Bokkunstnaren
I Bibliotheca Wergelandiana blir ukjende typografiske sider ved Wergeland lyfte fram.
Vignett og illustrasjon i Wergelands Normandens Katechisme (1645).
Sakprosa
Ernst Bjerke:
Bibliotheca Wergelandiana. Beskrivende katalog over Oslo katedralskoles Wergeland-samling
Stiftelsen Oslo Katedralskole 2020
Mange kjenner bokserien til Nasjonalbiblioteket som Fortidens folkelesning. Ein serie og eit bibliotek det òg er verdt å fylgje med på, er bøkene som biblioteket til Oslo Katedralskole gjev ut. Oslo katedralskoles boksamling er det eldste biblioteket og største skulebiblioteket i landet. For eit år gav bibliotekaren der, Ernst Bjerke, ut Bibliotheca Wergelandiana. Denne boka er gått heilt under radaren i norske aviser.
Henrik Wergeland gjekk sjølv på Oslo katedralskole og dedikerte eksemplar av bøker til skulen medan han levde. Sidan har biblioteket samla på Wergelands bøker, og denne samlinga har vakse monaleg takk vere bokkjøp og bokgåver i nyare tid, frå kjende boksamlarar som Cato Schiøtz, Bjørn Ringstrøm og ikkje minst Anne Marie og Kjell Chr. Ulrichsen.
Bibliotheca Wergelandiana er ei unik bokhistorisk og prentehistorisk kjelde. Ho inneheld òg artiklar om Henrik Wergeland. Odd Arvid Storsveen skriv innsiktsfullt om diktaren som «publisist». I eit påfylgjande kapittel greier Ernst Bjerke ut om kvifor det er viktig med eit bokhistorisk blikk på Wergeland. Bjerke kjem her med viktige direktiv til dei som trur at digitalisering er svaret på alle spørsmål i bibliotek og arkiv.
Får ikkje med alt
Når bøker blir digitaliserte, som til dømes på Nasjonalbiblioteket, er det nemleg mykje kunnskap som ikkje blir ført vidare, som opplagstal, papirtype og ikkje minst omslag med vignettar og illustrasjonar. Det same gjeld for moderne papirutgåver, som samla verk av ein forfattarskap, der ulike typesnitt blir skifte ut med éin gjennomgåande typografi.
I høve Wergeland er dette uheldig, for det få veit, er at Wergeland hadde eit unikt blikk for bokutstyr, ja heile bokproduktet såg Wergeland som ein del av det ideologiske fundamentet sitt. I jamføring med andre forfattarar utstyrte han bøkene sine rikeleg med dekorasjonar.
Bjerke skriv at «Wergelands løsslupne bruk av ornament og typemateriell» står i kontrast til Welhavens og Andreas Munchs bøker – for dei «ville slike dekorative innslag virke helt fremmede. De brøt med klassisismens idealer om enkelhet og harmoni».
Eksemplar til jødar
Det finst òg annan uunnverleg informasjon på Katedralskulen: Her finst Wergeland-bøker med rettingar av diktaren sjølv, av far hans og av forleggjarar. Her finst tallause eksemplar med dedikasjonar – og desse gjev oss viktig kunnskap om nettverksbyggjaren Wergeland. I høve Wergelands kamp for jødane er det interessant å lesa at han dedikerte eksemplar av Jøden til folk utanfor Nordens grenser, som forretningsmannen Israel Leon Israel i Amsterdam.
Det er om lag 400 bøker, pamflettar og så bortetter knytte til Wergeland i Oslo Katedralskoles boksamling, så her finst gullkorn å oppdaga. Ei byrjing til denne oppdagingsturen er altså Bibliotheca Wergelandiana, som både finst gratis digitalt og i papirutgåve.
