Ei eventyrreise gjennom eit liv
Sissel Solbjørg Bjugn var dedikert til poesien. Ho levde i og gjennom diktinga si i samspel og venskap med mange andre diktande kollegaer.
Dikt / Essay
Sissel Solbjørg Bjugn:
Sjonglering og bjugnlering. Dikt og tekstar i samling 1972–1999
Samlaget
Biografi
Tor Eystein Øverås (red.):
Skrive, teikne, røre og slåst!
Samlaget
Sissel Solbjørg Bjugn (1947–2011) eig ei av dei mest særeigne røystene i norsk lyrikk i moderne tid. Ho leika med orda, fletta inn sitat frå utanlandske poetar, frå sakprosatekster, reklamespråk og barnerim, ho vrei språket ut av lekk, men framfor alt åtte ho ein personleg tone som aldri vart privat, men som alltid greidde å fange opp det ålmenne, det eksistensielle og vesentlege.
Ho var eit leikande menneske og skreiv mange dikt for barn. Ho fekk ikkje barn sjølv, men skreiv slik i eit av gruvedikta sine:
Tenk å ha ein son
Sitjande opp på det gule panseret
så sakte skulle han kjøre
Gjennom ortane
Med glunten sin.
Tekstsamling
Samlaget gjev nå ut boka Sjonglering og bjugnlering. Dikt og tekstar i samling 1972–1999 og boka Skrive, teikne, røre og slåst! som er både eit biografisk riss av diktaren og ei samling av tekstar som ikkje er komne ut tidlegare.
Einar Økland innleier dikt- og tekstsamlinga med ein fin introduksjon der han skriv om den både fabulerande, surrealistiske, eksperimenterande og illustrerande sida av Bjugn. Tor Eystein Øverås, som kjende henne særs godt og hadde lange samtalar med henne dei siste tjue åra, fortel om livet hennar og syner fram breidda og mangfaldet i diktinga hennar.
Diktbøkene er som ei eventyrreise gjennom eit intenst liv, fylte med humør og skråblikk, sjølvironi, tvil og politisk engasjement for Alta og kvinnefrigjering. Dikta er farga av eit omflakkande liv – i Oslo og Bodø, Båtsfjord og Sulitjelma, det siste etterlét avtrykk av gruvegangar og gruvelykter, av ulykker og arbeidarkamp. Bjugn siterer frå engelske, fransk og norske diktarrøyster. Ho bruker tabuord på underliv og elskhug slik at ein kvepp, særleg gjorde ein det då dei fyrst vart publiserte, og ho er avgjort ikkje «mannfolks køyretøy», som ho skriv.
Debutantpris
Bjugn fekk Tarje Vesaas’ debutantpris i 1978 for Den første avisa på Lofotveggen og andre tekstar 1972–1977, som ho sjølv illustrerte med morosame teikningar. Eit av dikta handlar om den kjende franske postimpresjonistiske tollbetjenten og jungelmålaren Henri Rousseau, som aldri hadde vore i Afrika, men som skreiv dikt om jungelen likevel:
Han tørkar sveitten og ser opp på
Han tar den tjukke uniforma
Og dei tunge støvlane
av seg.
Bakom alle friske blad på tre i heile verda,
Bakom det svale bladverket
Til alle Frankrikes potteplantar
Mellom dei mørke, urørlege blada
Langt inne i de djupe Paris,
naken sit Henri Rousseau
på jungelsofaen sin
og drikk jungelvin
og luktar på
han nettopp måla
Etter uttrykket «ser opp på» i fyrste line har Bjugn teikna ei sol, og etter ordet «på» i nest siste lina har ho teikna ein blome. Tekst og illustrasjon går saman om å formidle bodskapen.
Arbeidardiktar
Samlinga Spenn beltet kring livet og hald lampa tend! frå 1981 er runnen ut av røynsla hennar dei åra ho budde i Sulitjelma. Det er den solidariserande, venstreradikale arbeidardiktaren som fortel om arbeidet i gruva, om arbeidsvegen og dassen, om borehola og malmvogna, og om kven gruvearbeidarane eigentleg er. Ei samling i realismeteiknet, i skyld med Sara Lidmans gruvedikting.
Sissel Bjugn hadde publisert det meste av det ho skreiv på førehand i aviser og blad, slik at diktsamlingane vert ein presentasjon av mogninga som tida og opplevingar hadde gjeve henne. Diktsamlinga Bye, bye frå 1989 syner ei kunstnarleg vekst og eit personleg vågemot som utfordrar lesaren. I diktet «Heltinnetrinnet», skriv ho om kjærleik, utruskap og brennande kjærleik til elskaren sin:
Fin som ein malmbil i måneskin
Er du med mustasjebarten din
Det er ein lang diktsymfoni, der også engelske diktarsystrer lèt høyre røystene sine. Ho skildrar vond tyngsel av samvit, lindrande ekstase og vonlaus lengt etter barn. Det er eit av hennar finaste dikt, og det utfordrar med tabuorda, men syner fyrst og fremst alvoret i kjærleiken, hjarterytmen, ironien og den ufattelege og undertrykte sorga for barnløysa.
