Seint, men godt
Tida arbeider for Odd Klippenvågs forfattarskap.
Odd Klippenvåg er frå Vågan i Lofoten og har budd i Oslo sidan 1970.
Foto: Åsmund Holien Mo
Novelle
Odd Klippenvåg:
Hemmelige liv
Noveller i utvalg ved Eirik Lodén
Cappelen
Det er noko underleg med at Odd Klippenvåg fylte 70 år i mai 2021, og at jubileet blir feira med eit utval av noveller eitt år seinare, redigert av Eirik Lodén. Samtidig kan dette symbolisere at Odd Klippenvåg ofte har vore i etterkant når det gjeld å bli heidra, før han i dei siste åra har mottatt Havmannsprisen for andre gong (1998 og 2021), Ungdommens kritikerpris 2021 og Riksmålsforbundets litteraturpris i 2014.
Skeive forhold
Denne forseinka heideren er nært kopla til den tematikken som følgjer forfattarskapen frå debuten i 1978, der Klippenvåg ofte og ved ulike vinklingar fokuserer på skeive forhold og homoseksuell intimitet.
For den pripne lesaren kan dette bli i overkant, men Klippenvåg har dempa dette fokuset meir og meir, og i dei siste novellesamlingane er det det psykologisk-realistiske som står i sentrum med fokus på aldring, einsemd, gryande demens og alt som forvitrar, også nære og tette mellommenneskelege relasjonar.
Odd Klippenvåg har 23 titlar i porteføljen, 15 romanar og åtte novellesamlingar, og fleirtalet av novellene er skrivne dei siste tjue åra. Oppsummert snakkar vi om 65 noveller fordelte på 1319 sider. Eirik Lodén har plukka ut nær halvparten, 29, som han presenterer kronologisk med hovudvekt på samlingane Body & Soul (1998), Nord og andre noveller (2006) og Sikadene (2009). Dette fyller 332 sider av i alt 593 og viser kanskje at spennet i forfattarskapet ligg akkurat der, men eg er ikkje så sikker med tanke på dei to siste novellesamlingane frå Klippenvåg, En enda større ensomhet (2016) og En lykkelig gift mann (2020).
Skjult og fordekt
Hemmelige liv, har Lodén valt som tittel på utvalet, og det skjulte og fordekte pregar mange av novellene, anten i form av handlingar eller i form av tankar og mistankar, sjalusi og samlivsproblem, og i eit fyldig etterord peiker Lodén på denne sida ved forfattarskapet: «Han er en stor påminner om livets hemmeligheter og krinkelkroker, om dølgsmålene vi nidkjært vokter mot naboens blikk og innsyn: tilværelsen bak gardiner og fasader, (…) under dyner og undertøy, der den eksistensielle lengselen og ensomheten romsterer og herjer med oss.»
Odd Klippenvåg er frå Vågan i Lofoten. Han har budd i Oslo sidan 1970, men hentar ofte inspirasjon frå nordnorske landskap og nordnorske miljø. Han er da også rekna som ein nordnorsk forfattar, sjølv om han har budd vel femti år i hovudstaden.
Odd Klippenvåg høyrer heime i ei eksklusiv samling av nordnorske novellistar der Cora Sandel tronar øvst, følgd av Laila Stien og Ingeborg Arvola. Det er kvalitet tvers igjennom.
Oddmund Hagen
Oddmund Hagen er forfattar og fast bokmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Novelle
Odd Klippenvåg:
Hemmelige liv
Noveller i utvalg ved Eirik Lodén
Cappelen
Det er noko underleg med at Odd Klippenvåg fylte 70 år i mai 2021, og at jubileet blir feira med eit utval av noveller eitt år seinare, redigert av Eirik Lodén. Samtidig kan dette symbolisere at Odd Klippenvåg ofte har vore i etterkant når det gjeld å bli heidra, før han i dei siste åra har mottatt Havmannsprisen for andre gong (1998 og 2021), Ungdommens kritikerpris 2021 og Riksmålsforbundets litteraturpris i 2014.
