Den øydeleggjande kjærleiken
Stormfulle høgder er briljant om destruktive krefter i mennesket.
Emily Brontë skreiv berre éin roman.
Foto: Hulton Archive
Roman
Emily Brontë:
Stormfulle høgder
Omsett av Ragnar Hovland og Øystein Vidnes
Skald Forlag
Somme storverk i litteraturen trur ein at ein kjenner godt til av di ein las dei for 45 år sidan, men då lyt ein tru om att. Slik er det med nyomsetjinga av den einaste romanen til Emily Brontë, Stormfulle høgder. Her har omsetjarane gjort ei bragd, gått til grunnteksten og fått med seg absolutt alt frå eit litterært univers som i den djupaste grunnen er ulikt alt anna.
Handlinga i boka vert for ein stor del silt gjennom fleire lag av forteljarar, men den som fører teksten fram til lesaren, er ein som ikkje har mykje med hendingane å gjera, ein Mr. Lockwood som har leigd seg husvære på ein stad som heiter Thrushcross Grange. Utleigaren er Mr. Heathcliff frå garden Wuthering Heights, ein beisk og vond mann, og ein av dei eigentlege hovudpersonane i romanen. Sentralt står den heftige, men sjeldan gladlynte og aldri søte relasjonen mellom Heathcliff og Catherine Earnshaw.
Heathcliff var ein gut far til Catherine fann på gata i Liverpool og tok med seg heim til Wuthering Heights, der han budde med borna sine, Catherine og Hindley. Etter at Earnshaw senior døyr, tidleg, som folk gjer i eino i denne romanen, får Heathcliff ein hard og vond oppvekst. Hindley vert ein tyrann, og Heathcliff kjem med tida til å overgå han i så måte. Lyset i livet hans er Catherine, men ho er ikkje varm på annan måte enn at ein kan brenna seg på henne, og Heathcliff er like heit, bråsint og lettkrenkt som han er.
Mørkt
Emily Brontë skriv teksten innover og nedover i dei mørkaste krokar av menneskesinnet, der kjærleiken vrengjer seg til egoisme, ein vil eiga den andre med hud og hår, driftene er thanatiske (etter Thanatos, død) heller enn erotiske, og skulle det vanka noko som liknar eit venleg ord, vert det helst misforstått.
Mørket er, med andre ord, tett i denne romanen, og likevel er han svært fascinerande. Det er ei eiga stemning i teksten, noko uhyggjeleg som sprengjer seg fram med veldig kraft og grip lesaren slik at han til og med drøymer om dei beiske og egosentriske personane, og ein vert ikkje kurert for dette ved å sjå Kate Bush syngja om Wuthering Heights på Youtube, heller, snarare tvert imot, berre så det er sagt.
Konsekvent
Den intellektuelle krafta til Emily Brontë, og evna til å halda seg konsekvent til forsettet, er imponerande. Sjølv om det til tider er mykje villskap i teksten, er han aldri utanfor kontroll. Ein grip seg i å undra seg på korleis ho kunne skriva noko slikt, ho, som levde langt frå livsens lagnad, og på korleis ho kunne ha så god kjennskap til skuggesidene av mennesket.
Eg trur ikkje svaret på dette ligg i det eg har skrive i notata mine, «personane er så beiske av di dei aldri går på do», det må heller ha vore noko ho har kjent i seg sjølv, uprovosert av røynsle, noko av det aggressive, egoistiske og brutale i menneskenaturen.
Omsetjarane har råka innertiaren med å nytta sognamål der Brontë skreiv somme replikkar på rural Yorkshire-dialekt, og det er gjort med stor musikalitet. Eg vart ikkje overraska over den vrien, for eg las etterordet først, og sjølv om eg tykkjer det er rett at det er eit etterord, meiner eg framgangsmåten min var klok, endå om eg ikkje nytta han av klokskap, men av di eg er grenselaust nyfiken. Resultatet vart det same, korso.
Stormfulle høgder er kort og godt ein fenomenal roman.
Odd W. Surén
Odd W. Surén er forfattar og fast bokmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Roman
Emily Brontë:
Stormfulle høgder
Omsett av Ragnar Hovland og Øystein Vidnes
Skald Forlag
Somme storverk i litteraturen trur ein at ein kjenner godt til av di ein las dei for 45 år sidan, men då lyt ein tru om att. Slik er det med nyomsetjinga av den einaste romanen til Emily Brontë, Stormfulle høgder. Her har omsetjarane gjort ei bragd, gått til grunnteksten og fått med seg absolutt alt frå eit litterært univers som i den djupaste grunnen er ulikt alt anna.
