Byråkratiet
på museum
Håkon Bleken: «Bøddelen», kol på papir.
Eg har budd i Bergen i mange år og reknar meg for å vere lommekjend der. Sjølv om det er fleire år sidan, kan eg finne dei ulike musea ved Lungegårdsvannet i blinde. Men no vart eg forvirra. Eg ville sjå utstillinga J.C. Dahl – Naturens Kraft før opningstid, og fekk per e-post beskjed om å møte opp ved KODE 2. Eg tenkte dette var ein kontorbygning, og fekk ein løpetur frå det eine bygget til det andre, brått var alt så framandt. Endeleg innsåg eg at KODE 2 var det nye namnet på den tidlegare Stenersensamlingen. Det var først då at eg verkeleg tok innover meg av at den kjende perlerada av museum i hjarte av Bergen er anonymisert til KODE 1, 2, 3 og 4.
Ein kan lure på kva dei tenker på, når ein tek eit slikt grep.
Og dei har fått god plass i kodebygga sine. Det er langt mellom nymonteringane i dei tidlegare så pulserande og dynamiske musea. Situasjonen er slett ikkje unik. Stadig fleire museum vert underlagde såkalla «museumsfamiliar». Det krevst mykje meir administrasjon for å styre samanslåingane, som femner om både svært ulike fagområde og store geografiske areal. Resultatet er ei byråkratisering som tek stadig strammare kvelartak på museumsverda.
Medan byråkratiet er styrt etter reglar, må kunsten bryte med dei. Om ikkje musea står frie til å ta sjansar, og om dei er livredde for å bli slakta i avisene eller få lite publikum, vert det skapt lite nytt. Det er ei kjennsgjerning at det som til er nytt i kunsten, sjeldan vert ein rask braksuksess. Det er nettopp motstand som er kjenneteikn på nye erkjenningar.
Det verkar som det er ein generell skepsis i samfunnet mot at skapande menneske er i stand til å styre, og derfor må passast på. Det vert tilsett stadig fleire med annan kompetanse enn kunst i musea. Konsekvensen er nedprioritering av det faglege. Museumsfaglege tilsette får tredd reformer og reguleringar ned over hovudet, prosessar som stel tid frå fri forsking og kreativt arbeid, og vi risikerer å få mindre gjevande og meiningsfulle utstillingar i framtida.
Eva Furseth
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Eg har budd i Bergen i mange år og reknar meg for å vere lommekjend der. Sjølv om det er fleire år sidan, kan eg finne dei ulike musea ved Lungegårdsvannet i blinde. Men no vart eg forvirra. Eg ville sjå utstillinga J.C. Dahl – Naturens Kraft før opningstid, og fekk per e-post beskjed om å møte opp ved KODE 2. Eg tenkte dette var ein kontorbygning, og fekk ein løpetur frå det eine bygget til det andre, brått var alt så framandt. Endeleg innsåg eg at KODE 2 var det nye namnet på den tidlegare Stenersensamlingen. Det var først då at eg verkeleg tok innover meg av at den kjende perlerada av museum i hjarte av Bergen er anonymisert til KODE 1, 2, 3 og 4.
Ein kan lure på kva dei tenker på, når ein tek eit slikt grep.
Og dei har fått god plass i kodebygga sine. Det er langt mellom nymonteringane i dei tidlegare så pulserande og dynamiske musea. Situasjonen er slett ikkje unik. Stadig fleire museum vert underlagde såkalla «museumsfamiliar». Det krevst mykje meir administrasjon for å styre samanslåingane, som femner om både svært ulike fagområde og store geografiske areal. Resultatet er ei byråkratisering som tek stadig strammare kvelartak på museumsverda.
Medan byråkratiet er styrt etter reglar, må kunsten bryte med dei. Om ikkje musea står frie til å ta sjansar, og om dei er livredde for å bli slakta i avisene eller få lite publikum, vert det skapt lite nytt. Det er ei kjennsgjerning at det som til er nytt i kunsten, sjeldan vert ein rask braksuksess. Det er nettopp motstand som er kjenneteikn på nye erkjenningar.
Det verkar som det er ein generell skepsis i samfunnet mot at skapande menneske er i stand til å styre, og derfor må passast på. Det vert tilsett stadig fleire med annan kompetanse enn kunst i musea. Konsekvensen er nedprioritering av det faglege. Museumsfaglege tilsette får tredd reformer og reguleringar ned over hovudet, prosessar som stel tid frå fri forsking og kreativt arbeid, og vi risikerer å få mindre gjevande og meiningsfulle utstillingar i framtida.
Eva Furseth
Fleire artiklar
Foto: Terje Pedersen / NTB
Tendensiøs statistikk om senfølger
Myndighetene må anerkjenne at senfølger eksisterer og utgjør et samfunnsproblem.
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.