Mil etter mil
Geir Nummedal skriv nært og underhaldande om alt eit maratonløp byr på.
Geir Nummedal har skrive ein kortroman om å springe maraton.
Foto: Anna-Julia Granberg / Blunderbuss
Roman
Geir Nummedal:
Maratonshots
Cappelen Damm
Når ein nærmar seg 50, er det på tide å fullføre ein maraton og overtyde seg sjølv om at ein er i stand til å stå oppreist etter 42.195 meter. Det er nettopp det Geir Nummedal gir seg i kast med i ein alder av 47, rimeleg godt trena og med eit mål om å springe på under fire timar. I den korte romanen Maratonshots følgjer han seg sjølv i du-form gjennom løypa i Dresden 27. oktober 2019.
Tankestraum
Det er ein tekst utan punktum, ein frittflytande tankestraum frå start til mål der Nummedal fangar inn stegrytmen, rytmen i språket og rytmen i musikken han har på øyra. Assosiasjonane går i alle retningar samtidig som han reflekterer over arkitekturen (det er trass alt Dresden, kalla Nordens Firenze), den massive øydelegginga av byen i februar 1945 og gjenreisinga etter krigen.
Nummedal flettar også inn erotiske fantasiar, glimt frå barndom og oppvekst, minne om faren og brev som faren sende da han jobba på eit anlegg i Kina. Og han registrerer stemninga i og langs løypa, eit slags karneval i gatene, drikkestasjonane med såkalla maratonshots og bananar, alt dette som høyrer med i slike lange løp i urbane strøk.
Teksten flyt fint og elegant, kilometer etter kilometer, og den monotonien som ligg i eit maratonløp, blir balansert mot innfall og anekdotar, små rim og plutselege overgangar der poenget er å motverke den smerta som melder seg når ein har passert 30 kilometer og tanken på å bryte er ein reell utgang. Men Nummedal held ut, og etter målgang og litt kvile fyller han på med enda fleire maratonshots, no i form av grappa i ei kneipe nær hotellet. Det blir å dra det vel langt, og det bryt med grunnstrukturen i teksten, som er sjølve løpet frå A til Å.
Maraton og død
Det første maratonløpet i historia stod den greske soldaten Feidippides for i år 490 f.Kr. da han sprang frå Marathon til Athen for å melde at persarane var slått, før han seig om, død.
Det er altså ein link mellom maraton og død, og i ei gripande scene minnest Nummedal dødsleiet til faren. Her legg Nummedal inn eit alvor som elles manglar i ein sjarmerande og lettlesen tekst. Eg vil meine at Matatonshots er langt betre enn den tida Nummedal sprang inn til: 3.57.12.
For folk som mosjonerer mil etter mil, kan denne vesle romanen på 88 sider fort bli ei kultbok å kjenne seg igjen i, slik eg sjølv gjer det frå Drammen maraton for snart 30 år sidan; halvmaraton, rett nok på 1.24.03, kan eg minnast. Slår du den, Nummedal?
Oddmund Hagen
Oddmund Hagen er forfattar og fast bokmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Roman
Geir Nummedal:
Maratonshots
Cappelen Damm
Når ein nærmar seg 50, er det på tide å fullføre ein maraton og overtyde seg sjølv om at ein er i stand til å stå oppreist etter 42.195 meter. Det er nettopp det Geir Nummedal gir seg i kast med i ein alder av 47, rimeleg godt trena og med eit mål om å springe på under fire timar. I den korte romanen Maratonshots følgjer han seg sjølv i du-form gjennom løypa i Dresden 27. oktober 2019.
Tankestraum
Det er ein tekst utan punktum, ein frittflytande tankestraum frå start til mål der Nummedal fangar inn stegrytmen, rytmen i språket og rytmen i musikken han har på øyra. Assosiasjonane går i alle retningar samtidig som han reflekterer over arkitekturen (det er trass alt Dresden, kalla Nordens Firenze), den massive øydelegginga av byen i februar 1945 og gjenreisinga etter krigen.
Nummedal flettar også inn erotiske fantasiar, glimt frå barndom og oppvekst, minne om faren og brev som faren sende da han jobba på eit anlegg i Kina. Og han registrerer stemninga i og langs løypa, eit slags karneval i gatene, drikkestasjonane med såkalla maratonshots og bananar, alt dette som høyrer med i slike lange løp i urbane strøk.
Teksten flyt fint og elegant, kilometer etter kilometer, og den monotonien som ligg i eit maratonløp, blir balansert mot innfall og anekdotar, små rim og plutselege overgangar der poenget er å motverke den smerta som melder seg når ein har passert 30 kilometer og tanken på å bryte er ein reell utgang. Men Nummedal held ut, og etter målgang og litt kvile fyller han på med enda fleire maratonshots, no i form av grappa i ei kneipe nær hotellet. Det blir å dra det vel langt, og det bryt med grunnstrukturen i teksten, som er sjølve løpet frå A til Å.
Maraton og død
Det første maratonløpet i historia stod den greske soldaten Feidippides for i år 490 f.Kr. da han sprang frå Marathon til Athen for å melde at persarane var slått, før han seig om, død.
Det er altså ein link mellom maraton og død, og i ei gripande scene minnest Nummedal dødsleiet til faren. Her legg Nummedal inn eit alvor som elles manglar i ein sjarmerande og lettlesen tekst. Eg vil meine at Matatonshots er langt betre enn den tida Nummedal sprang inn til: 3.57.12.
For folk som mosjonerer mil etter mil, kan denne vesle romanen på 88 sider fort bli ei kultbok å kjenne seg igjen i, slik eg sjølv gjer det frå Drammen maraton for snart 30 år sidan; halvmaraton, rett nok på 1.24.03, kan eg minnast. Slår du den, Nummedal?
Oddmund Hagen
Oddmund Hagen er forfattar og fast bokmeldar i Dag og Tid.
Fleire artiklar
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.
Mannsutvalet saman med kultur- og likestillingsminister Lubna Jaffery under overrekkinga av rapporten.
Foto: Ole Berg-Rusten
Vil avlive likestillingsmytar
Forskar Mari Teigen ønskjer seg ein kjønnsdebatt bygd på kunnskap.
Den norske fiskeflåten er mangfaldig. Her er ringnotfartøy ved kai i Egersund våren 2017.
Foto: Per Anders Todal
Fiskar er fiskar verst
Striden om kvotemeldinga kan få Fiskarlaget til å rivne.