Kvinneleg pave
I Tornekysset frå 1992 samlar ho også tidlegare publiserte tekster, blant anna «Pave Julian dør», der ho sjølv blir valt til den fyrste kvinnelege paven. Det er etsande ironisk mot pavekyrkja og kyrkjas fordomar mot det kvinnelege i tilværet. Og titteldiktet «Tornekysset» må vere eit av dei flottaste kyssedikta i norsk litteratur, og det uttrykker sprengande lengt etter den eksistensielle augneblinken ho aldri får oppleve.
Den siste samlinga, Depp frå 1999, som er sett saman av små dikt og diktbrokkar, kjem frå ein diktar i sjelenaud.
Callgirl var eg, om berre
eins. Ingen andre enn meg til
meins. Frå telefonen og rett
i dusjen. Nådd’ alltid ta på
kjolen, aldri augnetusjen
Ringtingingstaus, om berre
enn si. Meg sjølv til meins.
Olivenolje og tårer og eple-
eddik frå Heinz. Ringringring
ringtingingstausa. Ho gjer
det gratis.
Samlinga vart omtalt av få, og mest gløymd, men kan hende det mest vesentlege ho har skrive, om forspilt liv, om desperasjon og om avslutninga på livet:
Dø ein dag diverre må
Grethe Waitz og Lille Graah
Lille Graah, Lille Graah
Kristensen og Kyrkjebø.
Alle damer må jo dø.
Må jo. Må jo dø.
Kaufmann, Dickinson, Curie
Måtte dø. Ta mère aussi.
Mère au, mère aussi.
Princess, princess Di.
Det finst ikkje mange slike dødsdikt i norsk litteratur.
Karsten Alnæs
Karsten Alnæs er forfattar og fast bokmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Dikt / Essay
Sissel Solbjørg Bjugn:
Sjonglering og bjugnlering. Dikt og tekstar i samling 1972–1999
Samlaget
Biografi
Tor Eystein Øverås (red.):
Skrive, teikne, røre og slåst!
Samlaget
Sissel Solbjørg Bjugn (1947–2011) eig ei av dei mest særeigne røystene i norsk lyrikk i moderne tid. Ho leika med orda, fletta inn sitat frå utanlandske poetar, frå sakprosatekster, reklamespråk og barnerim, ho vrei språket ut av lekk, men framfor alt åtte ho ein personleg tone som aldri vart privat, men som alltid greidde å fange opp det ålmenne, det eksistensielle og vesentlege.
Ho var eit leikande menneske og skreiv mange dikt for barn. Ho fekk ikkje barn sjølv, men skreiv slik i eit av gruvedikta sine:
Tenk å ha ein son
Sitjande opp på det gule panseret
så sakte skulle han kjøre
Gjennom ortane
Med glunten sin.
Tekstsamling
Samlaget gjev nå ut boka Sjonglering og bjugnlering. Dikt og tekstar i samling 1972–1999 og boka Skrive, teikne, røre og slåst! som er både eit biografisk riss av diktaren og ei samling av tekstar som ikkje er komne ut tidlegare.
Einar Økland innleier dikt- og tekstsamlinga med ein fin introduksjon der han skriv om den både fabulerande, surrealistiske, eksperimenterande og illustrerande sida av Bjugn. Tor Eystein Øverås, som kjende henne særs godt og hadde lange samtalar med henne dei siste tjue åra, fortel om livet hennar og syner fram breidda og mangfaldet i diktinga hennar.
Diktbøkene er som ei eventyrreise gjennom eit intenst liv, fylte med humør og skråblikk, sjølvironi, tvil og politisk engasjement for Alta og kvinnefrigjering. Dikta er farga av eit omflakkande liv – i Oslo og Bodø, Båtsfjord og Sulitjelma, det siste etterlét avtrykk av gruvegangar og gruvelykter, av ulykker og arbeidarkamp. Bjugn siterer frå engelske, fransk og norske diktarrøyster. Ho bruker tabuord på underliv og elskhug slik at ein kvepp, særleg gjorde ein det då dei fyrst vart publiserte, og ho er avgjort ikkje «mannfolks køyretøy», som ho skriv.
Debutantpris
Bjugn fekk Tarje Vesaas’ debutantpris i 1978 for Den første avisa på Lofotveggen og andre tekstar 1972–1977, som ho sjølv illustrerte med morosame teikningar. Eit av dikta handlar om den kjende franske postimpresjonistiske tollbetjenten og jungelmålaren Henri Rousseau, som aldri hadde vore i Afrika, men som skreiv dikt om jungelen likevel:
Han tørkar sveitten og ser opp på
Han tar den tjukke uniforma
Og dei tunge støvlane
av seg.
