Kunst
Ei utstilling går digitalt
Her møter vi Edvard Munchs fotografi og filmar som vart funne i heimen på Ekely etter at han døydde i 1944. Han stilte aldri ut dette materialet sjølv. Såleis vert utstillinga eit gløtt over skuldra til kunstnaren, eit nytt perspektiv inn i eit av dei sterkaste kunstnarskapa på 1900-talet også internasjonalt.
«Edvard Munch og Rosa Meissner, Warnemünde», 1907. Kollodion.
Kopirett: Munchmuseet
Munchmuseet er som kjent stengt fram til dei er komne på plass i Bjørvika, det er enno ikkje sett ein opningsdato. Derfor har dei lagt seg i selen for å utvide tilbodet på nettsidene. Her finn vi omvisingar, kunstnarsamtalar, undervisningsopplegg og den digitale utstillinga eg skal ta føre meg, Det eksperimentelle selvet. Det har ikkje berre vore enkelt å skrive om utstillinga, sida har fleire gonger vore nede, utan forklaring.
Det eksperimentelle selvet er ein digitalisert versjon av ei fysisk utstilling som har vore vist ved Munchmuseet, Kode i Bergen, Scandinavia House i New York og Thielska Galleriet i Stockholm.
Munch tok til å fotografere i 1902, det året forholdet til Tulla Larsen på dramatisk vis enda med pistolskot og skade i høgrehanda. Etter nokre år la han vekk apparatet. Først i 1927 tok han fotograferinga opp att, og han eksperimenterte med foto og film fram til midten av 1930-talet.
Fordelt på kapittel
Arbeida i Det eksperimentelle selvet er tematisk fordelte på seks kapittel. «Amatørfotografen» består av 21 foto frå åra 1902–09. På same vis som i måleriet og grafikken viser bilda korleis Munch ser vekk frå rådande reglar om korleis eit vellukka bilete skal sjå ut, og finn fram til eigne vurderingskriterium. Det er inspirerande å sjå det frie og undrande blikket, den tydelege gleda over å oppdage nye verknader.
Når det gjeld det utstillingstekniske, stussar eg over at fotografia er så små. Dei fyller berre ein liten del av skjermen. Trass i at eg såg utstillinga på ein stor monitor med god oppløysing, fekk eg ikkje noko fullgodt inntrykk av arbeida. Hadde det vore råd å forstørre bilda, og såleis granske detaljane nærare, ville utstillinga vorte mykje meir spennande. Fleire av bilda er også skorne ned i kantane, då mister dei ein del av uttrykket sitt.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
