Framferda er ein spegel
Valdskyldskapane er eit meisterverk om drift og konvensjonar.
Johann Wolfgang von Goethe (1749–1832) måla av Karl Josef Raabe i 1814.
Roman
Johann Wolfgang von Goethe:
Valskyldskapane
Omsett av
Oskar Vistdal
Skald Forlag
Skald held fram med klassikarserien sin, og no kjem Goethes roman, Valskyldskapane frå 1809, framifrå omsett av Oskar Vistdal.
Boka handlar om baronen Eduard og kona hans, Charlotte, som har alt, til og med lukke. Eduard har i tillegg ein gamal ven, ein kaptein som for tida vantar høveleg sysselsetjing, og Eduard vil invitera han til baroniet, for å bu der og hjelpa til med ymse planer, noko Charlotte er ambivalent til, av di ho nok har ei aning om at ein slik person på eitt eller anna vis kan komma til å skipla harmonien deira, men ho tenkjer også på å invitera heim fosterdotter si, Ottilie, og så vert det slik at båe dei to vert inviterte, i førstninga til fagnad, men seinare til sut.
Tenar for tanken
Eduard vert forelska i Ottilie, og liknande kjensler oppstår mellom Charlotte og kapteinen. Det kjem til eit førebels oppgjer mellom Eduard og Charlotte, og som alltid elles i boka er replikkvekslinga å lesa som ein stafett av briljante føredragshaldarar, men sjølv om praten er ordrik og vidfemnande, er han samstundes effektiv, så det er ei lise å lesa. Og her kjem me til det som for meg var den største lesaropplevinga, og det var språket omsetjaren Oskar Vistdal har nytta. Nynorsken er her eldre enn seg sjølv, klassisk i ordtilfanget, men likevel ikkje arkaisk i forma, i alle høve ikkje meir enn i originalutgåva. Det er språkbruk som gjer sinnet reint, for slik kan ein ikkje ordleggja seg på slump, tunga er tenar for tanken og ikkje ein reiskap for geip.
Stort er det å sjå at Goethe nok ser Charlotte som den aller klokaste mellom jambyrdige, men i skrift vert ho utfordra av den elles smålåtne Ottilie, som skriv dagbok. Notata hennar i den boka syner at ho er eit universalgeni av Goethes kaliber, noko ein i dag kan nytta som innvending mot romanen, for det tærer noko på truverdet, men det er likevel gildt å lesa slikt, for ho uttrykkjer seg tidt aforistisk med ein visdom som lesaren straks vil gjera til sin eigen, sjølv om han knapt vert vørda i verda vår. «Framferd er ein spegel der alle viser biletet sitt», skriv ho mellom anna, og det er ikkje mindre sant to hundre år etter at boka vart til. Skilnaden på då og no er at folk no snakkar og skriv slik det fell seg, og utan skam. «Ingen er større træl enn han som trur seg fri utan å vera det», skriv ho også.
Meisterverk
Driftene som vert skildra i boka, er tidlause, men dei styrande konvensjonane er ikkje dei same. Og sjølvsagt gjekk ikkje folk ikring og ordla seg som tillegg til Håvamål eller Salomos ordtak, men det eksisterte eit stilideal og ein idé om høvisk framferd. Naturlegvis kunne slikt også verta tvangstrøyer og fotjern, men det bar med seg eit bod om at ein måtte sjå til å verta vaksen. Ja, det var tider, det!
Mot slutten fell boka ned i ein type melodrama som sikkert var storveges i samtida, men som i dag verkar konstruert og lite truverdig. Personane skundar seg med å døy slik at forfattaren får avslutta verket, men det øydelegg ikkje opplevinga av eit meisterverk for meg, for endå om Goethe dediserte fire dikt til Luke Howard, engelskmannen som klassifiserte skyene, er det skyfritt og vid utsikt i toppetasjen i denne romanen. Ein gjer klokt i å lesa boka, og sjå om ein kan vera på høgd med teksten. Skald fortener takk for denne utgjevinga, og Oskar Vistdal St. Olav for det gilde språket.