Ronny Spaans
Ronny Spaans er fyrsteamanuensis i norsk ved Nord universitet og fast skribent i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Sakprosa
Ernst Bjerke:
Bibliotheca Wergelandiana. Beskrivende katalog over Oslo katedralskoles Wergeland-samling
Stiftelsen Oslo Katedralskole 2020
Mange kjenner bokserien til Nasjonalbiblioteket som Fortidens folkelesning. Ein serie og eit bibliotek det òg er verdt å fylgje med på, er bøkene som biblioteket til Oslo Katedralskole gjev ut. Oslo katedralskoles boksamling er det eldste biblioteket og største skulebiblioteket i landet. For eit år gav bibliotekaren der, Ernst Bjerke, ut Bibliotheca Wergelandiana. Denne boka er gått heilt under radaren i norske aviser.
Henrik Wergeland gjekk sjølv på Oslo katedralskole og dedikerte eksemplar av bøker til skulen medan han levde. Sidan har biblioteket samla på Wergelands bøker, og denne samlinga har vakse monaleg takk vere bokkjøp og bokgåver i nyare tid, frå kjende boksamlarar som Cato Schiøtz, Bjørn Ringstrøm og ikkje minst Anne Marie og Kjell Chr. Ulrichsen.
Bibliotheca Wergelandiana er ei unik bokhistorisk og prentehistorisk kjelde. Ho inneheld òg artiklar om Henrik Wergeland. Odd Arvid Storsveen skriv innsiktsfullt om diktaren som «publisist». I eit påfylgjande kapittel greier Ernst Bjerke ut om kvifor det er viktig med eit bokhistorisk blikk på Wergeland. Bjerke kjem her med viktige direktiv til dei som trur at digitalisering er svaret på alle spørsmål i bibliotek og arkiv.
Får ikkje med alt
Når bøker blir digitaliserte, som til dømes på Nasjonalbiblioteket, er det nemleg mykje kunnskap som ikkje blir ført vidare, som opplagstal, papirtype og ikkje minst omslag med vignettar og illustrasjonar. Det same gjeld for moderne papirutgåver, som samla verk av ein forfattarskap, der ulike typesnitt blir skifte ut med éin gjennomgåande typografi.
I høve Wergeland er dette uheldig, for det få veit, er at Wergeland hadde eit unikt blikk for bokutstyr, ja heile bokproduktet såg Wergeland som ein del av det ideologiske fundamentet sitt. I jamføring med andre forfattarar utstyrte han bøkene sine rikeleg med dekorasjonar.
Bjerke skriv at «Wergelands løsslupne bruk av ornament og typemateriell» står i kontrast til Welhavens og Andreas Munchs bøker – for dei «ville slike dekorative innslag virke helt fremmede. De brøt med klassisismens idealer om enkelhet og harmoni».
Eksemplar til jødar
Det finst òg annan uunnverleg informasjon på Katedralskulen: Her finst Wergeland-bøker med rettingar av diktaren sjølv, av far hans og av forleggjarar. Her finst tallause eksemplar med dedikasjonar – og desse gjev oss viktig kunnskap om nettverksbyggjaren Wergeland. I høve Wergelands kamp for jødane er det interessant å lesa at han dedikerte eksemplar av Jøden til folk utanfor Nordens grenser, som forretningsmannen Israel Leon Israel i Amsterdam.
Det er om lag 400 bøker, pamflettar og så bortetter knytte til Wergeland i Oslo Katedralskoles boksamling, så her finst gullkorn å oppdaga. Ei byrjing til denne oppdagingsturen er altså Bibliotheca Wergelandiana, som både finst gratis digitalt og i papirutgåve.
Ronny Spaans
Ronny Spaans er fyrsteamanuensis i norsk ved Nord universitet og fast skribent i Dag og Tid.
Bibliotheca Wergelandiana er ei unik prentehistorisk kjelde.
Fleire artiklar
Teikning: May Linn Clement
Historieforvanskingar
Eskil Skjeldal har skrive fleire bøker, både sakprosa og romanar.
Foto: Vegard Giskehaug
Der mørkeret bur
Eskil Skjeldal er ikkje redd for å gå dit det gjer mest vondt.
Foto: Terje Pedersen / NTB
Tendensiøs statistikk om senfølger
Myndighetene må anerkjenne at senfølger eksisterer og utgjør et samfunnsproblem.
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.