Chin An / FIDE
Papiravisa