Handlinga i boka vert for ein stor del silt gjennom fleire lag av forteljarar, men den som fører teksten fram til lesaren, er ein som ikkje har mykje med hendingane å gjera, ein Mr. Lockwood som har leigd seg husvære på ein stad som heiter Thrushcross Grange. Utleigaren er Mr. Heathcliff frå garden Wuthering Heights, ein beisk og vond mann, og ein av dei eigentlege hovudpersonane i romanen. Sentralt står den heftige, men sjeldan gladlynte og aldri søte relasjonen mellom Heathcliff og Catherine Earnshaw.
Heathcliff var ein gut far til Catherine fann på gata i Liverpool og tok med seg heim til Wuthering Heights, der han budde med borna sine, Catherine og Hindley. Etter at Earnshaw senior døyr, tidleg, som folk gjer i eino i denne romanen, får Heathcliff ein hard og vond oppvekst. Hindley vert ein tyrann, og Heathcliff kjem med tida til å overgå han i så måte. Lyset i livet hans er Catherine, men ho er ikkje varm på annan måte enn at ein kan brenna seg på henne, og Heathcliff er like heit, bråsint og lettkrenkt som han er.
Mørkt
Emily Brontë skriv teksten innover og nedover i dei mørkaste krokar av menneskesinnet, der kjærleiken vrengjer seg til egoisme, ein vil eiga den andre med hud og hår, driftene er thanatiske (etter Thanatos, død) heller enn erotiske, og skulle det vanka noko som liknar eit venleg ord, vert det helst misforstått.
Mørket er, med andre ord, tett i denne romanen, og likevel er han svært fascinerande. Det er ei eiga stemning i teksten, noko uhyggjeleg som sprengjer seg fram med veldig kraft og grip lesaren slik at han til og med drøymer om dei beiske og egosentriske personane, og ein vert ikkje kurert for dette ved å sjå Kate Bush syngja om Wuthering Heights på Youtube, heller, snarare tvert imot, berre så det er sagt.
Konsekvent
Den intellektuelle krafta til Emily Brontë, og evna til å halda seg konsekvent til forsettet, er imponerande. Sjølv om det til tider er mykje villskap i teksten, er han aldri utanfor kontroll. Ein grip seg i å undra seg på korleis ho kunne skriva noko slikt, ho, som levde langt frå livsens lagnad, og på korleis ho kunne ha så god kjennskap til skuggesidene av mennesket.
Eg trur ikkje svaret på dette ligg i det eg har skrive i notata mine, «personane er så beiske av di dei aldri går på do», det må heller ha vore noko ho har kjent i seg sjølv, uprovosert av røynsle, noko av det aggressive, egoistiske og brutale i menneskenaturen.
Omsetjarane har råka innertiaren med å nytta sognamål der Brontë skreiv somme replikkar på rural Yorkshire-dialekt, og det er gjort med stor musikalitet. Eg vart ikkje overraska over den vrien, for eg las etterordet først, og sjølv om eg tykkjer det er rett at det er eit etterord, meiner eg framgangsmåten min var klok, endå om eg ikkje nytta han av klokskap, men av di eg er grenselaust nyfiken. Resultatet vart det same, korso.
Stormfulle høgder er kort og godt ein fenomenal roman.
Odd W. Surén
Odd W. Surén er forfattar og fast bokmeldar i Dag og Tid.
Den intellektuelle krafta til Emily Brontë er imponerande.
Fleire artiklar
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Den norske fiskeflåten er mangfaldig. Her er ringnotfartøy ved kai i Egersund våren 2017.
Foto: Per Anders Todal
Fiskar er fiskar verst
Striden om kvotemeldinga kan få Fiskarlaget til å rivne.
Mannsutvalet saman med kultur- og likestillingsminister Lubna Jaffery under overrekkinga av rapporten.
Foto: Ole Berg-Rusten
Vil avlive likestillingsmytar
Forskar Mari Teigen ønskjer seg ein kjønnsdebatt bygd på kunnskap.
Statsministeren i Storbritannia, Rishi Sunak, har varsla at dei fyrste flya mot Rwanda skal vere i lufta løpet av ti til tolv veker.
Foto: Toby Melville / Reuters / NTB
Vil nytte Rwanda
som asylskremsel
Den som prøver å ta seg til Storbritannia med båt over Den engelske kanalen for å søkje asyl, risikerer i framtida å verte sett på eit fly til Rwanda utan høve til å returnere.