Innfrir ikkje heilt
Haruki Murakami går opp velkjende spor i den nye romanen sin.
Før Haruki Murakami slo gjennom som forfattar, dreiv han jazzbaren Peter Cat i Tokyo.
Foto: Marion Ettlinger
Roman
Haruki Murakami:
Drapet på kommandanten Bok 1
Omsett av Ika Kaminka og
Yngve Johan Larsen
Pax
Tilhøvet mellom ein kunstnar og det skapte, og kva ein kunstnar skaper av, er noko mange har handsama i litteratur og biletkunst. Eit sterkt verk om slike tema er Bildet av Dorian Grey. Oscar Wildes roman tek opp ønsket om å vere udødeleg, om kunstens makt og om korleis han på subtilt vis er kopla til sterke krefter i menneskesinnet, krefter som ikkje berre er av det gode slaget. Dette spelar med i bakgrunnen når ein les Drapet på kommandanten.
Haruki Murakami har nådd ein sjeldan posisjon som ei litteraturens superstjerne, høgt elska av både kritikarar og lesarar verda over. Også denne gongen finst det frydefulle augeblikk i lesinga av den japanske meisteren. Ein kjenner att forfattarens særeigne klo og det fascinerande murakamiske universet, ein stad der det fortrolla og det kvardagslege går hand i hand på eit heilt spesielt og saumlaust vis. Likevel er kanskje ikkje den 18. skjønnlitterære boka til japanaren heilt på linje med «hypen» rundt han.
Holet han kraup ut av
For mange lesarar blir det heilt sikkert herleg å på nytt få trengje inn i Murakamis verd, ei verd av overgrodde bakhagar med skjulte mysterium, matlaging, musikk og kattar, heite famntak på kryss og tvers av ekteskap og faste forhold, uforklarlege forsvinningar og tilsynekomstar, gåtefulle telefonsamtaler og brev. Også hovudpersonen er ein velkjend figur: den nokså unge mannen som har mista fotfestet, og som prøver å skape både eit nytt tilvære og noko av kunstnarleg verdi.
I Drapet på kommandanten gjeld det ein ikkje heilt kunstnarleg forløyst portrettmålar som i eit slags sjølvvalt eksil kjem over eit mystisk måleri på eit loft, skapt av kunstnaren som ein gong eigde huset han leiger. Uforklarlege ting byrjar å skje, som bjølleringing i natta, oppdaginga av ei djup sjakt (også eit velkjend Murakami-motiv), ein mystisk og særs velståande mann som oppsøkjer hovudpersonen for å få portrettet sitt måla, og som spionerer på ei ung jente i eit nabohus. Innimellom lærer vi ein del om tradisjonell japansk kunst og om klassisk musikk.
Superstjerne på hell?
Det er berre første delen som no er komen på norsk, den andre kjem over sommaren. Av den grunn, og fordi plotet er viktig her, vil eg ikkje røpe så mykje meir av handlinga. Ho er spennande nok, det er ikkje det. Men måten Murakami fortel på, synest eg ikkje når heilt opp denne gongen. Språket hans er mindre biletskapande enn tidlegare. Forfattaren har dessutan ein keisam tendens til å gjenta noko lesaren alt veit. Romanen har difor eit unødvendig stort omfang.
Etter å ha lese Drapet på kommandanten blir eg i tvil om superstjernestatusen framleis er fortent, og i alle fall om Murakami klarar å halde på han framover. Av ein forfattar med ein så enorm posisjon må ein kunne vente mykje, og denne gongen innfrir ikkje den japanske meisteren heilt. Til liks med så mange andre vart eg fjetra og begeistra over verk som Norwegian Wood og Trekkoppfuglen, mens dei siste utgivingane ikkje synest å leve opp til dei høge forventningane.
Eg las delar av romanen på både engelsk og norsk, og må fullrose dei norske omsetjarane som nok ein gong har gjort ei bragd med å skape eit godt norsk frå eit så fjernt språk som japansk.