Odd W. Surén
Odd W. Surén er forfattar og fast bokmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Roman
Johann Wolfgang von Goethe:
Valskyldskapane
Omsett av
Oskar Vistdal
Skald Forlag
Skald held fram med klassikarserien sin, og no kjem Goethes roman, Valskyldskapane frå 1809, framifrå omsett av Oskar Vistdal.
Boka handlar om baronen Eduard og kona hans, Charlotte, som har alt, til og med lukke. Eduard har i tillegg ein gamal ven, ein kaptein som for tida vantar høveleg sysselsetjing, og Eduard vil invitera han til baroniet, for å bu der og hjelpa til med ymse planer, noko Charlotte er ambivalent til, av di ho nok har ei aning om at ein slik person på eitt eller anna vis kan komma til å skipla harmonien deira, men ho tenkjer også på å invitera heim fosterdotter si, Ottilie, og så vert det slik at båe dei to vert inviterte, i førstninga til fagnad, men seinare til sut.
Tenar for tanken
Eduard vert forelska i Ottilie, og liknande kjensler oppstår mellom Charlotte og kapteinen. Det kjem til eit førebels oppgjer mellom Eduard og Charlotte, og som alltid elles i boka er replikkvekslinga å lesa som ein stafett av briljante føredragshaldarar, men sjølv om praten er ordrik og vidfemnande, er han samstundes effektiv, så det er ei lise å lesa. Og her kjem me til det som for meg var den største lesaropplevinga, og det var språket omsetjaren Oskar Vistdal har nytta. Nynorsken er her eldre enn seg sjølv, klassisk i ordtilfanget, men likevel ikkje arkaisk i forma, i alle høve ikkje meir enn i originalutgåva. Det er språkbruk som gjer sinnet reint, for slik kan ein ikkje ordleggja seg på slump, tunga er tenar for tanken og ikkje ein reiskap for geip.
Stort er det å sjå at Goethe nok ser Charlotte som den aller klokaste mellom jambyrdige, men i skrift vert ho utfordra av den elles smålåtne Ottilie, som skriv dagbok. Notata hennar i den boka syner at ho er eit universalgeni av Goethes kaliber, noko ein i dag kan nytta som innvending mot romanen, for det tærer noko på truverdet, men det er likevel gildt å lesa slikt, for ho uttrykkjer seg tidt aforistisk med ein visdom som lesaren straks vil gjera til sin eigen, sjølv om han knapt vert vørda i verda vår. «Framferd er ein spegel der alle viser biletet sitt», skriv ho mellom anna, og det er ikkje mindre sant to hundre år etter at boka vart til. Skilnaden på då og no er at folk no snakkar og skriv slik det fell seg, og utan skam. «Ingen er større træl enn han som trur seg fri utan å vera det», skriv ho også.
Meisterverk
Driftene som vert skildra i boka, er tidlause, men dei styrande konvensjonane er ikkje dei same. Og sjølvsagt gjekk ikkje folk ikring og ordla seg som tillegg til Håvamål eller Salomos ordtak, men det eksisterte eit stilideal og ein idé om høvisk framferd. Naturlegvis kunne slikt også verta tvangstrøyer og fotjern, men det bar med seg eit bod om at ein måtte sjå til å verta vaksen. Ja, det var tider, det!
Mot slutten fell boka ned i ein type melodrama som sikkert var storveges i samtida, men som i dag verkar konstruert og lite truverdig. Personane skundar seg med å døy slik at forfattaren får avslutta verket, men det øydelegg ikkje opplevinga av eit meisterverk for meg, for endå om Goethe dediserte fire dikt til Luke Howard, engelskmannen som klassifiserte skyene, er det skyfritt og vid utsikt i toppetasjen i denne romanen. Ein gjer klokt i å lesa boka, og sjå om ein kan vera på høgd med teksten. Skald fortener takk for denne utgjevinga, og Oskar Vistdal St. Olav for det gilde språket.
Odd W. Surén
Odd W. Surén er forfattar og fast bokmeldar i Dag og Tid.
Ein gjer klokt i å lesa boka, og sjå om ein kan vera på høgd med teksten.
Fleire artiklar
Foto: Terje Pedersen / NTB
Tendensiøs statistikk om senfølger
Myndighetene må anerkjenne at senfølger eksisterer og utgjør et samfunnsproblem.
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.