Skeive forhold
Denne forseinka heideren er nært kopla til den tematikken som følgjer forfattarskapen frå debuten i 1978, der Klippenvåg ofte og ved ulike vinklingar fokuserer på skeive forhold og homoseksuell intimitet.
For den pripne lesaren kan dette bli i overkant, men Klippenvåg har dempa dette fokuset meir og meir, og i dei siste novellesamlingane er det det psykologisk-realistiske som står i sentrum med fokus på aldring, einsemd, gryande demens og alt som forvitrar, også nære og tette mellommenneskelege relasjonar.
Odd Klippenvåg har 23 titlar i porteføljen, 15 romanar og åtte novellesamlingar, og fleirtalet av novellene er skrivne dei siste tjue åra. Oppsummert snakkar vi om 65 noveller fordelte på 1319 sider. Eirik Lodén har plukka ut nær halvparten, 29, som han presenterer kronologisk med hovudvekt på samlingane Body & Soul (1998), Nord og andre noveller (2006) og Sikadene (2009). Dette fyller 332 sider av i alt 593 og viser kanskje at spennet i forfattarskapet ligg akkurat der, men eg er ikkje så sikker med tanke på dei to siste novellesamlingane frå Klippenvåg, En enda større ensomhet (2016) og En lykkelig gift mann (2020).
Skjult og fordekt
Hemmelige liv, har Lodén valt som tittel på utvalet, og det skjulte og fordekte pregar mange av novellene, anten i form av handlingar eller i form av tankar og mistankar, sjalusi og samlivsproblem, og i eit fyldig etterord peiker Lodén på denne sida ved forfattarskapet: «Han er en stor påminner om livets hemmeligheter og krinkelkroker, om dølgsmålene vi nidkjært vokter mot naboens blikk og innsyn: tilværelsen bak gardiner og fasader, (…) under dyner og undertøy, der den eksistensielle lengselen og ensomheten romsterer og herjer med oss.»
Odd Klippenvåg er frå Vågan i Lofoten. Han har budd i Oslo sidan 1970, men hentar ofte inspirasjon frå nordnorske landskap og nordnorske miljø. Han er da også rekna som ein nordnorsk forfattar, sjølv om han har budd vel femti år i hovudstaden.
Odd Klippenvåg høyrer heime i ei eksklusiv samling av nordnorske novellistar der Cora Sandel tronar øvst, følgd av Laila Stien og Ingeborg Arvola. Det er kvalitet tvers igjennom.
Oddmund Hagen
Oddmund Hagen er forfattar og fast bokmeldar i Dag og Tid.
Han er da også rekna som ein nordnorsk forfattar, sjølv om han har budd vel femti år i hovudstaden.
Fleire artiklar
Christian Treutmann-orgelet frå 1737 i stiftskyrkja St. Georg i Grauhof.
Foto via Wikimedia Commons
Monumental pedal
Masaaki Suzukis frasering gjev rom for smertelege dissonansar.
Trålar utanfor Måløy sentrum.
Foto: Gorm Kallestad / NTB
Barents blues, også et flytende samfunn
Min tiårige til-og-fra-periode i den tøffe trålbobla har preget meg nokså sterkt.
Ludmila Shabelnyk syner bilete av sonen Ivan i landsbyen Kapitolivka ved Izium i Ukraina, 25. september 2022. Russiske okkupasjonsstyrkar mishandla Ivan grovt før dei drap han. Landsbyen vart seinare gjenerobra av ukrainske styrkar.
Foto: Evgeniy Maloletka / AP / NTB
Overgrep som skakar folkeretten
Okkupasjonsmakta Russland viser ingen respekt for konvensjonen som skal verne sivile i krig.
Det oppstår misvisande biletet av at covid-19 forårsakar Alzheimer, meiner Preben Aavitsland ve FHI.
Foto: Erik Johansen / NTB
Meir om seinfølgjer
Den årlege rapporten FHI har publisert, syner at dødeligheita blant personar under 40 år har vore nokså stabil sidan 2015.
Salman Rushdie har skrive 15 romanar. Den siste boka handlar om knivåtaket på han i 2022.
Foto: Rachel Eliza Griffiths
Ein takk til livet
Salman Rushdie nyttar språket som terapi.