Hilde Vesaas
Hilde Vesaas er forfattar, lektor, skribent og fast bokmeldar
i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Roman
Haruki Murakami:
Drapet på kommandanten Bok 1
Omsett av Ika Kaminka og
Yngve Johan Larsen
Pax
Tilhøvet mellom ein kunstnar og det skapte, og kva ein kunstnar skaper av, er noko mange har handsama i litteratur og biletkunst. Eit sterkt verk om slike tema er Bildet av Dorian Grey. Oscar Wildes roman tek opp ønsket om å vere udødeleg, om kunstens makt og om korleis han på subtilt vis er kopla til sterke krefter i menneskesinnet, krefter som ikkje berre er av det gode slaget. Dette spelar med i bakgrunnen når ein les Drapet på kommandanten.
Haruki Murakami har nådd ein sjeldan posisjon som ei litteraturens superstjerne, høgt elska av både kritikarar og lesarar verda over. Også denne gongen finst det frydefulle augeblikk i lesinga av den japanske meisteren. Ein kjenner att forfattarens særeigne klo og det fascinerande murakamiske universet, ein stad der det fortrolla og det kvardagslege går hand i hand på eit heilt spesielt og saumlaust vis. Likevel er kanskje ikkje den 18. skjønnlitterære boka til japanaren heilt på linje med «hypen» rundt han.
Holet han kraup ut av
For mange lesarar blir det heilt sikkert herleg å på nytt få trengje inn i Murakamis verd, ei verd av overgrodde bakhagar med skjulte mysterium, matlaging, musikk og kattar, heite famntak på kryss og tvers av ekteskap og faste forhold, uforklarlege forsvinningar og tilsynekomstar, gåtefulle telefonsamtaler og brev. Også hovudpersonen er ein velkjend figur: den nokså unge mannen som har mista fotfestet, og som prøver å skape både eit nytt tilvære og noko av kunstnarleg verdi.
I Drapet på kommandanten gjeld det ein ikkje heilt kunstnarleg forløyst portrettmålar som i eit slags sjølvvalt eksil kjem over eit mystisk måleri på eit loft, skapt av kunstnaren som ein gong eigde huset han leiger. Uforklarlege ting byrjar å skje, som bjølleringing i natta, oppdaginga av ei djup sjakt (også eit velkjend Murakami-motiv), ein mystisk og særs velståande mann som oppsøkjer hovudpersonen for å få portrettet sitt måla, og som spionerer på ei ung jente i eit nabohus. Innimellom lærer vi ein del om tradisjonell japansk kunst og om klassisk musikk.
Superstjerne på hell?
Det er berre første delen som no er komen på norsk, den andre kjem over sommaren. Av den grunn, og fordi plotet er viktig her, vil eg ikkje røpe så mykje meir av handlinga. Ho er spennande nok, det er ikkje det. Men måten Murakami fortel på, synest eg ikkje når heilt opp denne gongen. Språket hans er mindre biletskapande enn tidlegare. Forfattaren har dessutan ein keisam tendens til å gjenta noko lesaren alt veit. Romanen har difor eit unødvendig stort omfang.
Etter å ha lese Drapet på kommandanten blir eg i tvil om superstjernestatusen framleis er fortent, og i alle fall om Murakami klarar å halde på han framover. Av ein forfattar med ein så enorm posisjon må ein kunne vente mykje, og denne gongen innfrir ikkje den japanske meisteren heilt. Til liks med så mange andre vart eg fjetra og begeistra over verk som Norwegian Wood og Trekkoppfuglen, mens dei siste utgivingane ikkje synest å leve opp til dei høge forventningane.
Eg las delar av romanen på både engelsk og norsk, og må fullrose dei norske omsetjarane som nok ein gong har gjort ei bragd med å skape eit godt norsk frå eit så fjernt språk som japansk.
Hilde Vesaas
Hilde Vesaas er forfattar, lektor, skribent og fast bokmeldar
i Dag og Tid.
Etter å ha lese Drapet på kommandanten blir eg i tvil om superstjernestatusen framleis er fortent.
Fleire artiklar
Foto: Terje Pedersen / NTB
Tendensiøs statistikk om senfølger
Myndighetene må anerkjenne at senfølger eksisterer og utgjør et samfunnsproblem.
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.