Bakom alle friske blad på tre i heile verda,
Bakom det svale bladverket
Til alle Frankrikes potteplantar
Mellom dei mørke, urørlege blada
Langt inne i de djupe Paris,
naken sit Henri Rousseau
på jungelsofaen sin
og drikk jungelvin
og luktar på
han nettopp måla
Etter uttrykket «ser opp på» i fyrste line har Bjugn teikna ei sol, og etter ordet «på» i nest siste lina har ho teikna ein blome. Tekst og illustrasjon går saman om å formidle bodskapen.
Arbeidardiktar
Samlinga Spenn beltet kring livet og hald lampa tend! frå 1981 er runnen ut av røynsla hennar dei åra ho budde i Sulitjelma. Det er den solidariserande, venstreradikale arbeidardiktaren som fortel om arbeidet i gruva, om arbeidsvegen og dassen, om borehola og malmvogna, og om kven gruvearbeidarane eigentleg er. Ei samling i realismeteiknet, i skyld med Sara Lidmans gruvedikting.
Sissel Bjugn hadde publisert det meste av det ho skreiv på førehand i aviser og blad, slik at diktsamlingane vert ein presentasjon av mogninga som tida og opplevingar hadde gjeve henne. Diktsamlinga Bye, bye frå 1989 syner ei kunstnarleg vekst og eit personleg vågemot som utfordrar lesaren. I diktet «Heltinnetrinnet», skriv ho om kjærleik, utruskap og brennande kjærleik til elskaren sin:
Fin som ein malmbil i måneskin
Er du med mustasjebarten din
Det er ein lang diktsymfoni, der også engelske diktarsystrer lèt høyre røystene sine. Ho skildrar vond tyngsel av samvit, lindrande ekstase og vonlaus lengt etter barn. Det er eit av hennar finaste dikt, og det utfordrar med tabuorda, men syner fyrst og fremst alvoret i kjærleiken, hjarterytmen, ironien og den ufattelege og undertrykte sorga for barnløysa.
Kvinneleg pave
I Tornekysset frå 1992 samlar ho også tidlegare publiserte tekster, blant anna «Pave Julian dør», der ho sjølv blir valt til den fyrste kvinnelege paven. Det er etsande ironisk mot pavekyrkja og kyrkjas fordomar mot det kvinnelege i tilværet. Og titteldiktet «Tornekysset» må vere eit av dei flottaste kyssedikta i norsk litteratur, og det uttrykker sprengande lengt etter den eksistensielle augneblinken ho aldri får oppleve.
Den siste samlinga, Depp frå 1999, som er sett saman av små dikt og diktbrokkar, kjem frå ein diktar i sjelenaud.
Callgirl var eg, om berre
eins. Ingen andre enn meg til
meins. Frå telefonen og rett
i dusjen. Nådd’ alltid ta på
kjolen, aldri augnetusjen
Ringtingingstaus, om berre
enn si. Meg sjølv til meins.
Olivenolje og tårer og eple-
eddik frå Heinz. Ringringring
ringtingingstausa. Ho gjer
det gratis.
Samlinga vart omtalt av få, og mest gløymd, men kan hende det mest vesentlege ho har skrive, om forspilt liv, om desperasjon og om avslutninga på livet:
Dø ein dag diverre må
Grethe Waitz og Lille Graah
Lille Graah, Lille Graah
Kristensen og Kyrkjebø.
Alle damer må jo dø.
Må jo. Må jo dø.
Kaufmann, Dickinson, Curie
Måtte dø. Ta mère aussi.
Mère au, mère aussi.
Princess, princess Di.
Det finst ikkje mange slike dødsdikt i norsk litteratur.
Karsten Alnæs
Karsten Alnæs er forfattar og fast bokmeldar i Dag og Tid.
Ho er avgjort ikkje «mannfolks køyretøy», som ho skriv.
Tor Eystein Øverås syner fram breidda og mangfaldet i diktinga
hennar.
Fleire artiklar
Stig Amdam og Ragnhild Gudbrandsen spelar hovudrollene i stykket av August Strindberg.
Foto: Magnus Skrede / Den Nationale Scene
Krigen mellom kjønna
Dødsdansen er eit ekteskapsdrama der komikken får for stor plass, men spelestilane utfordrar kvarandre på interessant vis.
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Nana rise-Lynum er redaktør i Norsk Barneblad.
Foto: Per Anders Todal
Å gi barn det dei ikkje veit at dei vil ha
Norsk Barneblad vart skipa i 1887 og har kome ut kvart år sidan. Sist helg fekk Nana Rise-Lynum Målprisen frå Noregs Mållag for innsatsen som redaktør.
Den såkalla hysjpengesaka mot Donald Trump er inne i andre veke i retten i New York.
Illustrasjon: Jane Rosenberg / Reuters
Høgt spel i New York
Straffesaka som no går føre seg mot Trump, er den han har størst sjanse til å verte frikjend i. Og vert han det, kan saka òg gje han fleire veljarar, seier kommentator Jan Arild Snoen.
Frå markeringa av den internasjonale kvinnedagen i Oslo sentrum.
Foto: Håkon Mosvold Larsen / NTB
Bollestad sprer myter og faktafeil
Vi må skille mellom hva som skal løses av abortloven, og hva som skal løses andre steder.