Dynamisk duo
John David Washington og Zendaya briljerer i stramt kammerspel om film og forhold.
John David Washington som Malcolm og Zendaya som Marie i kammerspelet i sanntid.
Foto: Dominic Miller / Netflix
DRAMA
Regi: Sam Levinson
Malcolm & Marie
Med: John David Washington, Zendaya
Film på Netflix
Etter ein festpremiere som fengsla publikum, kjem regissøren Malcolm (Washington) og kjærasten Marie (Zendaya) heim til den råflotte kåken produksjonsselskapet har fiksa.
Malcolm svevar i lukke. Marie ser mindre imponert ut. Feiringa glir fort over i kjekling. Med nokre pustepausar varar den usannsynleg velartikulerte kranglinga i 106 intense minutt.
Skarp ordstrid
Filmen spelar seg ut i sanntid utan hopp. Kammerspelet har stramme rammer. To ofseleg imponerande skodespelarprestasjonar gjev kraft til framsyninga. John David Washington har gjort kometkarriere med BlackKklansman og Tenet, men utfaldar seg meir her.
Zendaya held fram samarbeidet med regissøren Sam Levinson frå den hylla serien Euphoria. I rolla som Marie viser ho breidd, nyansar og styrke. Dei to skodespelarane har ein veldig energi. Det er utmattande og fascinerande. Ein kan knapt tru kva sårande spit dei lirar av seg.
Sympatien vekslar. Stundom tenkjer eg at båe er sjølviske svin, men brått forstår ein, trass alt. Drivet vekslar dynamisk med snedige vendingar. Dei munnrappe kamphanane har òg kjærleik til kvarandre. Temaa vekslar mellom forholdet deira og filmen. Eg har mindre tolmod med det romantiske dramaet, men innser gradvis at dei to emna heng saman.
Filmsnop
Å gløyme kjærasten i takketalen treng ikkje berre skape sjalu harme. Striden sveipar mellom anna innom inspirasjonskjelder, sanning mot fiksjon og kva perspektiv som kjem til uttrykk i ein film. Netflix frir til feinschmeckerane, som med Oscar-favoritten Mank.
Det er mykje snop for filmnerdar i samtalane. Kvifor må den kvite filmmeldaren frå LA Times politisere den svarte filmskaparen? Må alle afroamerikanarar med eit kamera bli samanlikna med Spike Lee heller enn William Wyler? Vala av svartkvitt og 35 mm-film verkar meir for å nå ei publikumsgruppe enn av reint estetiske grunnar.
Like fullt er filmen fin å sjå på med den ungarske ringreven Marcell Rév bak spakane. Klipp og musikk streifar innom inspirasjon frå fransk nybølgje. Like eins snakk og tematikk. Malcolm & Marie er ein fokusert film som er underhaldande og smart, med to skodespelarar i storform.
Håkon Tveit
Håkon Tveit er lektor i latinamerikansk kultur og historie ved Universitetet i Bergen og fast filmmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
DRAMA
Regi: Sam Levinson
Malcolm & Marie
Med: John David Washington, Zendaya
Film på Netflix
Etter ein festpremiere som fengsla publikum, kjem regissøren Malcolm (Washington) og kjærasten Marie (Zendaya) heim til den råflotte kåken produksjonsselskapet har fiksa.
Malcolm svevar i lukke. Marie ser mindre imponert ut. Feiringa glir fort over i kjekling. Med nokre pustepausar varar den usannsynleg velartikulerte kranglinga i 106 intense minutt.
Skarp ordstrid
Filmen spelar seg ut i sanntid utan hopp. Kammerspelet har stramme rammer. To ofseleg imponerande skodespelarprestasjonar gjev kraft til framsyninga. John David Washington har gjort kometkarriere med BlackKklansman og Tenet, men utfaldar seg meir her.
Zendaya held fram samarbeidet med regissøren Sam Levinson frå den hylla serien Euphoria. I rolla som Marie viser ho breidd, nyansar og styrke. Dei to skodespelarane har ein veldig energi. Det er utmattande og fascinerande. Ein kan knapt tru kva sårande spit dei lirar av seg.
Sympatien vekslar. Stundom tenkjer eg at båe er sjølviske svin, men brått forstår ein, trass alt. Drivet vekslar dynamisk med snedige vendingar. Dei munnrappe kamphanane har òg kjærleik til kvarandre. Temaa vekslar mellom forholdet deira og filmen. Eg har mindre tolmod med det romantiske dramaet, men innser gradvis at dei to emna heng saman.
Filmsnop
Å gløyme kjærasten i takketalen treng ikkje berre skape sjalu harme. Striden sveipar mellom anna innom inspirasjonskjelder, sanning mot fiksjon og kva perspektiv som kjem til uttrykk i ein film. Netflix frir til feinschmeckerane, som med Oscar-favoritten Mank.
Det er mykje snop for filmnerdar i samtalane. Kvifor må den kvite filmmeldaren frå LA Times politisere den svarte filmskaparen? Må alle afroamerikanarar med eit kamera bli samanlikna med Spike Lee heller enn William Wyler? Vala av svartkvitt og 35 mm-film verkar meir for å nå ei publikumsgruppe enn av reint estetiske grunnar.
Like fullt er filmen fin å sjå på med den ungarske ringreven Marcell Rév bak spakane. Klipp og musikk streifar innom inspirasjon frå fransk nybølgje. Like eins snakk og tematikk. Malcolm & Marie er ein fokusert film som er underhaldande og smart, med to skodespelarar i storform.
Håkon Tveit
Håkon Tveit er lektor i latinamerikansk kultur og historie ved Universitetet i Bergen og fast filmmeldar i Dag og Tid.
Det er mykje snop for filmnerdar i samtalane.
Fleire artiklar
Judith Butler er filosof og ein frontfigur innanfor kjønnsteori.
Foto: Elliott Verdier / The New York Times / NTB
Ein endrar ikkje naturen med talemåtar
Dombås Hotell brenn 19. mai 2007.
Foto: Kari Anette Austvik / NTB
Frå bridgeverda: Svidd utgang
Kjersti Halvorsen er psykolog og forfattar.
Foto: Lina Hindrum
Fadesar og fasadar
Roboten blir til mens vi ror.
Det er naturleg å rykkja til når ein skjønar at laget ein spelar eller heiar på, rykkjer ned (jf. opprykk, nedrykk), skriv Kristin Fridtun. Her tek Ranheims Mads Reginiussen til tårene etter nedrykk i eliteseriekampen i fotball mellom Rosenborg og Ranheim på Lerkendal Stadion (3-2).
Foto: Ole Martin Wold / NTB
I rykk og napp
Det er naturleg å rykkja til når ein skjønar at laget ein spelar eller heiar på, rykkjer ned.
Ein soldat ber eit portrett av den drepne våpenbroren og aktivisten Pavel Petrisjenko i gravferdsseremonien hans i Kyiv 19. april. Petrisjenko døydde i kamp mot russiske okkupantar aust i Ukraina. Han er tidlegare omtalt i denne spalta fordi han arbeidde for å stogge pengespel som finansiering av det ukrainske forsvaret.
Foto: Valentyn Ogirenko / Reuters / NTB
Hagen til Kvilinskyj finst ikkje lenger
Alle historier, det gjeld òg dei som ser ut til å ha nådd slutten, har eit framhald.