Thorbjørn Egner
for vaksne
Erlend Loe veit at tomme tønner ramlar mest.
Det groteske og det komiske går hand i hand i den nye romanen til Erlend Loe.
Foto: Tonje Skjervold
Roman
Erlend Loe:
Dyrene i Afrika
Cappelen Damm
Big 5 heiter det når ein storviltjeger har felt ei løve, ein bøffel, ein elefant, eit nashorn og ein leopard. Det er turisme for pengepøbelen, og dette aspektet er utgangspunktet for Erlend Loes nye roman Dyrene i Afrika, der fem enkeltpersonar får det for seg at dei kan frelse verda ved å pule storvilt gjennom det sjølvoppnemnde «Selskapet for skjending av eksotiske dyr». Alt skal filmast, alt skal leggjast ut på nett, alt skal vere innanfor etiske standardar for dyrevelferd.
Glitrande parodiar
Det heile startar når dei fem møtest på ei forelesing om dyreetikk. Dei har lenge kjent ei dragning mot store dyr, og no får sodomien både ei teoretisk og etisk plattform samtidig som familiebedrifta Fauna Fuckers i Kenya opnar for ei praktisk gjennomføring. Dermed er det klart for ein ellevill og absurd safari der Erlend Loe på suverent vis raljerer over idealisme på avvegar, sjølvbedrag, barnleg entusiasme og misforstått fellesskap, og han krydrar framstillinga med glitrande parodiar på terapi- og organisasjonsspråk der dialogane lyser av tomt prat.
Dei fem avvikarane på tur verkar i utgangspunktet å vere godt etablerte og anstendige menneske med god jobb, men også før den store forvandlinga blir dei kledde opp i komikkens gevant, det vere seg tannlegen Vidkun, zoolog og ressurshomo Joachim Sperber, filmklipparen Såkalte Bob, seriebokforfattaren Hektor Gråbræk eller Lise Løvenskiold som jobbar i politiet og samtidig er leiar av Ensliges forening. Her slår Loe om seg med utsøkt humor og elegant ironi, situasjonskomikk og eit skrått blikk på ulike tidsfenomen som #metoo, homofili, født i feil kropp, kunstnarleg amatørskap, ukvalifisert leiarskap og mangt anna som ein smiler av eller som opnar opp for den store latteren. Det groteske og det komiske går gjerne hand i hand, slik det blir når Joakim Sperber luftar sambuarens likhund, eller når Lise Løvenskiold stadig vekk pular i leoparddrakt.
Subtil humor
Heile redningsaksjonen går som venta til helvete for full musikk, og den bibelfrelste farmor Mukondi får rett til slutt: «Whosoever lieth with a beast shall surely be put to death!» Alt blir eit slag i lufta, slik også miljøorganisasjonen som ville redde regnskogen gjennom Fuck for forest for ein del år sidan, dreit seg ut med luftslag, og det er vel også det som er poenget til Erlend Loe.
Men artig er det, topp underhaldning, intelligent og subtil humor slik berre Erlend Loe kan turnere det, og eg innbiller meg at denne romanen vil bli ei av årets bøker når det blir oppsummert før jul.
Oddmund Hagen
Oddmund Hagen er forfattar og fast bokmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Roman
Erlend Loe:
Dyrene i Afrika
Cappelen Damm
Big 5 heiter det når ein storviltjeger har felt ei løve, ein bøffel, ein elefant, eit nashorn og ein leopard. Det er turisme for pengepøbelen, og dette aspektet er utgangspunktet for Erlend Loes nye roman Dyrene i Afrika, der fem enkeltpersonar får det for seg at dei kan frelse verda ved å pule storvilt gjennom det sjølvoppnemnde «Selskapet for skjending av eksotiske dyr». Alt skal filmast, alt skal leggjast ut på nett, alt skal vere innanfor etiske standardar for dyrevelferd.
Glitrande parodiar
Det heile startar når dei fem møtest på ei forelesing om dyreetikk. Dei har lenge kjent ei dragning mot store dyr, og no får sodomien både ei teoretisk og etisk plattform samtidig som familiebedrifta Fauna Fuckers i Kenya opnar for ei praktisk gjennomføring. Dermed er det klart for ein ellevill og absurd safari der Erlend Loe på suverent vis raljerer over idealisme på avvegar, sjølvbedrag, barnleg entusiasme og misforstått fellesskap, og han krydrar framstillinga med glitrande parodiar på terapi- og organisasjonsspråk der dialogane lyser av tomt prat.
Dei fem avvikarane på tur verkar i utgangspunktet å vere godt etablerte og anstendige menneske med god jobb, men også før den store forvandlinga blir dei kledde opp i komikkens gevant, det vere seg tannlegen Vidkun, zoolog og ressurshomo Joachim Sperber, filmklipparen Såkalte Bob, seriebokforfattaren Hektor Gråbræk eller Lise Løvenskiold som jobbar i politiet og samtidig er leiar av Ensliges forening. Her slår Loe om seg med utsøkt humor og elegant ironi, situasjonskomikk og eit skrått blikk på ulike tidsfenomen som #metoo, homofili, født i feil kropp, kunstnarleg amatørskap, ukvalifisert leiarskap og mangt anna som ein smiler av eller som opnar opp for den store latteren. Det groteske og det komiske går gjerne hand i hand, slik det blir når Joakim Sperber luftar sambuarens likhund, eller når Lise Løvenskiold stadig vekk pular i leoparddrakt.
Subtil humor
Heile redningsaksjonen går som venta til helvete for full musikk, og den bibelfrelste farmor Mukondi får rett til slutt: «Whosoever lieth with a beast shall surely be put to death!» Alt blir eit slag i lufta, slik også miljøorganisasjonen som ville redde regnskogen gjennom Fuck for forest for ein del år sidan, dreit seg ut med luftslag, og det er vel også det som er poenget til Erlend Loe.
Men artig er det, topp underhaldning, intelligent og subtil humor slik berre Erlend Loe kan turnere det, og eg innbiller meg at denne romanen vil bli ei av årets bøker når det blir oppsummert før jul.
Oddmund Hagen
Oddmund Hagen er forfattar og fast bokmeldar i Dag og Tid.
Her slår Loe om seg med utsøkt humor og elegant ironi.
Fleire artiklar
Teikning: May Linn Clement
Å forveksla aggressor med forsvarar
«Etter at Putin kom til makta hausten 1999, har Russland ført ei heil rad med krigar.»
Den nyfødde kalven.
Foto: Hilde Lussand Selheim
Ei ny Ameline er fødd
Vårsøg – også kalla Tripso sidan ho var så skvetten som ung, spissa øyro for ingenting og trippa med beina inn og ut av fjøset – fekk ein ny kalv natt til 13. mai.
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.